Ịmaakị 13:26 - IWE ỌNỊNỊ

²⁶ Di e vene re ka ẹmị Ozi ọza onigirima aa vẹ ini eguhi beri ụkata ọnịrị igirima.

Ịmaakị 13:26 ပူးပေါင်းရင်းမြစ်များ

Imatiwu 16:17

Dị Ijeesu ka, “Wâ da jẹ, Ịsayịmọnị ozi Ijona, agụvị ka ẹ yị vị ọzarẹyịrẹsụ ọ sị zụ̀ wụ, Ada amị ana yà ẹbẹẹba yọ nị.

Imatiwu 16:27

Agụvị ka Ozi ọza onigirima vaa vẹ beri anggẹẹrị nịnị ini igirima Ada anị; ịjọnọọ dị ọ sị ọgụ ụkọrọ ọzọza yọ anka ụkọrọ ọzọza.

Imatiwu 16:28

Ịzẹyịza m maa kà a wụ nịnị nị, â nyị aza ẹnyị ana jẹẹ ịzẹnị, ana ahịka e yi vee sú pooro, di è re, Ózi ọza onigirima màa vẹ vaa mẹ ịjọva.”

Imatiwu 24:30

Ịjọnọọ, dị a nyị apọtẹrẹwa ẹmị Ozi ọza onigirima ẹ́bẹẹba. Dị avaba anẹhẹ aa jị òrèrè, di e re ka ẹmị Ozi ọza onigirima aa vẹ ini eguhi ẹbẹẹba beri ụkata ọnịrị igirima.

Imatiwu 25:31

“Ịhị Ozi ọza onigirima ọ̀ọ vẹ ini igirima anị beri avaba anggẹẹrị ọnịnị nịnị, ọ vaa yaayịtẹ ị́rẹsụ aga igirima anị.

Ịmaakị 14:62

Dị Ijeesu ka, “Ẹ mịị yọ nị. U vee re ẹmị Ozi ọza onigirima ka mâ yaayịtẹ eyi ụvọrị Ohomorihi Ochẹtẹngụ. Mị vaa vẹ ịnị eguhi ẹ́bẹẹba.”

Ịmaakị 8:38

Agụvị avọọ àa nyị ọza ịnị ẹhẹ odivi ọnọnị, ana aa nyị ụhị ọ̀yị dọ irenu ka ọnị vị áamị, dị ọ raa nyị ụhị ịrẹyị amị nị, ẹmị Ozi ọza onigirima rẹ vaa nyị ụhị ọ̀yị kà a ka áamị ọza ọnọọ vị nị, ịjị màa vavẹ ini igirima ada amị beri anggẹẹrị ọnịnị nịnị.”

Ịmaakị 9:1

Ijeesu ộ kà a yị wa ka, “Ịzẹyịza, m maa kà a yị wụ nịnị nị, â nyị aza ẹnyị ana jẹẹ ịzẹnị, ana ahịka e yi vee sú pooro di è re, Óhomorihi mẹmẹ vaa mẹ ohinọyị anịị beri ụkata.”

Iruuku 21:27

Di e vene re ka ẹmị Ozi ọza onigirima aa vẹ ini eguhi beri ụkata ọnịrị igirima.

Odeyi 1:11

Dị ẹ ka, “Ẹwụ nịnị Anigariri, sị ẹ vẹ dị ụ maanị jẹẹ, dị ụ và eyi hịrẹ ee re ẹbẹẹba nịnị? Ijeesu ọnọnị ana hụụ ịdị awụ nịnị nọ ẹbẹẹba aanị, ọ rẹ vanaa vẹ, anka u mè re e ka ộ hịrẹ nọ ẹbẹẹba nịnị aanị.”

1 Anịtẹsaronika 4:16

Ananyị yị vaa mẹ̀ ọda, dị ohirẹsụ anggẹẹrị nịnị nowu, dị ọpanyị Ohomorihi rẹ sụ́ ịrẹyị, dị Ananyị yị ọnị ụvọta chí hụrẹ ẹbẹẹba aa vẹ. Aza ana sị ayị tụra Ijeesu dị e ve sú, ẹ vịdị vaa haa hụụnị isu nị.

2Ipita 1:16

Ẹ yị vị ịtọpa aza kẹnẹ ị sị rị ụvọ aa zị, ị maa kà a wụ nịnị ini oze ụkata Ijeesu Ikirisiti Ananyị yị ọnịrị ọ mẹmẹ vẹ. Ama yáa sị eyi ayị ré igirima anị.

Ẹtore 1:7

Re! Aa vẹ ini eguhi. Avaba aza vee re e beri aza ana hyakụ jị ọha ngụ ọọ akaha. Avaba anẹhẹ vaa jị òrèrè agụvị anị. Avọọ gẹdẹ-gẹdẹ ọ mẹ̀ vị nị. Aamị.