Ịmaakị 14:18 - IWE ỌNỊNỊ

¹⁸ Ẹ mẹ̀ yaayịtẹ, dị ẹyaa rị ịsa, dị Ijeesu ka, “Ịzẹyịza m maa kà a wụ nịnị nị, ọza ịnyara ịnị awụ nịnị ẹnẹ ẹmịrịị aa rị ịsa, vaa sị mịị chire ọnịvị amị ụvọ.”

Ịmaakị 14:18 ပူးပေါင်းရင်းမြစ်များ

Ahẹ Ụgama 41:9

Ọta amị ọnị mị nyayịnẹ sị ịnẹ yị, ẹnị ẹnịrịị dudu aa rị ịsa ọnị gẹdẹ-gẹdẹ ọ kwẹẹtẹ tù mi nị.

Imatiwu 26:21

Ẹ màa rị ịsa, dị Ijeesu ka, “Ịzẹyịza m maa kà a wụ nịnị nị, ọza ịnyara ịnị awụ nịnị vaa sị mịị chire ọnịvị amị ụvọ.”

Imatiwu 5:18

Ịzẹyịza, mị kà wụ nịnị nị, pooro dị ẹbẹẹba ọnịrị ẹhẹ ọ̀ ta, ẹ yị nyị ikonya ịnị ọda ana vaa jịị ha vụrụ-vụrụ. Avaba anị saka-saka ọ vaa sẹ nị.

Imatiwu 6:16

“Wàa raa sị awẹ nịnị bẹẹ, asị ụ sị tụra eyi anka ọmọzakụyẹ nịnị anaā và ẹngụụ hi ka aza è re ka ẹnị aa ba awẹ. Ịzẹyịza, mị kà wụ nịnị, ẹ sị ọgụ ẹnịnị dọ da.

Imatiwu 6:2

Agụvị avọọ, wàa mẹ ẹyịza, asị ụ nọọ ẹngụ awụ, anka ónogevegeve nịnị mẹ̀ẹ̄ mẹ ini irehi ahẹkẹ Aniju ọnịrị ini orere ka aza ẹ̀ẹ ga ẹnị. Ịzẹyịza mị kà wụ nị, ẹ sị ọgụ ẹnịnị dọ da.

Imatiwu 6:5

Wàa mẹ̀ aduwa, asị ụ mẹ̀ anka ọmọzakụyẹ nịnị. Eē sì ka ẹnị ẹẹ̄ jẹẹ ini irehi ahẹkẹ Aniju ọnịrị ini oreree mẹ̀ aduwa ka aza è zụ re ẹnị. Ịzẹyịza, mị kà wụ nịnị nị, ẹ sị ọgụ ẹnịnị dọ da.

Ịmaakị 10:15

Ịzẹyịza, m maa kà a wụ nịnị nị, ọza tụra ọza ẹnẹ ẹ̀ yị dọ ịjọva Ohomorihi anka ózi oweyi mẹ̀ẹ̄ dọ, ọ yị zụ ngụ ịzọọ.”

Ịmaakị 10:29

Dị Ijeesu ka, “Ịzẹyịza, m maa kà a wụ nị, ọza ọ̀ọ navọ irehi anị, àa vị ẹyịnyara anị ọnọrụ, àa vị anẹẹ, ọ̀ọ navọ ọnyị anị, àa vị ada anị, ọ̀ọ navọ ezi anị, àa vị aarẹ tịtẹ agụvị amị ọnịrị agụvị enube ọyịza,

Ịmaakị 14:17

Ịjị oruva si tù, dị Ijeesu ọnịrị ezirẹma anị ẹwụrẹva vẹ nị.

Ịmaakị 14:19

Ayị ẹnịnị ọ sị vazi, dị ẹyaa sị ọnya-ọnya họ̀ ọ ka, “Ẹmị wáá yọ?”

Ịmaakị 14:25

Ịzẹyịza m maa kà a wụ nịnị nị, me mē vene hú eche ọnọnị pooro ne tù ẹkụhị oni mi vee hú ọọ ọwọọwa ịzị Ohomorihi yà aa mẹ ịjọva.”

Ịmaakị 14:9

Ịzẹyịza m maa kà a wụ nịnị nị, aha tụra aha ana àa yà aa kà enube ọyịza ọnọnị ịnị avaba ẹhẹ, a rẹ vaa kà ịsa ọnọọ mẹ aanị nị, dị aa sịị tamayị anị.”

Ịmaakị 3:28

“Ịzẹyịza, mị kà wụ nị, Ohomorihi vaa vagu ọza ịnị avaba ịvị ọnịrị ụhụ ọnị ọ̀ọ kụ̀ Ohomorihi, ọ̀ọ daka divi pooro;

Ịmaakị 6:11

Aha tụra aha ọnị ụ wàa ngụ, dị aza è yi sì wu nịnị ọzọga, dị ẹ̀ yị rẹ wụ́ ịrẹyị awụ nịnị nị, ịjị ụ wàa hụụ ịzọọ nịnị, dị ụ bànyị edudu ịnị ahụ awụ nịnị hi ịzọọ, dị ọ̀ vị ivenu yị wa ka ịsị ẹnẹ ẹ mẹ, ô divi.”

Ịmaakị 8:12

Ijeesu ô hi ụhwẹ zẹtẹ, dị ọ ka, “Ho! Sị ẹ vẹ dị anụmẹ ọgọnị maanịị̄ sì ụkọrọ ohyozirenu aanị? Ịzẹyịza, m maa kà nị, mẹ yị vaa mẹ̀ ụkọrọ ohyozirenu ọnyọọnyị zụ̀ wa.”

Ịmaakị 9:1

Ijeesu ộ kà a yị wa ka, “Ịzẹyịza, m maa kà a yị wụ nịnị nị, â nyị aza ẹnyị ana jẹẹ ịzẹnị, ana ahịka e yi vee sú pooro di è re, Óhomorihi mẹmẹ vaa mẹ ohinọyị anịị beri ụkata.”

Ịmaakị 9:41

Ịzẹyịza m maa kà nị, ọza ana àa ká enyi ako ọnya yị wụ nịnị ka we hú ọọ, agụvị ka wâ vị Íikirisiti nịnị, ẹ yị zụ nyị ka ọ yị vaa rị ọgụ anị.”

Iruuku 11:51

O vee nyima hụụnị Ebẹrị ana a wụ̀ na ngụ Ịzakaraya ana a wụ ịnị akakana ụta ọnịrị irehi Ohomorihi. Ịzẹyịza, m maa kà a wụ nị, anụmẹ ọnọnị Óhomorihi vaa sị ụya ịrẹyị aza ẹnẹnịị rị nị.

Iruuku 22:21

Ama, re nịnị! Ọza ana vaa sị mịị chire ọnịvị amị ụvọ yà ịzị mị yà aa rị ịsa booro aanị.

Iruuku 4:24

Dị ọ kà a yị wa ka, “Ịzẹyịza, m maa kà a wụ nịnị nị, ọza ọ mā dọ ọnịsẹ ẹkụra anị.”

Ịjọọnụ 1:51

Dị Ijeesu rẹ kà a yọ ka, “Ịzẹyịza m maa kà a wụ nị: U vee re ka ẹbẹẹba ộ na hi ẹtẹ, dị anggẹẹrị Ohomorihi aa vaa hịrẹẹ vaachi ịrẹsụ ẹmị Ozi ọza onigirima.”

Ịjọọnụ 13:18

Ẹ yị vị avaba awụ nịnị m maa kà, oo! Mâ yẹ aza ọnị mị nyị. Ama ịrẹyị ini Iwe Ohomorihi vaa sẹ, ộ kà a ka: ‘Ọza ẹnẹ ẹmịrịị aa rị ịsa ọnya, ọ kwẹẹtẹ tù mi nị.’

Ịjọọnụ 13:21

Ịjị Ijeesu vavọọ sị ịrẹyị kà, ayị anị o si du. Dị ọ kụkụ kà a chapaa ka, “Ịzẹyịza m maa kà a wụ nịnị nị, ọza ịnyara awụ nịnị vaa sị mịị chire ọnịvị amị ụvọ.”

Ịjọọnụ 13:22

Dị ezirẹma anị kana eyi sì ẹngụ, dị ẹyaa jị ọọ ịrẹka ka ẹnẹ aa kà nị.

Ịjọọnụ 13:38

Dị Ijeesu tụ́ ọ ohi ka, “Wê tenyi ẹngụ ka we sú agụvị amịị? Ịzẹyịza m maa kà a wụ nị, ụkọkọrọ o yi vee nowu, dị ụ wa kà a gụ ụpẹ ẹẹta ka wẹ yị yẹ mị.”

Ịjọọnụ 21:18

Ịzẹyịza m maa kà a wụ nị, ịjị ụ vị ozweyi, ụụ̄ sị ịsaa sụ́ ọtẹ, dị ụ waa nọ ịzị èe zé wu eyi. Ama Ịjị u wèe si bo, ụ vaa tana ụvọ awụ, dị ọza ẹnẹsa sụ́ wụ, dị ọ sị wụ aa nọ ịzị ụ wẹ̀ yị yaanị sì ka wa nọ.”

Ịjọọnụ 3:11

Dị ma kà ịzẹyịza wụ, ịsa ọnị ị yẹ, ị yaa kà nị, dị ị raa dọ ivenu tụ́ ịnị ịsa oni i si re nị. Ama we yi sì ka wa dọ ịrẹyị ayị nịnị.

Ịjọọnụ 3:3

Dị Ijeesu tụ́ ọ ohi, dị ọ ka, “Dị ma kà ịrẹyị ịzẹyịza wụ: ẹ yị nyị ọza ana nyẹngụ ngụ ịzị Ohomorihi yà aa mẹ ịjọva, ẹ̀ yị vị e tenyi ọọ ma.”

Ịjọọnụ 3:5

Dị Ijeesu rẹ ka, “Dị ma kà ịrẹyị ịzẹyịza yị wụ, ẹ yị nyị ọza ana zụ ngụ ịzị Ohomorihi yà aa mẹ ịjọva, ẹ̀ yị vị a sị enyi ọnịrị Ụhwẹ Ọnịnị tenyi ọọ ma.

Ịjọọnụ 5:19

Dị Ijeesu va kà a yị wa ka, “Ịzẹyịza m maa kà a wụ nịnị nị, ẹ yị nyị ịsị ẹmị Ozi Ohomorihi zụ dà mẹ yị ẹngụ amị, ẹ̀ yị vị ịsị mèe re ka Ada amị aa mẹ; agụvị ka ịsa tụra ịsa ana Ada amị àaa mẹ, ọnị émi Ozi anị raa mẹ nị.

Ịjọọnụ 6:26

Dị Ijeesu kà a yị wa ka, “Ịzẹyịza m maa kà nị, mâ yẹ ịsị ẹ vẹ di u wee sì mi nịnị. Wee sì mi nịnị agụvị ịsa ọnị ụ rị dị ịnẹ há wụ nịnị; ama ẹ yị vị, agụvị ka wâ yẹ ụkọrọ apọtẹrẹwa ọnị mị mẹ nịnị.

Ịjọọnụ 6:32

Dị Ijeesu kà a yị wa ka, “Ịzẹyịza m maa kà a wụ nịnị nị: Ịsọyịrị oni Imosiisi sị va yị wụ nịnị, ẹ yị vị ịsa obooro ana hụrẹ ẹbẹẹba vẹ. Ama Ada amị ọ sị ịsọyịrị obooro hụrẹ ẹbẹẹba va yị wụ nịnị nị.

Ịjọọnụ 6:47

“Ịzẹyịza m maa kà a wụ nị, ọza ana àa sị ayị tụra mị, Ohomorihi ọ raà mẹ ka ọ̀ yàra pooro zịna-zịna da.

Ịjọọnụ 6:70

Dị Ijeesu tụ́ ohi, dị ọ ka, “Wâ yẹ ka ẹma nyị ẹwụ nịnị ẹwụrẹva nị. Ama ọza ịnyara awụ nịnị vị echu.”