Ịmaakị 13:14 - IWE ỌNỊNỊ

¹⁴ U vee re ‘Ịsa Odivi eneē chire ọza angwa’ (ọnị Ịdanịyẹrị ọnịsẹ kà ịrẹyị anị) ka ọ yà ịzị ẹ̀ yị vọrọ ka ọ̀ yà. (Ọza ana aa kà iwe ọnọnị, ò re ka ọnị ộ yẹ ịrẹyị ọnọnị!) Ịjọnọọ aza ana àa yà Ijudiya è zwe nọ ịrẹsụ ataba.

Ịmaakị 13:14 ပူးပေါင်းရင်းမြစ်များ

Arụwẹ 1:10

Ọnịvị ẹnịnị ẹ raà kụ avaba ogu ẹnịnị. Ẹnịnị ê re ọnịvị ẹnịnị maa ngụ ịnị irehi Ohomorihi, ịzị Ẹnẹyịmavara kà ọọ vị aha eenyisi yị aza ẹnẹ yị vị Aniju ka ẹ̀ ngụ.

Ezikẹẹrị 44:9

Ọnị Ẹnẹyịmavara Ananyị ụkata hu ka, ẹ́ yị anẹkụra ọsa ẹnẹ ẹ̀ yị và ebira odivi anị ha, dị ẹ̀ yị ma saasa ịrẹyị anị ana vaa ngụ ịnị irehi anị, òo zee eyi ẹnịrị Anisirẹrị nịnị ẹ̀ ra vabẹ.

Ịdanịyẹrị 11:31

Isoja anị ẹnyị vaa na ngụ irehi Ohomorihi anka vị ẹ̀ yị vị irehi Ohomorihi ọ vị̀ nị. Ẹ vaa mẹ ka asị a kụkụ mẹ̀ ịsọvọ eyinị-eyinị hi Ohomorihi, dị ẹ sị ịsa eenyisi na jẹẹ ịzọọ.

Ịdanịyẹrị 12:11

Ọ kà hụrị ụmẹ ana sị za ịsọvọ eyinị-eyinị ọ yị mẹ hi Ohomorihi jẹẹ ọnịrị ụmẹ ana sị sị ịsị eenyisi na jẹẹ ịnị irehi Ohomorihi vaa gụ ẹkụhị akahị tụra ịrẹka tụra ẹnarẹẹwụ (1,290). Ịsị eenyisi ọnọnị vaa vị ayodu yị aza, dị ọ mẹ ka à sị a kụkụ nyị aza ịnị irehi Ohomorihi.

Ịdanịyẹrị 8:13

Ịdanịyẹrị ka, ọnị ộ vana wụ ka anggẹẹrị ọnya ộ họ̀ ọsa use ka, ịzị avaba ịsa ọnị ọnị maanị vaa yà nee tu? Ịzị aza vaa maanị mẹ ịvị naa za, dị aza ẹ yị kụkụ mẹ̀ ịsọvọ hi Ohomorihi? Aanị áa mẹ yị vaa kụ́ ahụụ hị́ aza Ohomorihi di ee du irehi anị vaa hi ẹtẹ nị?

Ịdanịyẹrị 9:27

Ọdọvịdị ọnọọ ọnịrị aza ọrụrụ-ọrụrụ vaa dọ yị ẹngụ ẹtẹẹtẹrẹ dị ọ mẹ ịrayị ịhịmba. Ịnị akakana ịrayị ọnọnị dị ẹ yị kụkụ zẹ̀ẹ ka àa mẹ̀ ịsọvọ hi Ohomorihi. Ẹ yị rẹ vaa zẹ̀ẹ ka àa sị ẹyịza ve ịnị irehi Ohomorihi bẹ ẹ. Ọ vaa sị ịsa eenyisi na jẹ ẹ ịnị ohurohuro irehi Ohomorihi pooro na ngụ ịjị Ohomorihi o vu ọza ana sị ọ jẹ ịzọọ ẹtẹ anka ọ mẹ vịdị mẹ̀ẹ ọda e zi ọ.

Imatiwu 13:51

Dị Ijeesu họ̀ wa use ka, “Ịrẹyị ẹnẹnị ô ye wu nịnị?” Dị ẹnịnị ka hịịn nị.

1 Anịkọrịntị 14:20

Ẹwụ nịnị ẹyịnyara amị, asị u rè ro ịrẹyị anka ezweyi nịnị! Re ka wee ro ịrẹyị anka ọza ana sị vịra! Wâ yẹ ka ezweyi ẹ mā mẹ̀ ịsa odivi; ẹwụ nịnị ọ̀ rẹ vavọọ yà anka ezweyi!

Ẹtore 1:3

Ọza ana àa kà iwe ọnọnị, vaa daa jẹ. Ọza ana àa rẹ wụ́ ịrẹyị ịsẹ ọnọnị, dị aa mẹ̀ ịsa ana a chẹrẹ tụ́ ini iwe ọnọnị nị, rẹ vaa daa jẹ. Ụmẹ ọnị ịsa ẹnẹnị vaa sị mẹ, ọ sị gụrị ẹtẹ.

Ẹtore 13:18

Ọsọnị ọ́ọ dọ ka ọza ọ̀ nyị ịrẹyọyẹ. Ọza ana àa yẹ ịrẹyị, ọ̀ za ịnọmba ana jẹẹ yị uye ịnị avị ọnọọ ịrịka, agụvị ka ịnọmba ọnọọ vị ana jẹẹ yị ọza. Ịnọmba ọnọọ vị akata tụra ẹbẹẹta tụra ịhịnọnyị (666).