Ịmaakị 12:7 - IWE ỌNỊNỊ

⁷ Dị aza ẹnẹẹ ana a dà ẹtẹ yị, kụkụ gẹ eyi nị, dị ẹ ka: ‘Ozi ọnọnị ọ vaa kụ́ ogu ada anị nị; à vẹ ya wụ ọọ nịnị, di ogu anị ọ̀ kụkụ vị áayị!’

Ịmaakị 12:7 ပူးပေါင်းရင်းမြစ်များ

Oyinyima 3:15

Ohomorihi ka ọnị vaa mẹ ka ẹwụ ọnịrị ọnẹẹ ọnọọ ọ̀ vị ọnịvị ẹngụ. Ọ kà Irima ezi anị ọnịrị irima ezi ẹwụ vị ana vaa vị ọnịvị ẹngụ. Ẹnị vị ana vaa chaka wụ ịrẹsụ, dị ẹwaa dà a ibezyahụ rị.

Oyinyima 37:20

Ẹ ka à ẹnị ẹ wụ̀ ọ di ẹnị e ne e ngụ ọnya ini ọ̀ha ene hi ịzẹnị aanị. Dị ẹnị ẹ kà a ka uye odivi ọ̀ wụ̀ ọ rị nị. Ịjọnọọọ ẹnị ve e re ụra anị ọ̀ọ mẹmẹ kụkụ vaa sẹ.”

Ayịsaya 49:7

Ẹnẹyịmavara kà a yị Isirẹrị ka ọnị ọ vị Ohomorihi ọnịnị ana dọ wa ha hụụnị ụvọ ohinọyị nịnị ana za wa ọrịhị ọnịrị anẹkụra ana sị eyi wụ̀ wa. Ama booro aanị ọnị o wo oto ka ohinọyị nịnị ọnịrị ọdọvịdị nịnị vaa sị ụbanyị yị wa, di e yee ku ẹtẹ yị wa agụvị ka ọnị vị ọnịrẹyịzẹyịza, ọza ọnịnị Anisirẹrị ana nyị wa.

Imatiwu 2:16

Ịjị Ịhẹrọdị sị yẹ ka ọyẹrẹyị ẹnẹnị ẹ sị ọnị vene, dị ayị anị aa dà ọva nị. Dị ọ mẹ ọda ka à na wụ̀ avaba ezinụvọ ana vị ịrayị ẹẹva vachi ene hi Ịbẹtịrẹhẹmị ọnịrị okokooro anị nị, anka ụmẹ ọnị ọ́ tangwa họ̀ use hụụnị ụvọ ọyẹrẹyị ẹnẹẹ nị.

Imatiwu 21:34

Ịjị ụmẹ ẹtụtụ ee vee tù, dị ọ tụ́ ezi ahụ anị nọ ịda aza ẹnẹ ana a dà ẹtẹ yị, ka ẹ̀ na dọ ẹtụtụ anị vẹ nị.

Ịmaakị 12:12

Ọdọvịdị Aniju nịnị ê sì oze ka ẹnị ẹ̀ za a, ama angwa aza ee hí wa. Ệ yẹ ka eni ee che ụhịrẹyị ọnọọ yị nị. Dị ẹnịnị na a vọ, di e si hu aa na nị.

Ịmaakị 12:6

Ọza ana nyị ụbazị ọnọnị ộ nyị ozi ọnya chọchọchọ̀ ọnọrụ oni o sì ịrẹyị anị ẹtẹẹtẹrẹ. Ọnị ọ tụ́ na ọdịrẹma nị, dị ọ ka: ‘Ẹ vaa nyị ịrẹsụ ọkahii yị ozi emi.’

Ịmaakị 12:8

Dị ẹ za a, dị ẹ wụ ọọ nị; dị ẹ sị ọọ ne ngụ ịrẹma ụbazị nị.

Odeyi 2:23

Ohomorihi ana yẹ avaba ịsa, ộ vịdị mẹ eto anị tịtẹ ka à sị ọọ chire wu nịnị ụvọ, dị ụ mẹ ka aza edivi ẹ̀ kanyị ọọ za ọchị apavahị, dị ụ vavọọ wụ ọọ nịnị nị.

Odeyi 5:28

“Aanịka yẹ́ẹ́ kà wụ nịnị ọ̀nọ̀ ka asị ụ kụkụ sị ịrẹha ọnọnị zụ̀ aza ịsa nịnị? Wee re nịnị! Ịsị ụ waa sịị zụ̀ aza nịnị, ọ sị gara hi avaba Ijerusarẹmị. Wee sì ka à kà a ka ẹ ya mẹ ka a wụ̀ nị.”

Odeyi 7:52

Áá nyị ọnịsẹ oni ohiku awụ nịnị ọ̀ yị sị ụya rị da? Ẹ raà wụ̀ aza ana vịdị va kà a tịtẹ ka Ọnịzẹyịza ọnọọ aa vẹ. Ọza ọnọọ u si chire aza ụvọ, dị ụ wụ̀ ọ nịnị nị.

Anihiburu 1:2

Ama ịnị ụmẹ ọnọnị ana vị ụmẹ ọdịrẹma aanị, oze ịnị ụvọ Ozi anị ọ zị kà ịrẹyịị yị nị. Ohomorihi ọ sị ọọ nyị ka ọnị ọ̀ sị avaba ịsa yọ. Oze ịnị ụvọ Ozi anị ọnọọ ọ rẹ zị mẹ avaba ẹhẹ nị.