Ịmaakị 12:2 - IWE ỌNỊNỊ

² Ịjị ụmẹ anị si tù, dị ọ tụ́ ozi ahụ anị ọnya ne tù aza ẹnẹẹ ọnọọ dà ẹtẹ yị, ka ọ̀ na dọ ẹtụtụ ana vị áanị va yị ọnị nị.

Ịmaakị 12:2 ပူးပေါင်းရင်းမြစ်များ

2 Ohinọyị 17:13

Ẹnẹyịmavara ộ vịdị tụ́ avaba ọnịsẹ anị nịnị va ka Anisirẹrị ọnịrị Anijuda nịnị ọnọ ka, “Và hụụnị ẹhẹ edivi awụ nịnị, dị ụ waa saasa ọda amị nịnị, anka ọda ọnị mị mẹ yị ohiku awụ nịnị, dị mị sị tụ ọnịsẹ amị nịnị hi wu nịnị.”

2 Ịtọpa 36:15

Ẹnẹyịmavara, Ohomorihi ohiku ẹnịnị vịdị aa tụ́ ọnịsẹ nịnị ka ẹẹ kà aza anị ọnọ agụvị ka e yi si ka ọnị ọ vụ aza ọnịrị irehi anị ẹtẹ.

Ẹzịra 9:11

Ẹwa tụ́ ezi ahụ awụ ọnịsẹ nịnị ka ẹ kà a yị ka ẹtẹ ọnị yaa naa dọ aanị vị aha ọnị anẹkụra anị raà sị ebira odivi du. Ebira odivi ẹnịnị vị ene chi ẹtẹ ẹngụ. Ẹnịnị ẹ yị nyị enyisi.

Ahẹ Ụgama 1:3

Ọza ana vavọọ aa mẹ̀ ebira ẹtẹẹrẹ, vị ọnị ẹngụ anị vee hunẹnẹ pooro. Ẹngụ ọza ọnọọ vị ana sị mẹ anka ọchị ene e chire tụ́ ụtọ okuha, anaā tụ ẹtụtụ anị ịnị ụmẹ anị, avị anị ẹ yị maa wọ̀rọ̀. Ịsa tụra ịsa ọnị ẹngụ ọza ọnọọ ọ̀ọ sị ụvọ tụra ka ọnị aa mẹ vị ene ee zozaa yọ.

Ijeremaya 35:15

Ọ kà pooro kẹnẹ ọnị aa tụ ezi ahụ anị ọnịsẹ nịnịị hi u nị. Ẹnịnị ệ kà a wụ nịnị ka ọzọza ọ̀ và hụụnị ebira odivi dị waa mẹ̀ ịsa ana vọrọ nịnị. Ệ kà wụ nịnị ọ̀nọ̀ ka asị ụ na hẹkẹ ori nịnị; agụvị wa zụ ra ịnị ẹtẹ ọnị ọnị sị yị ẹwụrị ohiku awụ nịnị. Ama wẹ yị wụ́ ịrẹyị anị nịnị.

Ijeremaya 44:4

Ẹnẹyịmavara kà, ọnị ộ tụ́ ezi ahụ anị ọnịsẹ nịnị hi wụ nịnị pooro, ka wa hụụnị ịsị edivi ẹnẹnị ọ̀yị mẹ agụvị ka ọnị ẹ́ yi sì ịrẹyị anị.

Imika 7:1

Ẹma sị dà me yi re ẹpẹ sị va o. Ịrẹyị amị sị mẹẹ anka ọ́za ọnị ụngwẹ aa kụ̀ ọnị e yi re ẹtụtụ ana vọrọ ka ọ há rị ịrẹsụ ọchị avọọ nị. A raà há avaba ẹtụtụ ọchị ene hi ịzọọ ụmẹ avọọ. Ẹ yị nyị ana vọ vụrụ-vụrụ.

Ịzakaraya 7:7

Ụtụ ọnọnị Ẹnẹyịmavara vịdị tụ́ ọnịsẹ nịnị hi wa ịnị ụmẹ ọnị o zee yị Ijerusarẹmị, dị aza hi chi ẹngụ ọnịrị ẹkụra-ẹkụra ana kara a beri Ịnẹgẹvị, eyi ụvẹtẹ anị ọnịrị eyi ịzị ọyịị̄ ngụ ẹtẹ, uruvo ataba nịnị.

Imatiwu 21:34

Ịjị ụmẹ ẹtụtụ ee vee tù, dị ọ tụ́ ezi ahụ anị nọ ịda aza ẹnẹ ana a dà ẹtẹ yị, ka ẹ̀ na dọ ẹtụtụ anị vẹ nị.

Ịmaakị 12:1

Dị Ijeesu nyima aa sị ụhịrẹyịị kà ịrẹyịị yị wa nị; dị ọ ka, “Â nyị ọza ịnya aanị ana dà ụbazị, dị ọ hị́ ọchị ana aā hị́ ịvayịnị tụ́ ịnị anị nị. Dị ọ rẹ họ̀ kara a nị. Ộ jị ụkọ ịzị a vaa yàa kwọrọ ẹtụtụ ọchị ẹnẹẹ, dị ọ re hi ụta oserẹtẹ tụ́ ọọ nị. Ộ sị ụbazị ọnọọ rere aza ẹnyị aanị ka ọnị ọ̀ọ dọ wa ọtụrọsarẹsụ anị. Di o si hu aa hụrẹ eehi nị.

Ịmaakị 12:3

Dị aza ẹnẹẹ za ozi ahụ ọnọọ, di e tụ́ ọọ, dị ẹ dụ ọọ avosusu na jịnẹ nị.

Iruuku 12:48

Ama ozi ahụ ẹnẹ ẹ̀ yị yẹ ịsị ọga anị sì, dị ọ mẹ ịrẹyị ịjapa nị, ọ vaa dọ ịjapa chee. Ọza ana àa sị ịsa ọrụrụ yị, a rẹ vaa kà a ka ọ̀ sị ịsa ọrụrụ vẹ nị. Ọza ọnị ọza ọ̀ọ sị ịsa ọrụrụ chire ụvọ, o reē họ̀ use ịsa ọrụrụ ịnị ụvọ anị.”

Iruuku 20:10

Ịjị ụmẹ si tù ka à kụ́ ẹtụtụ gụ, dị ọ tụ́ ozi ahụ anị ọnya ne tù aza ẹnẹẹ ọnị ọ dà ẹtẹ yị ka ọ̀ na dọ ẹtụtụ ana vị áanị va yị ọnị nị. Ama aza ẹnẹẹ ệ za ozi ahụ ọnọọ, di e tụ́ ọọ, dị ẹ dụ ọọ avosusu na jịnẹ nị.

Anihiburu 1:1

Ịnị ịyẹẹyẹ, Ohomorihi ộ kà ịrẹyị yị ohiku ayị nịnị ịnị ụmẹ ọrụrụ-ọrụrụ ini oze irenyi-renyi. Ịnị ụmẹ ọnọọ, oze ịnị ụvọ ọnịsẹ nịnị ọ vavọọ zịị kà ịrẹyị nị.