Ịmaakị 14:11 - IWE ỌNỊNỊ

¹¹ Ịjị ẹnịnị maanị wụ́, dị ẹyaa jẹ nị, dị ẹ ka ẹnị vaa sị ẹkẹhịị yị Ijudasi nị. Di o kuku ee sì oze ọnị ọ vaa zịị sị Ijeesuu chire wa ụvọ nị.

Ịmaakị 14:11 ပူးပေါင်းရင်းမြစ်များ

1 Itimoti 6:10

Ọza ọ̀ọ raà sị ayị tụ́ ịnị ẹkẹhị baaba, ọnị ọọ̄ vị iruvo avaba ịsa odivi nị. Aza ẹnyị ẹ́ẹ vavọọ sì ọọ na pooro, ana ahịka ọyị kụkụ vana zẹẹ ka ẹ̀ kụkụ sị ayị tụra Ohomorihi; ẹ raà sị ụya tụ̀ ẹngụ ẹnịnị ụnava.

Ijudi 1:11

Aza ẹnẹnị ẹ sị da. Ẹyaa mẹ̀ ebira odivi anka Ikeeni. Ẹ raa sị avaba ẹngụ ẹnịnị tụ́ ịnị ịsa odivi ọyị mẹ, agụvị ẹ zụ nyị ẹkẹhị, anka Ịbaraamị ọnị mẹ̀ rẹ mẹ. Ẹnịnị vị anaā kwẹẹtẹ tu ọza ene huna wa, anka Ikora mẹ̀ mẹ, dị o sú ne ta.

Imatiwu 26:15

Dị ọ kà a yị wa ka, “Sị ụ vaa sịị mị nịnị, dị ma sị Ijeesu chire wu nịnị ụvọ?” Dị ẹ sị akata yọ nị.

Ihoseya 7:3

Ebira odivi ẹnịnị vị ene hine ohinọyị ayị, di ireche ẹnịnị vị ayohine ọdọvịdị nịnị nị.

2 Ohinọyị 5:26

Ama Erisa ộ kà a yọ ka, ụhwẹ anị ộ saasa a na ngụ ịzọọ ịjị ọnọrụ ọnọọ chí hụụ ịnị ịkẹkẹ ịrẹkụ anị ve tu ọ. Ụmẹ ọnọnị áa vọrọ ka à sị dọ ọza ẹkẹhị nị? Ụmẹ aanị áa vọrọ ka a sị dọ ịta nị? Ụmẹ aanị áa vọrọ ka à sị dọ aarẹ ana a kụ́ orivi ọnịrị ịvayịnị tụ nị? Ụmẹ aanị áa vọrọ ka à sị dọ ọkọnị atẹmẹ ọnịrị ọkọnị imaaru beri ezida ọnọrụ ọnịrị anẹẹ nị?

1 Ohinọyị 21:20

Ịjị Erija maanị na kà ụtụ yị Ahabị, dị Ahabị tụ́ ohi dị ọ ka, “We re si mi ree, ẹwụ ọnịvị amị?” Di Erija ka, “Hiin, me si wu re, agụvị ka wa sị ẹngụ awụ ná tụ́ ini ebira odivi ọnị waa mẹ ini eyi Ẹnẹyịmavara.

Imatiwu 26:14

Ọnya ini ezirẹma Ijeesu ẹwụrẹva ana aā hị́ Ijudasi Isikarịyọtị ộ nọ ịdị ohirẹsụ ẹbanyị irehi Ohomorihi.

Ịmaakị 14:10

Ijudasi Isikarịyọtị ana vị ọnya ini ezirẹma ẹwụrẹva, ộ nọ ịdị ohirẹsụ ẹbanyị irehi Ohomorihi. Ee sì ka ọnị ọ̀ sị Ijeesu chire wa ụvọ.

Ịmaakị 14:12

O si tù ẹkụhị ịpaapa ini Eche Ịbụrẹẹdị ẹnẹ ẹ̀ yị nyị òwù. Ịhị ọnọọ a rẹ sịị̄ wụ ozi ịdẹba Eche Ọyịparahu nị. Dị ezirẹma Ijeesu va họ̀ ọ ka, “Ịzị u wee sì ka ye ne tenyi tịtẹ yị wụ, dị ụ wa na yà rị Eche Ọyịparahu?”

Iruuku 22:3

Di Echu sị ngụ ịnị ayị Ijudasi ọnị ịrẹha ẹtẹ anị rị Isikarịyọtị nị. Ọnị rẹ vị ọnya ini ezirẹma ẹwụrẹva.