Ịmaakị 11:22 - IWE ỌNỊNỊ

²² Dị Ijeesu tụ́ ohi, dị ọ ka, “Dọ Ohomorihi wụ́!

Ịmaakị 11:22 ပူးပေါင်းရင်းမြစ်များ

2 Ịtọpa 20:20

Ẹnẹnẹ viri-viri eyinẹhẹ anị, dị aza kwẹẹtẹ nọ ịnị ụnọmị ana gụrị Itekowa nị. Ẹnịnị màa kwẹẹtẹ, dị Ijehosahwati ka ịrẹyị ẹnẹnị yị wa nị. Ọ kà a, ẹnị anọrụ Ijuda ọnịrị Ijerusarẹmị ẹ sị ayị ẹnịnị tụra Ẹnẹyịmavara Ohomorihi ẹnịnị, dị ẹẹ jẹẹ geri-geri. Ẹnịnị ẹ dọ ịrẹyị ọnị ọnịsẹ nịnị ka yị wa, ka ẹ vaa nyị ehuna.

Ahẹ Ụgama 62:8

Ẹwụ nịnị anda ayị, waa sị ayịị tụra Ohomorihi nịnị pooro kẹnẹ Avaba ịrẹyị oni wèe re ana kata wụ ẹngụ dị ụ kà a yọ agụvị ka ọnị ọ vị Ohomorihi ẹnẹ ẹ̀ yị zẹẹ ka à nyị ịsị ẹ kanyị yị nị.

Ayịsaya 7:9

Isamariya aa vịị vị ohirẹsụ Ehwireemi nị, dị ahịka ozi Iremaraya ọ vị vị ohinọyị anị nị. À yị vị ụ sị sị ayị tụra Ẹnẹyịmavara, wẹ yị va zụụ jẹẹ.

Imatiwu 14:29

Dị Ijeesu kà ọọ vẹ nị. Dị Ipita jịnẹ hụụnị ẹpa, dị aa zị ụsẹ ị́rẹsụ enyi naa gẹrị Ijeesu nị.

Imatiwu 17:20

Dị Ijeesu kà a yị wa ka, “Agụvị ka wẹ yị dọ wụ́ nịnịị yọ nị. Ịzẹyịza, m maa kà a wụ nịnị nị, ẹdọwụ awụ nịnị ọ̀ọ banyị anka ihu ikonya ene weyi hu keekere, wa zụ kà a yị ataba ọnọnị ka ò hu iruvo hụụ ịzẹnị na tụ́ ịzọsọọ, vi ee hu iruvo nị, ẹ yị nyị ịsị ụ wẹ̀ yị va zụụ mẹ nịnị. [

Imatiwu 21:21

Dị Ijeesu kà a yị wa ka, “Ịzẹyịza m maa kà a wụ nịnị nị, wàa nyị ẹdọwụ, dị ụ wẹ̀ yị mẹ ayị ẹẹva nị, ẹ yị vị ịsa ọnị mị mẹ hi ọchị ọnọnị kẹnẹ, ụ vaa mẹ nịnị. Ama wàa hyakụ kà a yị ataba ọnọnị nịnị ka ọ̀ kwẹẹtẹ, di ò ne ẹngụ anị ngụ ini òkū, vị ọ vavọọ aa yà nị.

Ịmaakị 9:23

Dị Ijeesu ka, “Sị ụ waa kà kẹ, màa nyẹngụụ? Ọza ana àa sị ayị tụra mị, ọ nyẹngụ mẹ avaba ịsa bemi-bemi.”

Ịjọọnụ 14:1

Ijeesu ộ kà a yị ezirẹma anị ka, “Asị ụ zẹẹ ka ayị awụ nịnị ò du! Sị ayị tụra Ohomorihi, dị ụ wa rẹ sị ayị tụra mị nịnị bẹẹ!

Anikorasi 2:12

A mẹ mẹ̀ ọyịhwọzenyi yị wụ nịnị, vị ọ sị mẹẹ ka vị e ne wu nịnị beri Ikirisiti nị; dị ụ rẹ ha kwẹẹtẹ hụụnị isu beri ọọ nịnị nị, agụvị ka wáa sị ayị tụra ụkata Ohomorihi ana ha Ijeesu hụụnị isu.

Ịtayịtọsị 1:1

Ẹma vị Ịpọọrụ ana vị ozi ahụ Ohomorihi, dị mị rẹ vị odeyi Ijeesu Ikirisiti nị. Ohomorihi ộ tụ́ mị ka ma na gụ aza ọnị ọ́ sị nyị ụvọ ka ẹ̀ zụ sị ayị tụra a: dị ma rẹ sị zụ̀ wa, dị ẹ̀ zụ yẹ ịzẹyịza anaā sịị oze zụ̀ aza ka ẹ̀ zụụ mẹ̀ ebira ene ze Ohomorihi eyi.