Ịmaakị 14:1 - IWE ỌNỊNỊ

¹ Ọ sị vọ ẹkụhị ẹẹva, dị à rị eche ana aā hị́ Eche Ọyịparahu, ọnịrị eche ana a rẹ sịị̄ rị Ịbụrẹẹdị ọnị ọza ọ̀ yị mā sị òwù tụ́. Dị ohirẹsụ ẹbanyị irehi Ohomorihi beri ọzwọzọda nịnị ee sì oze ka ẹ́nị mẹ̀ vaa mẹ vene Ijeesuu za, dị ẹnị ẹ̀ na wụ ọọ nị.

Ịmaakị 14:1 ပူးပေါင်းရင်းမြစ်များ

Oyinyima 37:18

Dị ẹnẹbẹnị anị nịnị re e ka aa vẹ ẹ́nẹẹnẹ nị. Ijosẹẹhụ ộ yị gụrị wa, dị ẹ wụsẹ gẹ eyi ka ẹnị aa wụ̀ ọ nị.

Ahẹ Ụgama 52:3

Ebira odivi kẹnẹ u sì ịrẹyị anị nị we yi sì ịrẹyị ebira ọyịza Avọọ u mè ree sì ka wee cheeche nị we mē sì ka waa kà ịzẹyịza.

Ahẹ Ụgama 62:4

Wee sii sì ka wa gụ ọ hyẹdụ nịnị dị ụhị ọ̀ nyị ọ Ụụ̄ sì ka weē cheeche nịnị Waa mẹ apẹẹ mẹ̀ aduwa nịnị ama ịnị ayị awụ nịnị dị waa tụ́ ozirenu hi ọza ọnọọ.

Ahẹ Ụgama 62:9

Nyị ịsị ọza vị vụrụ-vụrụ ahị ọza ọbanyị, ahị onosiye, ẹ yị nyị ana a ka â nyị ịsị ọnịvị àa kụ́ wa hi ịnị ịngọ, e vee re ka ẹ yị nyị ịsị ẹ vị vụrụ-vụrụ ẹnịnị ệ hẹrẹ hu asịsẹ.

Ọyịkụra 12:1

Ẹnẹyịmavara ộ kà a yị Imosiisi ọnịrị Eerọnị e mè hi Ijipiti, dị ọ ka:

Ireevi 2:6

Wàaa sị ọ vẹ vaa mẹ̀ ịsọvọ, ụ dà a wuri-wuri, dị a và angwẹ ọnọọ hi ọ.

Imatiwu 12:14

Dị Anihwarisi nịnị hụụ ịzọọ, dị ẹ na aa gẹ eyi, ẹ́nị mẹmẹ vaa wụ̀ Ijeesu nị.

Imatiwu 6:2

Agụvị avọọ, wàa mẹ ẹyịza, asị ụ nọọ ẹngụ awụ, anka ónogevegeve nịnị mẹ̀ẹ̄ mẹ ini irehi ahẹkẹ Aniju ọnịrị ini orere ka aza ẹ̀ẹ ga ẹnị. Ịzẹyịza mị kà wụ nị, ẹ sị ọgụ ẹnịnị dọ da.

Ịmaakị 14:12

O si tù ẹkụhị ịpaapa ini Eche Ịbụrẹẹdị ẹnẹ ẹ̀ yị nyị òwù. Ịhị ọnọọ a rẹ sịị̄ wụ ozi ịdẹba Eche Ọyịparahu nị. Dị ezirẹma Ijeesu va họ̀ ọ ka, “Ịzị u wee sì ka ye ne tenyi tịtẹ yị wụ, dị ụ wa na yà rị Eche Ọyịparahu?”

Ịmaakị 14:2

Dị ẹ ka asị a mẹẹ ịnị akakana eche, agụvị ka ịrazị va sị chị yị aza nị.

Ịjọọnụ 11:47

Dị ohirẹsụ ẹbanyị irehi Ohomorihi ọnịrị Anihwarisi nịnị kụ́ gụ, dị ẹ ka, “Sị a vọrọ ka ya mẹ? Ọnọrụ ọnọnị aa mẹ̀ ụkọrọ apọtẹrẹwa ọrụrụ-ọrụrụ aanị nị.

Ịjọọnụ 13:1

Ọ sị vọ ka ụhwọọ aa rị Eche Ọyịparahu nị. Ijeesu ộ yẹ ka ụmẹ o si tù ọnị ọnị aa sịị hụụnị ẹhẹ, dị ọnị ọ̀ nọ ịdị Ada anị. Oō sì ịrẹyị aza anị ene hi ịnị ẹhẹ. Booro aanị, o si tù ka ọ̀ sị zụ̀ wa ịzị o sì ịrẹyị ẹnịnị na za.

Odeyi 12:4

Ịjị ọ sị Ipita za, dị ọ sị ọọ na tụ́ ịnị ẹngwa nị. Dị ọ sị ọọ chire isoja nịnị ana a gà ẹnẹẹna hi oze ẹẹna ụvọ, dị ọ ka è sị eyi pe e nị. Di o ro ka àa sị Eche Ọyịparahu rị kwooze, dị à va mẹ̀ ọkarẹyị anị éyi avaba aza nị.