Ịmaakị 11:23 - IWE ỌNỊNỊ

²³ Ịzẹyịza mị kà a wụ nị, ọza tụra ọza ana àa kà a yị ataba ọnọnị ka ọ̀ kwẹẹtẹ di ò ne ẹngụ ngụ ini òkū, dị ọ̀ yị mẹ ayị ẹẹva nị, ama dị ọ dọ wụ́ ka ịsị ọnị kà vaa mẹ nị, avọọ ọ màa yàa yọ nị.

Ịmaakị 11:23 ပူးပေါင်းရင်းမြစ်များ

Ahẹ Ụgama 37:4

Weē sì ka waa mẹ̀ ịsa ene zee Ẹnẹyịmavara eyi ịjọnọọ ịsị ẹwụ èe ree sì vị ọnị ọ vaa sịị yị wụ.

Imatiwu 14:13

Ịjị Ijeesu wụ́ ọ, dị ọ hụụ ịzọọ, dị ọ ngụ ẹpa, dị aa nọ aha ọnya ịzị ọnịnya kẹnẹ vaa yà nị. Aza mẹ̀ sị yẹ, dị ẹ hụrị ẹkụra ẹnịnị, dị ẹ sị ahụ dụ ọ aa na nị.

Imatiwu 17:20

Dị Ijeesu kà a yị wa ka, “Agụvị ka wẹ yị dọ wụ́ nịnịị yọ nị. Ịzẹyịza, m maa kà a wụ nịnị nị, ẹdọwụ awụ nịnị ọ̀ọ banyị anka ihu ikonya ene weyi hu keekere, wa zụ kà a yị ataba ọnọnị ka ò hu iruvo hụụ ịzẹnị na tụ́ ịzọsọọ, vi ee hu iruvo nị, ẹ yị nyị ịsị ụ wẹ̀ yị va zụụ mẹ nịnị. [

Imatiwu 21:21

Dị Ijeesu kà a yị wa ka, “Ịzẹyịza m maa kà a wụ nịnị nị, wàa nyị ẹdọwụ, dị ụ wẹ̀ yị mẹ ayị ẹẹva nị, ẹ yị vị ịsa ọnị mị mẹ hi ọchị ọnọnị kẹnẹ, ụ vaa mẹ nịnị. Ama wàa hyakụ kà a yị ataba ọnọnị nịnị ka ọ̀ kwẹẹtẹ, di ò ne ẹngụ anị ngụ ini òkū, vị ọ vavọọ aa yà nị.

Iruuku 17:6

Dị Ananyị yị ka, “Ẹdọwụ awụ nịnị ọ̀ọ banyị anka ihu ikonya ene weyi hu keekere, wa zụ kà a yị ọchị ọnọnị nịnị ka ọnịrị ẹpa anị ò hu, dị ọ̀ hị́ ẹngụ anị tụ́ ini òkū, vị aa wụ́ ịrẹyị awụ nịnị nị.”

Ịjọọnụ 14:13

Ịsa tụra ịsa oni u wèe họ̀ use anị ịnị ịrẹha amị nịnị, mị vaa mẹ̀ ẹ, agụvị dị à zụ sị igirima yị Ada amị ini oze ẹmị Ozi anị.

Ịjọọnụ 15:7

Wàa zẹẹ ka ẹmịrị ẹwụ nịnị ọ̀ vị ọnya, dị ịrẹyị amị yà ịnị ayị awụ nịnị nị, we zụ họ̀ use ịsa tụra ịsa ene èe zé wu nịnị eyi, ụ waa nyị ọọ nịnị.

1 Anịkọrịntị 13:2

Òo zee eyi ma nyị ụkata dị ma zụụ kà ịsẹ, dị ma rẹ yẹ avaba ịsa oni iruvo anị nyịnẹ, ọnịrị avaba ịsa ana vọ, màa daka rẹ nyị ẹdọwụ ọnị mị zụ si zina ataba, ama mè yi sì ịrẹyị ọza, osusu kẹnẹ-kẹnẹ mị vị nị.