Ịmaakị 2:16 - IWE ỌNỊNỊ

¹⁶ Ọzwọzọda nịnị ana rẹ vị Anihwarisi ê re, Íjeesu mèe beri aza edivi ẹnịrị ọdẹkẹhirehi nịnị rị ịsa. Dị ẹ kà a yị ezirẹma anị ka, “Sị ẹ vẹ di ee beri ọdẹkẹhirehi ọnịrị aza edivi nịnị ị rị ịsa?”

Ịmaakị 2:16 ပူးပေါင်းရင်းမြစ်များ

Ayịsaya 65:5

Ẹnịnị vanaā kà a yị aza ana vọ ka, “kana kwooze, a sị ụ sị ụvọ kanyị yị, ka aza ọnịnị ị vị̀ nị.” Ẹmịrị ẹngụ aza ẹnẹẹ ẹ yị zụ mẹ ọnya. Màa kụ ayịị hi wa, vị ọ sị mẹẹ anka ịra ene è yi me mí avọọ nị.

Imatiwu 18:17

Òo yi, dị ọ̀ yị wụ́ ẹ́ẹnịnị nị, dị ụ kà a yị anịragụ Ohomorihi. Ama òo yi yi, dị ọ̀ yị wụ́ áanịragụ nị, dị ụ kụkụ za a anka anarịmadọwụ ọnịrị ọza odivi avọọ.

Imatiwu 5:46

Àa vị ọza ene sì ịrẹyị awụ nịnị kẹnẹ, ẹwụ nịnị re sì ịrẹyị anị nị, ye re ọgụ ọnị ụ nyị? Avọọ aza edivi ẹnị mẹ̀ rẹẹ̄ mẹ nị.

Imatiwu 9:11

Ịjị Anihwarisi nịnị re e, dị ẹ kà a yị ezirẹma anị ka, “Sị ẹ vẹ dị ọga awụ nịnị ee beri ọdẹkẹhirehi ọnịrị aza edivi nịnị rị ịsa?”

Ịmaakị 2:15

O si kù chee kẹnẹ, dị Ijeesu ngụ ini eehi Ireevi, dị ẹyaa rị ịsa nị. Ọdẹkẹhirehi ọnịrị aza edivi vị ene re hi ịzọọ aa rị ịsa bẹẹ beri Ijeesu ọnịrị ezirẹma anị; agụvị ka ẹnịnị ệ rụrụ, dị ẹyaa dụ Ijeesu ịrẹma nị.

Ịmaakị 2:7

“Sị ẹ vẹ dị ọ maanị aa kà? Vị aa kụ̀ Ohomorihi ụhụ aanị nọ! Ẹnẹ zụ vagu ọza ịnị ịvị anị, ẹ̀ yị vị Ohomorihi ọnịnya kẹnẹ?”

Iruuku 18:11

Dị Anihwarisi ọnọọ kwẹẹtẹ jẹẹ aha anị irenyi, dị ọ maanị aa mẹ̀ aduwa nị ka: ‘Ohomorihi, mâ kụ́ wụ avọ ka mẹ yị yà aza ana vọ mẹ̀ yà: aza anaā họ́họ̀ha, dị ẹyaa mẹ irikichi, dị ẹ rẹ yaa sẹ̀ ịrẹka. Mẹ yị hyakụ yà anka ọdẹkẹhirehi ọnọnị bẹẹ.

Iruuku 19:10

Agụvị ka ẹmị Ozi ọza onigirima vị ana vẹ ka me sì aza ene vú, dị ma dọ wa há.”

Iruuku 19:7

Ịjị aza maanị ree, dị ẹyaa rị ihuhu nị, ka, “Ho! Ijeesu o ne ree chí ini irehi ọza odivi o!”

Iruuku 5:30

Dị ọzwọzọda ọnịrị Anihwarisi nịnị aa rị ihuhu, dị ẹ kà a yị ezirẹma Ijeesu ka, “Sị ẹ vẹ di u wee beri ọdẹkẹhirehi nịnị ọnịrị aza edivii rị ịsa, dị ẹwụrị wa ee hú nịnị?”

Odeyi 23:9

Dị aza ee nowuu hu avọọ nị. Dị ọzwọzọda nịnị ini ogu Anihwarisi kwẹẹtẹ, dị ẹ ka, “Ẹ yị nyị ịsa odivi oni i re ka ọnọrụ ọnọnị ộ mẹ̀. Ọ nyẹngụ hụ ọọ ahịka ụhwẹ ẹnyị, àa vị anggẹẹrị ọ kà ịrẹyịị yọ nị.”

1 Anịkọrịntị 2:15

Ọza ana nyị Ụhwẹ Ọnịnị ọ́ọ yẹ ụbanyị avaba ịsa; ama ẹ yị nyị ọza ana zụ yẹ ụbanyị ọnị nyẹmba.

Anihiburu 12:3

Roo nịnị dị a re ẹngụ ọza ana vavọọ sị ẹngụ dọ ịsa edivi ọnị ọnịvị nịnị mẹ hi ọ! Agụvị avọọ asị ụ zẹẹ ka ò du wu nịnị eyi, dị ụ wa na hụrẹ ụvọ nịnị!