Ịmaakị 2:20 - IWE ỌNỊNỊ

²⁰ Ama ẹkụhị aa vẹ anaa vaa sị ọva ọnẹẹ hụụ ịzọọ, ịjọnọọ ẹ vaa ba awẹ.

Ịmaakị 2:20 ပူးပေါင်းရင်းမြစ်များ

Ahẹ Ụgama 45:11

Ohinọyị vee sì ịrẹyị awụ agụvị ka wê zoza, Waā sị ụbanyịị yọ agụvị ka ọnị ọ̀ vị adarehi awụ nị.

Ahẹ Isoromọnị 3:11

Ẹwụ nịnị anyẹnẹẹ Anịzayọnị, jịnẹ vẹ, dị we ve re ohinọyị Isoromọnị nịnị. Ve re o me ku amu ohinọyị ọnị ọnyị anị si ku ọ ịhị ana aa nyị ọnẹẹ. Ịhị ọnọọ ọ vị ẹkụhị ayohine anị hu kere-kere nị.

Ayịsaya 54:5

Agụvị ka Ohomorihi ana mẹ wụ vị ana vaa sị mẹẹ anka ọ vaa yị wu. Ịrẹha anị ọ rị Ẹnẹyịmavara Ochẹtẹẹngụ nị, Ohomorihi Ọnịnị Ísirẹrị vaa dọ wụụ ha. Ọnị ọ vị Ohomorihi avaba ẹhẹ nị.

Ayịsaya 62:5

Anka ọnọrụ anaa nyị ozwoorihi ẹnẹ ẹ yị yẹ ọnọrụ, avọọ Ẹnẹyịmavara ana mẹ̀ wụ mẹ vaa nyị wụ nị. Ayị ọnọrụ meē hine tu oze avọọ, avọọ ayị Ohomorihi awụ nịnị mee hine tu wu nịnị

Ịzakaraya 13:7

Ẹnẹyịmavara Ochẹtẹẹngụ kà ụhwọ ọ kwẹẹtẹ tu oseratẹmẹ anị ana mẹ ụkọrọ yị ọnị. Ọ wù ọ dị atẹmẹ anị gara hi ozi. Ọnị a va eyi ịraazị ka aza anị.

Imatiwu 26:31

Ịjọnọọ Ijeesu ộ kà a yị wa ka, “Avaba awụ nịnị vee zwee hụrẹ mị ẹngụ ịrahụ ọnị, agụvị ka Iwe Ohomorihi ộ kà a ka: ‘Mi vee tụ́ Oseratẹmẹ, dị atẹmẹ nịnị gara hi.’

Imatiwu 9:15

Dị Ijeesu kà a yị wa ka, “Aza ọza anaa nyị ọnẹẹ ẹ́ẹ́ zụ jị òrèrè ịnị ụmẹ ọnị ọva ọnẹẹ yà pe wa? Ama ẹkụhị aa vẹ anaa vaa sị ọva ọnẹẹ hụụ ịzọọ, ịjọnọọ ẹ vaa ba awẹ.

Ịmaakị 2:19

Dị Ijeesu kà a yị wa ka, “Aza ọza ana aa nyị ọnẹẹ ẹ́ẹ́ zụ ba awẹ ịnị ụmẹ ọnị ọva ọnẹẹ yà pe wa? Ịnị ụmẹ ọnị ọva ọnẹẹ yà pe wa, ẹ yị zụ ba awẹ.

Ịmaakị 2:21

Ọza ọ mā dà ịta ọwọọwa dị ọ̀ gẹ ẹ za awuru ọkụkụ. Ọza ọ̀ọ vavọọ mẹ, dị ịta ọwọọwa ọnọọ na hụụnị awuru ọkụkụ, dị awuru ọnọọ na hu avọọ.

Iruuku 17:22

Dị ọ rẹ kà a yị ezirẹma anị ka, “Ụmẹ aa vẹ oni u vee sì ka we re ẹkụhị ọnya ịnị ẹkụhị ẹmị Ozi ọza onigirima, di u we yi zụ re e nịnị.

Iruuku 5:35

Ama ẹkụhị aa vẹ ana a vaa sị ọva ọnẹẹ hụụ ịzọọ, ịjọnọọ ẹ vaa ba awẹ.”

Ịjọọnụ 12:8

Onosiye vị oni u wee re nịnị eyinị-eyinị; ama ẹmị ẹ yị vaa yàa pe wu nịnị pooro.”

Ịjọọnụ 13:33

Ẹwụ nịnị ezi emi, mẹ yị kụkụ vaa yà ịdị awụ nịnịị kù. U vee sì mi nịnị. Maa kà a wụ nịnị anka m mẹ̀ rẹ vịdị kà a yị Aniju nịnị ka, wẹ yị zụ nọ ịzị maa nọ nịnị.

Ịjọọnụ 16:28

Ịzẹyịza, ịdị Ada amị mị hụrẹ dị mị vẹ ịnị ẹhẹ nị. Mị raa hụụnị ẹhẹ, dị ma nọ ịdị Ada amị.”

Ịjọọnụ 16:7

Ama dị ma kà ịzẹyịza wụ nịnị ka màa na, ọ dahi yị wụ nịnị hu nị. Mẹ̀ yị na, Ohunẹnọzayị ọnọọ ọ yị vaa vẹ ịdị awụ nịnị. Màa zị na, dị mị tụ́ ọọ ve tù wu nịnị.

Ịjọọnụ 17:11

Booro aanị, o si tù ka ma vẹ ịdị awụ. Mẹ yị kụkụ vaa yà ịnị ẹhẹ. Aza awụ ẹnị vị ene yi hi ịnị ẹhẹ. Ọga, ana vị Ọnịnị, sị ụkata awụ sị eyi pe aza ọnị ụ raà sị mị, agụvị dị ẹ̀ zụ vị ọnya, anka ẹ́mịrị ẹwụ mẹ̀ vị ọnya!

Ịjọọnụ 17:13

“Booro aanị, maa vẹ ịdị awụ. Maa kà ịsa ẹnẹnị, m mẹ̀ yị yà ịnị ẹhẹ aanị, agụvị dị ẹ̀ zụ nyị inohine amị tụ́ ịnị ayị ẹnịnị, dị ọ̀ gụ.

Ịjọọnụ 3:29

Ọza ana aa nyị ọnẹẹ, ọ nyị ose anị nị. Ọta anị ana jẹẹ pe e dị aa wụ́ ọngwẹ anị, ọọ̄ jẹ ẹtẹẹtẹrẹ, ọ̀ọ wụ́ ọngwẹ ọva ọnẹẹ. Avọọ m mẹ̀ yà nị, ayị amị o si hine saka-saka.

Odeyi 1:9

Ịjị ọ maanị sị ịrẹyị kà yị wa, dị Ohomorihi sị ọọ nọ ẹbẹẹba nị. Ẹ́nịnị mèe yii re e, di eguhi vú ọọ hi wa eyi nị.

Odeyi 14:23

Ịnị ịragụ Ohomorihi ọnya-ọnya, Ịpọọrụ nịnị ệ nyị azọkụ ịragụ yị wa. Dị ẹ mẹ̀ aduwa, dị ẹ za awẹ, dị ẹ kụ́ aza ẹnẹẹ chire Ananyị yị ẹnị ẹnịnị sị ayị tụra ụvọ nị.

Odeyi 3:21

 nyị ka Ijeesu ọ̀ yà ẹbẹẹba pooro dị ịsavị-ịsavị ẹ̀ vara ọwọọwa, anka Óhomorihi mẹ̀ vịdị kà a ini oze ọnịsẹ ọnịnị nịnị, a mẹ̀ hụrẹ mẹ ẹhẹ.

1 Anịkọrịntị 7:5

Asị ẹvarose yi ka ẹnị ẹ yị kanyị ẹngụ, ẹ̀ yị vị ẹ hụhụ dọ ka ẹnị aa sị ụmẹ chee tịtẹ, dị ẹnị ẹ̀ẹ mẹ̀ aduwa. Ẹ̀ẹ vavọọ sị ọ mẹ, ẹ̀ rẹẹ mẹ ẹvarose ẹnịnị, agụvị asị Echu ne re oze za wa mẹ ịvị, agụvị ka ẹ yị zụ sị ụvọ za ẹngụ ẹnịnị.

2 Anịkọrịntị 11:2

Maa kụ̀ ụhị ịrẹsụ awụ nịnị anka Ohomorihi avọọ. Vị ụ sị mẹẹ nịnị anka ozwoorihi ẹnẹ ẹ̀ẹẹ̀ yị yẹ ọnọrụ ọnị mị raà kà a ka maa sịị gà ọza ịnyara kẹnẹ avọọ nị. Ọza ịnyara ọnọọ ọ vị Ikirisiti nị. Mee sì ka ma sị wụ nịnị naa yọ.

2 Anịkọrịntị 11:27

Mâ mẹ̀ ụkọrọ, ộ ngụ mị ẹngụ. Ụmẹ ọrụrụ-ọrụrụ mẹ yị sụ̀ ara ịrahụ. Ụngwẹ ộ kụ̀ mị, enyi ọ rẹ kụ̀ mị. Ụmẹ ọrụrụ-ọrụrụ me yi re ịsa rị, me yi re aha yà, me yi re ịta kú ẹngụ.

2 Anịkọrịntị 6:5

Ê tụ́ yị, á kụ́ yị hi ịnị ẹngwa, â tụ́ ịrẹyị tù yị. Aza ệ za yị mẹ̀ ụkọrọ, yẹ yị sụ̀ ara, yẹ yị rẹ rị ịsa.

Ẹtore 19:7

À vẹ ya jẹ, dị ịnẹ ayị òo hine, dị yaa sị ụbanyịị yọ! agụvị ka ụmẹ o si tù oni Ozi Atẹmẹ ọnọọ aa sịị nyị ọnẹẹ; ose anị ọ sị ẹngụ tenyi tịtẹ.

Ẹtore 21:9

Ọnya ịnị anggẹẹrị ịhịmba ẹnẹẹ ana nyị ịchacha ịhịmba ana vị ohihi ụyọrị ọdịrẹma ịhịmba, o ve tù mi, dị ọ ka, “Vẹ dị ma sị ọnẹẹ ana vị ose Ozi Atẹmẹ ọnọọ zụ̀ wụ!”