Ịmaakị 2:17 - IWE ỌNỊNỊ

¹⁷ Ịjị Ijeesu maanị wụ́, dị ọ kà a yị wa ka, “Ịsa ọ̀ yị zị ọza, o mē sì ọmahọnọ. Ọza ọnị ịsa aa zị kẹnẹ, oō sì ọmahọnọ nị. Agụvị avọọ mẹ yị vẹ ka ma hị́ ọnịrẹyịzẹyịza, ẹ̀ yị vị ka ọnịvị nịnị è ro ịnẹ varẹma.”

Ịmaakị 2:17 ပူးပေါင်းရင်းမြစ်များ

Ayịsaya 1:18

Ẹnẹyịmavara kà. Ro tụ́ ịnị ịrẹyị ọnọnị booro aanị Ịzẹyịza ebira odivi o si wu nịnị du ha anka ịta ana che kú avọọ, ama mị vaa nyịna wụ dị ụ nị sẹnẹ-sẹnẹ aanị. Mị ka ebira odivi ọ̀ọ daka mẹ ka we du ha anka ịsa ovivi mèe du ịta ha avọọ mị vaa mẹ ka wa nị kẹẹkẹrẹ.

Ayịsaya 55:7

Navọ ọza ọhịmị ọ và hụụnị ẹhẹ odivi anị, dị ọza odivi ọ̀ và hụụnị aro odivi anị. Navọ ẹnịnị ẹ̀ và ka Ẹnẹyịmavara vẹ ka ọ vaa vayị ẹnịnị. Ẹnịnị ẹ̀ và ka Ohomorihi ayị vẹ, ka ọ vaa vaa gu wa ẹtẹẹtẹrẹ.

Ijeremaya 17:9

Ẹnẹyịmavara kà, ẹnẹ zụ yẹ́ ayị ọza kẹ? Ẹ́ yị nyị ịsị ee vene ọza anka ayị ọza; oo divi ẹtẹẹtẹrẹ ana ahịka ọza ẹ yị zụ tenyi ọ.

Imatiwu 18:10

“Asị ụ zẹẹ ka wa sị eyi oweyi re ezi eweyi ẹnẹnị! Dị ma kà a wụ nịnị ka anggẹẹrị ẹnịnị ẹbẹẹba vị eneē re eyi Ada amị ẹbẹẹba.

Iruuku 15:10

Dị ma rẹ kà a wụ nịnị ka avọọ gẹdẹ-gẹdẹ anggẹẹrị Ohomorihi màa jẹ ịrajẹ agụvị ọnịvị ọnya ene ro ịnẹ varẹma nị.”

Iruuku 15:29

Dị ọ kà a yị ada anị ka: ‘Wee re! Re ịrayị ọnị mị hụrẹ aa sịị hẹkẹ wụ! Ẹ yị nyị ụmẹ ọnị mị sị jịnẹ ọda awụ da. Ama wẹẹ̀ yị sị ozi ẹvụ ọnyaa mị da, ka ma wụ ọ, dị ẹmịrị ọta amị ẹ̀ sị rị eche.

Iruuku 15:7

Dị ma kà a wụ nịnị ka avọọ gẹdẹ-gẹdẹ ị́rajẹ ọyịjẹ mẹ̀ yà ẹbẹẹba agụvị ọnịvị ikonya ene ro ịnẹ varẹma hu aza ọ jị ọnya ha ịnị ẹchẹhị ana vị ọnịzẹyịza, ẹnẹ ẹ̀ yị nyị ka è ro ịnẹ varẹma nị.”

Iruuku 16:15

Dị Ijeesu kà a yị wa ka, “Ẹwụ nịnị ọọ̄ jị ịhị yị ẹngụ awụ nịnị éyi ọza nị. Ama Ohomorihi ộ yẹ ayị awụ nịnị. Ịsị aza ro ka ịsa ẹtẹẹtẹrẹ ọ vị nị, ịsa kẹnẹ-kẹnẹ ọ vị ini eyi Ohomorihi nị.

Iruuku 19:10

Agụvị ka ẹmị Ozi ọza onigirima vị ana vẹ ka me sì aza ene vú, dị ma dọ wa há.”

Ịjọọnụ 9:34

Dị ẹnịnị tụ́ ọọ ohi, dị ẹ ka, “Ẹwụ ana a ma, da a rẹ sị enyi ịvị kà, ee sì ka wa zụ̀ yị ịsa nịị? Dị ẹ dụ ọọ kwooze nị.”

Ịjọọnụ 9:40

Anihwarisi ẹnyị ene hi ịzọọ ệ wụ́, Íjeesu mẹ̀ vavọọ kà. Dị ẹ họ̀ ọ use ka, “Aanịka ogweyi ẹ́yị rẹ vị bẹẹ nị?”

Odeyi 20:21

Aniju ọnịrị Anigiriki m maa kà a yị ẹtẹẹtẹrẹ ka è ro ịnẹ varẹma, dị ẹ̀ và ká Ohomorihi vẹ, dị ẹ̀ rẹ dọ Ijeesu Ananyị yị wụ́ nị.

Odeyi 26:20

Mâ vịdị kà ịrẹyị Ohomorihi Ị́damasịkọsị ọnịrị Íjerusarẹmị beri avaba ẹtẹ Ijudiya ọnịrị yị Anigiriki. Dị mị ka ẹnịnị è ro ịnẹ varẹma hụụnị ịvị ẹnịnị, dị ẹ̀ va ká Ohomorihi vẹ nị. Dị ẹ̀ rẹ mẹ̀ ebira ana sị zụ̀ ka ẹ sị ịnẹ ro varẹma.

Ịtayịtọsị 2:14

Ijeesu ọnọọ ọ vịdị sị ẹngụ anịị yị, agụvị dị ọ̀ zụ hị́ yị varẹma nị, agụvị dị ya zụ há hụụnị avaba ịsa edivi. Dị ọ́ mẹ ayị ayị ọnịnị, dị ị kụkụ sị vị aza anị ana aa sịị vụrị ka yaa mẹ̀ ịsa ene zoza nị.