Ịmaakị 14:41 - IWE ỌNỊNỊ

⁴¹ Ijeesu ộ vavẹ ụpẹ ọhụta, dị ọ ka, “Ụ waa yịị sụ ara nịnị, dị ụ raa tụ́ ụhwọ́ nịnị nịị? Ô ze! Ụmẹ o si tù; re, aa vaa sị ẹmị Ozi ọza onigirimaa chire ọnịvị amị nịnị ụvọ.

Ịmaakị 14:41 ပူးပေါင်းရင်းမြစ်များ

1 Ohinọyị 18:27

Ịjị ọọdụ si tù, di Erija aa sị waa mẹ enyinyi nị, dị ọ kà, “We rè nowu hị́ ọ nịnị! Áa vị ụ ka Ohomorihi ọ vị nị. Ọ nyẹngụ aa sụ ara, à yị vị avọọ ahịka vị a nyị ịsị aa mẹ ịnị ụvọ nị. Ộ hyakụ nyẹngụ sị jịnẹ, à vị ka aa sụ ara. Hị́ ọ ka ọ vaa kwẹẹtẹ.”

1 Ohinọyị 22:15

Ịzẹyịza dị Imika ve si tù ohinọyị nị. Di ohinọyị kà, “Imikaya, ahẹ, yáá nọ Ịramọtị-Igiriyadi di ye ne pe wa kụ̀ ịrẹkụ, à vị asị ị nọ?” Di Imikaya ka, “Wa na, ka ẹ yị vaa nyị ịrẹyị. Ẹnẹyịmavara vaa sị waa chire wụ ụvọ.”

2 Ohinọyị 3:13

Erisa ộ kà a yị ohinọyị Anisirẹrị nịnị ka, sị ee si ịdị anị? Ọ kà ò ne tụ ẹnị ọnịsẹ ana ada anị ọnịrị ọnyị anị vịdịị nọ ịdị anị. Ama dị Ijorami, ohinọyị Anisirẹrị ka, eyiye de; Ẹnẹyịmavara ọ hị́ ẹnị ohinọyị ẹyịta hi ẹhẹ ka, ọnị ọ va kụ ẹnị chire ohinọyị Animowabi ụvọ aanị nị.

Ịrẹyị Ọzwọzịsa 11:9

Ẹwụ ọpa ozweyi, waa jẹ. Ụmẹ yị vị ozweyi aanị ayị awụ oo hine. Avaba ịsị ayị awụ oo sị kẹnẹ ọnị u si ka wàa mẹ, waa mẹ̀ ẹ. Ama tamayị ka ụ va naa ka enube avaba ịsị ụ waa mẹ yị Ohomorihi.

Ezikẹẹrị 20:39

Ẹnẹyịmavara Ananyị ụkata hu ka, booro aanị, avaba ẹwụ nịnị Anisirẹrị, waa mẹ o me zee wu nịnị eyi, ka tụ ọvịdị, wa naa mẹ ori awụ nịnị. Ama òo ku, òo jintu, waa vàa vẹ vaa saasa ọnị nịnị. Ụ vaa hụụnị ịsọvọ ọnị waa mẹẹ yị ori awụ nịnị, dị wẹ̀ yị sị ụbanyị ịrẹha ọnịnị anị nịnị aanị.

Imatiwu 26:2

“Wâ yẹ nịnị ka uhurenyi aa rị Eche ọyịparahu nị. A vaa sị ẹmị Ozi ọza onigirimaa chire ọnịvị amị ụvọ, dị ẹ kanyị mị za ọchị apavahị.”

Ịmaakị 14:10

Ijudasi Isikarịyọtị ana vị ọnya ini ezirẹma ẹwụrẹva, ộ nọ ịdị ohirẹsụ ẹbanyị irehi Ohomorihi. Ee sì ka ọnị ọ̀ sị Ijeesu chire wa ụvọ.

Ịmaakị 14:18

Ẹ mẹ̀ yaayịtẹ, dị ẹyaa rị ịsa, dị Ijeesu ka, “Ịzẹyịza m maa kà a wụ nịnị nị, ọza ịnyara ịnị awụ nịnị ẹnẹ ẹmịrịị aa rị ịsa, vaa sị mịị chire ọnịvị amị ụvọ.”

Ịmaakị 14:35

Dị ọ kà nọ ọvịdị chee, dị ọ và ku ẹtẹ, dị aa mẹ̀ aduwa nị. Dị ọ ka ọ̀ọ yaanị wụra mẹ, ụmẹ ụyọrị ọnọnị ọ̀ ha hụrẹ ọnị ịrẹsụ.

Ịmaakị 14:40

Íjeesu mẹ̀ rẹ vẹ, di o re ve tù ka ẹ rẹ yaa sụ ara nị, agụvị ka ara ee hine wa ẹtẹẹtẹrẹ. Ẹnịnị ẹ yị yẹ ịsị a vọrọ ka ẹ̀ kà yọ.

Ịmaakị 14:42

Kwẹẹtẹ, ya na nịnị! Ọza ana aa sị mịị chire ọnịvị amị ụvọ, aa vaa ngụ ịzẹnị.”

Ịmaakị 7:9

Dị Ijeesu rẹ ka, “Wâ da yara mẹ apẹ nịnị ọyịnavọ ọda Ohomorihi tịtẹ, di u we re oze sị ụvọ za ido ọnị ụ jị nịnị!

Ịmaakị 9:31

agụvị ka vị aa zụ̀ ezirẹma anị ịsa nị. Dị ọ kà a yị wa ka, “A vaa sị ẹmị Ozi ọza onigirimaa chire aza ụvọ, dị ẹ wụ̀ mị; ẹ̀ẹ sị mị wụ, ịhyẹgwẹta anị dị mị rẹ ha hụụnị isu.”

Ịjọọnụ 12:23

Dị Ijeesu ka, “Ụmẹ o si tù ana a vọrọ ka à sị sị igirima yị ẹmị Ozi ọza onigirima.

Ịjọọnụ 12:27

Dị Ijeesu rẹ ka, “Ayị amị o si du booro aanị. Sị mị vaa kà? M máá vaa kà a ka Ada amị ọ̀ sị ịrẹyị ọnọnị hụrẹ mị ịrẹsụ nị? Ama agụvị avọọ mị sị vẹ ẹhẹ nị.

Ịjọọnụ 17:1

Íjeesu mẹ̀ maanị sị ịrẹyị ẹnẹẹ kà kẹnẹ, dị ọ kụ̀rà eyi anị tụ́ ẹbẹẹba nị, dị ọ ka, “Ọga, ụmẹ o si tù, sị igirima yị Ozi ewu, dị Ozi ewu ọnị ọ̀ rẹ sị igirima yị wụ!

Ịjọọnụ 7:30

Ịjọnọọ di eyee sì ka ẹnị ẹ̀ za a nị; ama ẹ yị nyị ọza ana sị ụvọ kanyị ọọ, agụvị ka ụmẹ anị oò yi tù.

Ịjọọnụ 8:20

Ịrẹyị ẹnẹnị vị oni Ijeesu kà, ọ mẹ yà ịzị aā tụ́ ẹkẹhịị tụ́ ini irehi Ohomorihi dị aa zụ̀ aza. Ẹ yị nyị ọza ana sị ụvọ kanyị ọọ, agụvị ka ụmẹ anị oò yi tù.

Odeyi 7:52

Áá nyị ọnịsẹ oni ohiku awụ nịnị ọ̀ yị sị ụya rị da? Ẹ raà wụ̀ aza ana vịdị va kà a tịtẹ ka Ọnịzẹyịza ọnọọ aa vẹ. Ọza ọnọọ u si chire aza ụvọ, dị ụ wụ̀ ọ nịnị nị.

Ọdọvịdị 10:14

Dị Ẹnẹyịmavara rẹ ka ẹnịnị ẹ na hị́ ori ẹnị ẹ ka ẹnị a hẹkẹ, dị ọ va dọ wa ha hụụ ịnị ụmẹ ụyọrị ẹnịnị.