Ịmaakị 11:18 - IWE ỌNỊNỊ

¹⁸ Ịjị ohirẹsụ ẹbanyị irehi Ohomorihi beri ọzwọzọda nịnị wụ́ ọọ, ê sì oze ka ẹnị ẹ̀ wụ ọọ. Angwa Ijeesu ee hí wa, agụvị ka ịsa oni Ijeesu aa zụ̀ aza vị ene hí avaba aza irenu.

Ịmaakị 11:18 ပူးပေါင်းရင်းမြစ်များ

1 Ohinọyị 21:20

Ịjị Erija maanị na kà ụtụ yị Ahabị, dị Ahabị tụ́ ohi dị ọ ka, “We re si mi ree, ẹwụ ọnịvị amị?” Di Erija ka, “Hiin, me si wu re, agụvị ka wa sị ẹngụ awụ ná tụ́ ini ebira odivi ọnị waa mẹ ini eyi Ẹnẹyịmavara.

1 Ohinọyị 22:18

Di ohinọyị Anisirẹrị kà a yi Ijehosahwati dị ọ ka, “Mâ vịdị sị sị ọ kà wụ ka ọnọrụ ọnọnị ọ mā ka ịsẹ ọyịza mị pàá à yị vi odivi.”

1 Ohinọyị 22:8

Di ohinọyị Anisirẹrị kà a yị Ijehosahwati dị ọ ka, “A nyị nyị ọza ịnya ana vọ ọnị ị zụ họ̀ use ka Ẹnẹyịmavara mẹ̀ kà. Ama ayị ọnọrụ ọnọọ vị anaā kụ́ mị, agụvị ka ọ mā kà ịsẹ ọyịza mị, à yị vị odivi. Ọnọrụ ọnọọ ọ vị Imikaya ana vi ozi Imira nị.” Di Ijehosahwati va kà a yị ohinọyị dị ọ kà, “Asị ụ vavọọ kà dè, ohinọyị.”

Ayịsaya 49:7

Ẹnẹyịmavara kà a yị Isirẹrị ka ọnị ọ vị Ohomorihi ọnịnị ana dọ wa ha hụụnị ụvọ ohinọyị nịnị ana za wa ọrịhị ọnịrị anẹkụra ana sị eyi wụ̀ wa. Ama booro aanị ọnị o wo oto ka ohinọyị nịnị ọnịrị ọdọvịdị nịnị vaa sị ụbanyị yị wa, di e yee ku ẹtẹ yị wa agụvị ka ọnị vị ọnịrẹyịzẹyịza, ọza ọnịnị Anisirẹrị ana nyị wa.

Imatiwu 21:15

Ịjị ohirẹsụ ẹbanyị irehi Ohomorihi ọnịrị ọzwọzọda nịnị re ụkọrọ ohyozirenu oni Ijeesu mẹ, dị ẹ rẹ wụ́, ezi eweyi mèe nowu ini irehi Ohomorihi ka, “Ihosana, ozi Idevidi”, ayị ọ sị kụ́ wa.

Imatiwu 7:28

Ịjọnọọ Íjeesu mẹ̀ sị avaba ịsa ọnọọ kà, avaba ịsa ọnọọ sị zụ̀ wa, ô hí avaba ẹnịnị irenu.

Ịmaakị 1:22

Oze ana aa zịị zụ̀ wa ịsa vị ene hí wa irenu, agụvị ka aa zụ̀ wa ịsa anka ọza ana nyị ọda avọọ; ọ yị zụ̀ wa ịsa anka ọ́zwọzọda nịnị mẹ̀ẹ̄ zụ̀ aza ịsa.

Ịmaakị 11:32

Ị́ yáá vaa kà a ka ‘aza ẹ sị yọ nị?’ ” Angwa aza ée hí wa, agụvị ka avaba aza ệ dọ ka, ịzẹyịza, Ịjọọnụ vị ọnịsẹ.

Ịmaakị 12:12

Ọdọvịdị Aniju nịnị ê sì oze ka ẹnị ẹ̀ za a, ama angwa aza ee hí wa. Ệ yẹ ka eni ee che ụhịrẹyị ọnọọ yị nị. Dị ẹnịnị na a vọ, di e si hu aa na nị.

Ịmaakị 3:6

Dị Anihwarisi nịnị jịnẹ tụ́ ẹhẹ nị, dị ẹ wụsẹ nọ ịda ogu Ịhẹrọdị nịnị, dị ẹ naa gẹ eyi Ijeesu ka ẹ́nị mẹmẹ vaa mẹ, dị ẹnị ẹ̀ wụ ọ nị.

Ịmaakị 6:20

agụvị ka Ịhẹrọọdụ vị ene ee hí angwa Ịjọọnụ, agụvị ka ộ yẹ ka Ịjọọnụ vị ọnịrẹyịzẹyịza, dị ọ rẹ vị ọza ọnịnị nị. Agụvị avọọ dị Ịhẹrọdị ka à sị eyi pe Ịjọọnụ nị. Ịhẹrọdị ọ̀ọ wụ́ ịrẹyị Ịjọọnụ, dị ayị anị sị vazi, ama dị ịnẹ anị ee yii hine ka ọnị ọ̀ wụ́ ịrẹyị anị.

Iruuku 19:47

Dị aa zụ̀ aza ịsa eyinị-eyinị ini irehi Ohomorihi ọnọọ nị. Dị ohirẹsụ ẹbanyị irehi Ohomorihi ọnịrị ọzwọzọda nịnị ne beri ọdọvịdị ẹkụra nịnị ee sì oze ka ẹnị ẹ̀ wụ ọọ nị.

Iruuku 2:47

Avaba aza ana wụ́ ịrẹyị anị, ô hí wa irenu ịnị ẹngụ ịrẹyọyẹ ọnị ọ nyị ọnịrị ohi ana aa tụ́ wa.

Iruuku 20:19

Ohirẹsụ ẹbanyị irehi Ohomorihi ọnịrị ọzwọzọda nịnị ê sì ka ẹnị è za Ijeesu ịzị ịzọọ, agụvị ka ịrẹyị ẹnịnị Íjeesu si che ụhịrẹyị ọnọọ nị. Ama angwa aza ee hí wa.

Iruuku 4:22

Ẹnịnị ệ dọ ivenu ịrẹyị ọnị ọ kà, di o hí wa irenu nị, agụvị ka ịrẹyị anị ô zoza ẹtẹẹtẹrẹ. Dị ẹ ka, “Aanịka ẹ yị vị ozi Ijosẹẹhụ ọnọọ yị?”

Ịjọọnụ 7:1

Ịrẹma ẹnẹẹ, di Ijeesu aa ngụ Igariri zịịzị nị. O yi sì ka ọnị ọ̀ varẹma nọ Ijudiya, agụvị ka Aniju nịnị ene hi ịzọọ, ee sì ka ẹnị ẹ̀ wụ ọ.

Ịjọọnụ 7:19

Aanịka Imosiisi ọ yị vịdị sị ọdaa wụ nịnị? Áá nyị ọza awụ nịnị ana saasa ọda ọnọọ? Sị ẹ vẹ di u wee sì ka wa wụ̀ mị nịnị?”

Ịjọọnụ 7:46

Dị iporisi ẹnẹẹ ka, “Ẹẹ̀ yị nyị ọza ana maanị kà ịrẹyị anka ọnọrụ ọnọọ da o.”

Odeyi 24:25

Ịjị Ịpọọrụ aa kà ịrẹyị ka â vọrọ ka ọza ọ̀ọ mẹ ịzẹyịza, dị ọ̀ sị ụvọ za ẹngụ anị, dị ọ rẹ ka ẹkụhị ọkarẹyị aa vẹ, angwa ee hí Ịhwẹrịsị. Dị ọ ka Ịpọọrụ ọ̀ọ na da, ka ọnị rẹ vanaa tụ́ hị́ ọọ, ịhị oni òo re oze nị.