Ịmaakị 16:1 - IWE ỌNỊNỊ

¹ Ịjị ẹkụhị ụhwọtụ sị para hu, Imeri Anịmagịdara ọnịrị Ịsarọmị ne beri Imeri ọnyị Ijemiisi ẹ na hị́ eturare ka ẹnị ẹ̀ sị ne sisi oku Ijeesu.

Ịmaakị 16:1 ပူးပေါင်းရင်းမြစ်များ

Oyinyima 50:2

Di ọ ka ezi ahụ anị ana vi idokita ẹ sị ahọ̀nọ sisi ada anị ẹngụ agụvị asị ọ vụ̀ nị. Ịzẹyịza di idokita ẹnẹẹ vavọọ mẹ oku Isirẹrị nị.

2 Ịtọpa 16:14

Di e ne e ịnị ụsị ịrẹta ọnị ọ chi yị ẹngụ anị ịnị ẹkụra Idevidi. Dị ẹ kụ́ eturare ohuru-ohuru sisi ọ ẹngụ zị ọ yị ne anị nị. Dị a ka ịra giri-giri ana sị zị ẹngụ nị.

Ịmaakị 14:3

Íjeesu mẹ̀ yà ịnị ẹkụra Ịbẹtanị, ini eehi Ịsayịmọnị ana vị ọnịkụ ọbanyị, dị aa rị ịsa, dị ọnẹẹ ọnya aanị vẹ nị. Ộ nyị eturare tụ́ ini ijogo ọnya aanị. Eturare ọnọọ ộ nị, dị ọ katarihi nị. Dị ọ dà ijogo ọnọọ irenu, dị aa và eturare ọnọọ hi Ijeesu ịrẹsụ nị.

Ịmaakị 14:8

Ịsị ọ zụ mẹ, ọ mẹ avọọ nị. Ộ va sị eturare sisi mi ẹngụ tịtẹ, di è ve ne mi.

Ịmaakị 15:40

A rẹ nyị anẹẹ ẹnyị aanị ana jẹẹ ẹ́nẹẹnẹ, di eyee re ẹtẹ nị. Imeri Anịmagịdara ọnịrị Ịsarọmị yà ịnị ẹnịnị; Imeri ọnyị Ijemiisi oweyi ọnịrị Ijosẹsị ọnị rẹ yà ịzọọ bẹẹ.

Ịmaakị 15:42

Oruva o si tù; ịhị ọnọọ ọ vị ẹkụhị enee siī tenyi ẹngụ nị, ọnọọ vị ka eyinẹhẹ anị ọ vị ẹkụhị ụhwọtụ nị.

Ịmaakị 15:47

Imeri Anịmagịdara ọnịrị Imeri ọnyị Ijosẹsị ê re ịzị a sị oku Ijeesu tụ́.

Ịmaakị 16:2

Ịnị ẹnẹnẹ viri-viri ẹkụhị ọsẹ, ọ́ yị màa yịị hụrẹ kẹnẹ, dị ẹ yaa nọ ini ikuta nị.

Ịmaakị 16:8

Dị ẹ wụsẹ jịnẹ, di e zwe hụụnị ikuta ịzọọ nị, agụvị ka o si hí wa irenu, ẹngụ ẹnịnị o si nyima aa dá ẹgahị papapa. Ẹ yị nyị ịsị ẹ kà yị ọzọnyị-ọzọnyị, agụvị ka angwa ee hí wa.

Iruuku 23:54

Ịhị ọnọọ ọ vị ẹkụhị ene e sii tenyi ẹngụ nị, agụvị ka ẹkụhị ụhwọtụ ee vee tù.

Iruuku 23:56

Dị ẹ varẹma nọ eehi, di e ne tenyi eturare beri ịsa oyisisi oku tịtẹ nị. Ịnị ẹkụhị ụhwọtụ, dị ẹ tụ́ ụhwọ́ nị, anka ọ́da Imosiisi mẹ̀ kà a.

Iruuku 24:1

Ịnị ẹnẹnẹ viri-viri ịnị ẹkụhị ọsẹ, anyẹnẹẹ ẹnẹẹ ệ nọ ịnị ụsị ọnọọ, dị ẹ sị ịsa oyisisi oku ene e vịdị si tenyi tịtẹ nị.

Ịjọọnụ 19:25

Ọnyị Ijeesu ọnịrị onyeyiza ọnyị anị beri Imeri ose Ikiropasị ọnịrị Imeri Anịmagịdara ệ jẹẹ gụrị apavahị Ijeesu.

Ịjọọnụ 19:31

Ịhị ọnọọ vị ẹkụhị ene e siī tenyi ẹngụụ zí ẹkụhị ụhwọtụ. Ẹnịnị ẹ mā zẹẹ ka oku ọ̀ gẹ ịrẹsụ apavahị ne tù ẹkụhị ụhwọtụ. Ẹkụhị ụhwọtụ ọnọọ vị irenyi. Agụvị avọọ, dị Aniju nịnị na kà a yị Ipayireti ka eni èe nee che ẹchụkụ ahụ aza ẹnẹẹ, dị ẹnị ẹ̀ kụ́ wa hụụ ịzọọ.