Ịmaakị 16:18 - IWE ỌNỊNỊ

¹⁸ Ẹ̀ẹ sị ẹwụ rị ụvọ, ẹ̀ẹ daka hú ịsa ana nyẹngụ wụ̀ ọza, ẹ yị nyị ịsị ọ vaa mẹ wa. Ẹ vaa sị ụvọọ tụra ọnịkụ nịnị, dị ẹngụ ẹnịnị nịya.”

Ịmaakị 16:18 ပူးပေါင်းရင်းမြစ်များ

Oyinyima 3:15

Ohomorihi ka ọnị vaa mẹ ka ẹwụ ọnịrị ọnẹẹ ọnọọ ọ̀ vị ọnịvị ẹngụ. Ọ kà Irima ezi anị ọnịrị irima ezi ẹwụ vị ana vaa vị ọnịvị ẹngụ. Ẹnị vị ana vaa chaka wụ ịrẹsụ, dị ẹwaa dà a ibezyahụ rị.

Ahẹ Ụgama 91:13

Ụ maanị vaa kụ́ ahụ hi iku irenyi-irenyi ọnịrị ẹwụ edivi irenyi-irenyi, dị waa na haara kẹnẹ.

Ịmaakị 5:23

Dị aa dá ịpẹẹ yọ ẹtẹẹtẹrẹ nị ka, “Ozi emi ọnẹẹ aa mẹrị isu. Aarịhịnị, va sị ụvọ tụra a, dị ẹngụ anị ọ̀ nịya ụvị ọ̀ nyẹngụ yàra!”

Iruuku 10:19

Re, mâ sị ụkata wụ nịnị ka waa kụ́ ahụụ hi ẹwụ ọnịrị iku, dị ụ wa rẹ zụ nyị ehuna ụkata Echu nịnị. Ẹ yị nyị ịsị ẹ va zụụ mẹ wụ nịnị.

Odeyi 19:12

Ankasihu ọnịrị ịta ọnị Ịpọọrụ sị za vị ana aza hyakụ aa kụ́ụ nọ ịdị ọnịkụ nịnị; dị ụkụ ẹnịnị ta, dị ụhwẹ echu ene hi ẹngụ ẹnịnị zwe jịnẹ.

Odeyi 3:12

Ípita mè re wa, di o nyima aa kà a yị wa ka, “Ẹwụ nịnị Anisirẹrị, sị ẹ vẹ dị ọ maanị ee hí wu eyi nịnị? Sị ẹ vẹ dị ụ maanị ee re yi nịnị? U wéé ro ka ụkata ayị, à vị ka yâ da nị chẹngụ, ị sị mẹ ka ọnọrụ ọnọnị ọ̀ọ zị ụsẹ nị?

Odeyi 3:16

Ụkata ana yà ịnị ịrẹha Ijeesu, ọ sị ụkata yị oswahụ ọnọnị aanị nị. Ịsị u wee re, dị ụ rẹ yẹ nịnị aanị, ộ mẹ̀, agụvị ka yâ sị ayị tụra Ijeesu. Ẹdọwụ ọ mẹ ka ẹngụ anị ọ̀ ta éyi avaba awụ nịnị aanị nị.

Odeyi 4:10

 vọrọ ka avaba awụ nịnị ọnịrị avaba Anisirẹrị ọ̀ yẹ ka ọnọrụ ọnọnị ộ jẹẹ ịzẹnị booro aanị, ẹngụ anị ộ ta saka-saka ini oze ụkata Ijeesu Ikirisiti Anịnazarẹtị, ọnị ụ kanyị za ọchị apavahị nịnị, dị Ohomorihi ha a hụụnị isu.

Odeyi 4:22

Ọza ọnị ụkọrọ ohyozirenu ọnọnị mẹ ịnị ẹngụ anị ana a mẹ ụkụ aanị, o si huna ozi ịrayị ẹbẹẹva.

Odeyi 4:30

Sị ụkata awụ mẹ aza ụkụ! Navọ ụkọrọ ohyozirenu ọnịrị apọtẹrẹwa ẹ̀ẹ mẹ ịnị ịrẹha Ijeesu Ozi ewu ọnịnị!”

Odeyi 9:34

Dị Ipita kà a yọ ka, “Eniyasi, Ijeesu Ikirisiti ọ sị wụ mẹ ụkụ booro aanị. Kwẹẹtẹ we tenyi ẹngụ awụ!” Obooboro, dị Eniyasi kwẹẹtẹ nị.

Aniroomi 16:20

Ohomorihi anaā sịị ẹngwọọrọ yị, o yi vee kù dị ọ̀ kà Echu ngụ ẹtẹ, dị waa kụ́ ahụụ hi ọọ nịnị. Ẹyịza ọọhẹ Ananyị yị Ijeesu Ikirisiti ọ̀ yà pe avaba awụ nịnị.

1 Anịkọrịntị 12:9

Ụhwẹ Ohomorihi ọnọọ ọ rẹ yị mẹ ka aza ẹnyị ẹ̀ sị ayị tụra Ijeesu ẹtẹẹtẹrẹ, dị ọ rẹ mẹ ka aza ẹnyị ẹ̀ zụụ̄ mẹ aza ụkụ.