Ịmaakị 2:1 - IWE ỌNỊNỊ

¹ Ộ da kù chee Ijeesu ộ vavẹ va ngụ Ikapanawumi. Anẹkụra ẹnẹẹ ẹ sị ọọ wụ́ gẹtẹ ka ọ yà ini eehi.

Ịmaakị 2:1 ပူးပေါင်းရင်းမြစ်များ

Imatiwu 4:13

Dị ọ hụrẹ Ịnazarẹtị, dị ọ va yà Ikapanawumi ana yà akaha ụtọ irehu, ana yà ịnị ẹtẹ Izeburuni ọnịrị Inahwitari nị.

Imatiwu 9:1

Ijeesu ộ ngụ ịnị ẹpa ọnya, dị ọ varẹma nọ akẹnẹ irehu, dị ọ nọ ịnị ẹkụra anị nị.

Ịmaakị 1:45

Ama dị ọnọrụ ọnọọ na, dị ọ naa kà a yị aza ọrụrụ-ọrụrụ, dị aa kà a zịịzị nị. Agụvị avọọ Ijeesu ọ yị kụkụ nyẹngụ va ngụ ịnị ẹkụra ini eyigede, dị ọ na yà ịzị aza ọ̀ yị yà nị. Aza vị ana aa yịị hara hụrẹ avaba aha nee tù ọọ ịzọọ.

Ịmaakị 2:2

Dị aza wara gụ tawụ-tawụ ini irehi ọnọọ nị. Irehi vị ene hí yị aza huuu va ngụ enoze. Ẹ yị kụkụ nyị aha vụrụ-vụrụ ịnịnẹ irehi ọnọọ. Dị Ijeesu aa kà ịrẹyị Ohomorihii yị wa nị.

Ịmaakị 3:20

Ijeesu ọnịrị ezirẹma anị ệ nọ ini eehi ọnya, dị ọkọnị aza rẹ sị wara gụ tawụ-tawụ, ana ahịka Ijeesu ọnịrị ezirẹma anị e yi nyị eyi rị ịsa nị.

Ịmaakị 7:17

Ịjị Ijeesu sị hụụ ịdị aza ẹnẹ na ngụ ini eehi, di ezirẹma anị va họ̀ ọ use ini oze ụhịrẹyị ọnọọ nị.

Ịmaakị 7:24

Ịjị Ijeesu hụụ ịzọọ, dị aa nọ ọgụrị ẹkụra Ịtaya nị. Ộ ngụ ini eehi ọnya aanị, o yi sì ka à yẹ ka ọnị yà ịzọọ; ama ọ yị zụ tẹ.

Ịmaakị 9:28

Ịjị Ijeesu sị ngụ ini eehi ọnya, dị ezirẹma anị tangwa were họ̀ ọ ka, “Sị ẹ vẹ dị ẹyị ẹ̀ yị zụ dụ ụhwẹ ọnọọ jịnẹ?”

Iruuku 4:23

Dị Ijeesu rẹ kà a yị wa ka, “Mâ yẹ ka u vee che ụhịrẹyị ọnọnịị mị nịnị ka: ‘Omahọnọ, wẹ rẹ̀ mẹ ẹngụ awụ ụkụụ! Avaba ịsị yaa wụ́ ka wâ mẹ Ìkapanawumi, rẹ mẹẹ ẹkụra awụ ịzẹnị bẹẹ!’ ”

Iruuku 5:18

Ịjọnọọ dị aza ẹnyị aanị sị odooro chema oswẹngụ ọnya vẹ nị. Di eyee sì ka ẹnị ẹ̀ sị ọọ ngụ eehi, dị ẹnị ẹ̀ sị ọ na tịtẹ ọ́vịdị Ijeesu nị.

Ịjọọnụ 4:47

Ọ́nọrụ ọnọọ mẹ̀ wụ́ ka Ijeesu ọ sị hụrẹ Ijudiya va ngụ Igariri, di o ne tù ọ nị. Dị ọ dá ịpẹ yị Ijeesu ka ò chí vẹ, dị ọ̀ va mẹ ozi ọnọrụ anị ụkụ, agụvị ka ee vee sú nị.

Odeyi 2:6

Ẹ mẹ̀ maanị wụ́ ịrẹyị, dị aza hara gụ ịzọọ nị. Ô hí wa irenu ẹtẹẹtẹrẹ, agụvị ka ọzọza ộ wụ́ ka odeyi nịnị aa sị ẹkụra anịị kà ịrẹyị.