Ịmaakị 14:72 - IWE ỌNỊNỊ

⁷² Kẹnẹ, dị ụkọkọrọ ụpẹ ọhụva nowu nị. Dị Ipita tamayị, Íjeesu mẹ̀ vịdị kà a ka, “Dị ụkọkọrọ ò nee nowu gụ ụpẹ ẹẹva, ụ vaa kà a tù ụpẹ ẹẹta, ka wẹ yị yẹ mị.” Ịjị o ro o, dị ọ mẹ orere kẹ nị.

Ịmaakị 14:72 ပူးပေါင်းရင်းမြစ်များ

2 Ịsamụwẹrị 24:10

A mẹ̀ vavọọ sị aza ẹnẹẹ za ịrịka kẹnẹ, dị ayị Idevidi mẹ kì nị. Dị Idevidi kà a yị Ẹnẹyịmavara dị ọ ka, “Ogwoo, Ma sị akụvị ọbanyị mẹ ịnị ịrẹyị ọnị mị mẹ aanị. Aarịhịnị Ẹnẹyịmavara navọ wa vagu mị ka ma sị ụra odivi mẹ ịnị ịrẹyị ọnị mị mẹ aanị.”

Ezikẹẹrị 16:63

Ẹnẹyịmavara kà, ọnị vaa vagu avaba ebira odivi ọnị ụ mẹ yị wụ, ama ụ vaa tamayị ẹnịnị dị ụhị nyị wụ pooro ne tu ka wẹ́ yị va zụ ha irenuu kà ịrẹyị.

Ezikẹẹrị 36:31

Ụ vaa tamayị avaba ẹhẹ odivi ọnị ụ vịdị rá nịnị, ọnịrị ebira ene è yị zoza ọnị ụ vịdị mẹ nịnị. Ịrẹyị ẹngụ awụ nịnị vee du wu nịnị eyi agụvị ebira odivi awụ nịnị.

Ezikẹẹrị 7:16

Aza enee zwe, dị e ne hi ịrẹsụ ataba anka arivadi ana a dụ hụụ inozi avọọ. Avaba ẹnịnị va jị òrèrè agụvị ebira odivi ẹnịnị.

Imatiwu 26:34

Dị Ijeesu kà a yọ ka, “Ịzẹyịza m maa kà a wụ nị, ịnị ịrahụ ana aa vẹ aanị, dị ụkọkọrọ ò ve nowu, ụ vaa kà a tù ụpẹ ẹẹta ka wẹ yị yẹ mị.”

Ịmaakị 14:30

Dị Ijeesu kà a yọ ka, “Ịzẹyịza m maa kà a wụ nị, ịnị ịrahụ ana aa vẹ aanị, dị ụkọrọ ò ve nowu gụ ụpẹ ẹẹva, ụ vaa kà a tù ụpẹ ẹẹta ka wẹ yị yẹ mị.”

Ịmaakị 14:68

Dị Ipita aa kụ́ ka, “Mẹ yị yẹ ịsị waa kà aanị; mẹ yị hyakụ yẹ.” Di o si hu aa nọ enoze, dị ụkọkọrọ nowu nị.

Ịmaakị 14:71

Dị Ipita kwẹẹtẹ, di ee chì hi ẹngụ anị nị, dị aa hyeku nị, dị ọ ka, “Mẹ yị yẹ ọza ọnị ụ waa kà nịnị aanị.”

Iruuku 22:60

Dị Ipita rẹ ka, “Ọnọrụ ọnọnị, mẹ yị hyakụ yẹ ịrẹyị ọnị ụ waa kà aanị.” Ípita màa yịị kà ịrẹyị kẹnẹ, dị ụkọkọrọ nowu nị.

Iruuku 22:62

Di Ipita jịnẹ tụ́ ẹhẹ, dị ọ jị òrèrè ana nyị ịrẹyị nị.

2 Anịkọrịntị 7:10

Ọza òo du ayị anka Óhomorihi mè sì, ọọ̄ mẹ̀ ka ọza ọnọọ ò ro ịnẹ varẹma, dị Ohomorihi ọ̀ dọ ọ há. Ọza ọ mā sị ụmayịyẹ ịnị ọnọọ. Ama àa vị ọza ee du ayị anka anẹhẹ kẹnẹ nị, isu ọọ̄ sịị vẹ nị.