Ịmaakị 15:14 - IWE ỌNỊNỊ

¹⁴ Dị Ipayireti rẹ ka, “Sị ẹ vẹ? Sị ẹ vị ịsa odivi ọnị ọ mẹ̀?” Di e re nowu hu avọọ, dị ẹ ka, “Kanyị ọọ za apavahị!”

Ịmaakị 15:14 ပူးပေါင်းရင်းမြစ်များ

Ahẹ Ụgama 69:4

Aza ana aa kụ́ ayị amị ọọhẹ kẹnẹ ệ hyakụ rụrụ huna ẹyị ịrẹsụ amị. Ọnịvị amị ene ee sì ka ẹnị ẹ wụ̀ mị ệ rụrụ ẹnẹmẹhị vị ka vị a nyị m mẹ̀ ka yị wa nị. Ịsị mè yi yi, ệ sị ụkata za mị ka ma sị ọ vẹ.

Ayịsaya 53:3

Aza ana vọ ệ sị eyi wụ ọ, di e yi ọ tịtẹ nị. Ộ sị ẹngụ dọ ụya ọnịrị ayodu. Ọzọza vị anaa sị eyii tẹ̀ẹ yọ. Â sị eyi wụ ọ; ọza e yi ro o ka â nyị ịsị ọ vị.

Ayịsaya 53:9

Ệ sị ọ tụ ini ikuta pe aza ọhịmị nịnị. Ê ne e pe opisa ọnya. Ẹ yị nyị ụmẹ ọnị ọ sị sị ụkata-ụkata mẹ ọza ịrẹyị. E yi cheeche ọnyọọnyị.

Imatiwu 27:19

Ípayireti mẹ̀ yaayịtẹ ịnị aga ọkarẹyị anị, ose anị ộ tụ́ ụtụ hi ọọ ka, “Asị ụ bẹ ụvọ tụ́ ịrẹyị ọnọrụ ọnọọ, oo, agụvị ka ẹ yị nyị ịsị ọ mẹ. Eyi amị ô re ịrẹyị ẹtẹẹtẹrẹ ịnị ụra ajịnị agụvị ịrẹyị anị.”

Imatiwu 27:4

Dị ọ ka, “Ma sị ịvị mẹ, agụvị ka mâ sị ọza ẹnẹ ẹ̀ yị nyị ịsị ọ mẹ chire ọnịvị ụvọ ka ẹ̀ wụ̀ ọọ.” Dị ẹnịnị tụ́ ohi, dị ẹ ka, “Ịzị ọnọọ gẹ ẹyịrị ẹwụ? Áawụ ọ́nọọ kụkụ vị nọ!”

Imatiwu 27:54

Ọga isoja ẹchẹhị nịnị ọnịrị isoja nịnị ana yà pe e ene ee sere Ijeesu, ê re, ẹ́tẹ mè henyi ọnịrị avaba ịsa ana mẹ. Angwa ô hí wa, dị ẹ ka, “Ịzẹyịza, ọnọrụ ọnọnị vị Ozi Ohomorihi o!”

Ịmaakị 15:13

Di e nowu zẹtẹ, dị ẹ ka, “Kanyị ọọ za apavahị!”

Ịmaakị 15:15

Ama Ipayireti ô sì ka ọnị ọ̀ mẹ̀ ịsa ene zè aza ẹnẹẹ eyi; agụvị avọọ dị ọ hụrẹ Ibaraba ụvọ yị wa nị; Dị ọ ka è tụ́ Ijeesu ịjapa, dị à sị ọọ, dị à na kanyị ọọ za apavahị.

Iruuku 23:21

Ama di e nowu tụ́ ẹba, dị ẹ ka, “Kanyị ọ za apavahị! Kanyị ọ za apavahị!”

Iruuku 23:4

Dị Ipayireti kà a yị ohirẹsụ ẹbanyị irehi Ohomorihi ọnịrị aza ana vọ ka, “Me yi re ịsa odivi ọnị ọnọrụ ọnọnị mẹ, oo!”

Iruuku 23:41

Ọkarẹyị ẹyị ọnị ộ vọrọ, agụvị ka ụkọrọ ụvọ ayị, ị yaa rị ọgụ anị nị. Ama ẹ yị nyị ịsa odivi ọnị ọnọrụ ọnọnị mẹ.”

Iruuku 23:47

Ọga isoja ẹchẹhị nịnị ô re ịsa ana mẹ, dị ọ sị ụga yị Ohomorihi nị, dị ọ ka, “Ịzẹyịza, ọnịrẹyịzẹyịza ọ́nọrụ ọnọnị vị nị.”

Ịjọọnụ 18:38

Dị Ipayireti ka, “Sị ẹ vị ịzẹyịza kẹ?” Ịjị ọ vavọọ sị kà, dị ọ rẹ varẹma ne tù Aniju nịnị, dị ọ ka, “Ẹ yị nyị ịvị oni mi re ka ộ rị nịnị, oo!

Ịjọọnụ 19:6

Ịjị ohirẹsụ ẹbanyị irehi Ohomorihi ọnịrị iporisi irehi Ohomorihi ree, dị ẹ ka, “Kanyị ọọ za apavahị! Kanyị ọọ za apavahị!” Dị Ipayireti ka, “Ẹwụ nịnị ụvọta ọ̀ sị ọọ, dụ wa na kanyị ọọ za apavahị nịnị, agụvị ka ẹ yị nị ịvị ene emi re ịnị ụvọ anị.”

Odeyi 13:28

Ẹnịnị ẹ yị hyakụ zụ re ịrẹyị ana a vọrọ ka à sị mẹ̀ ọkarẹyị isu yọ, ama ẹ kị ka Ipayireti ọ̀ wụ ọọ.

Odeyi 19:34

Ama aza ẹnẹẹ mè re ka Aniju ọ vị nị, dị ẹ kụkụ sị irenu tọ̀ ọnya ee nowu ka, “Idiyana Anẹhwẹsọsị wa nyị ụbanyị!” Ệ maanị nowu mẹ agogo ẹẹva.

Anihiburu 7:26

Ijeesu ọ vị ohirẹsụ ọbanyị irehi Ohomorihi ene rere yi nị. Ọnịnị ọ vị nị, ọ yị mẹ̀ ịsa odivi vụrụ-vụrụ. Ohomorihi ọ raà sị ọ hụụnị akakana ọnịvị nịnị, dị ọ sị ọ tụ́ ẹbẹẹba keekere nị.

1Ipita 1:19

ama anya Ikirisiti ụvọta ana vị ịsa ọkụmị-ọkụmị yọ nị. Anya ọnọọ vị ana sị mẹẹ anka anya ozi atẹmẹ ana a sịị̄ mẹ̀ ịsọvọ ẹnẹ ẹ̀ yị mā nyị ịdọtị, àa vị ụkụ vụrụ-vụrụ.