Ịmaakị 10:52 - IWE ỌNỊNỊ

⁵² Dị Ijeesu ka, “Waa na, ụkụ awụ ộ ta, agụvị ka wâ sị ayị tụra mị.” Obooboro ọnọọ di ee re ẹtẹ nị. Dị aa dụ Ijeesu na óze nị.

Ịmaakị 10:52 ပူးပေါင်းရင်းမြစ်များ

Ahẹ Ụgama 146:8

Ẹnẹyịmavara ọọ̄ há eyi ọza ene gù eyi nị, dị ọ rẹẹ sị aza ana aa hyẹdụụ kwẹẹtẹ nị. Ẹnẹyịmavara oō sì ịrẹyị aza ana aa mẹ̀ ịsa ana vọrọ.

Ahẹ Ụgama 33:9

Irenu kẹnẹ ọ sị kà ịrẹyị, dị ịsị ọ ka ọ̀ mẹ mẹ nị ee ro! Ọda ọnị ọnị mẹ, ọnị ọ mā vara oo!

Ayịsaya 35:5

Ogweyi nịnị vee re ẹtẹ, di ogutọ nịnị aa wụ́ ịrẹyị.

Imatiwu 11:5

Ogweyi nịnị ee re ẹtẹ, oswahụ nịnị aa zị ụsẹ, aa mẹ ọnịkụ ọbanyị nịnị ụkụ. Ogutọ nịnị raa wụ́ ịrẹyị, aa ha oku nịnị kwẹẹtẹ hụụnị isu. Dị a raa kà enube ọyịza yị onosiye nịnị nị.

Imatiwu 12:22

Dị aza ẹnyị aanị sị ọza ịnya aanị vẹ ịdị Ijeesu nị. Ọza ọnọọ vị ana nyị ụhwẹ echu ene gu ọ eyi ọnịrị irenu. Ijeesu ộ mẹ̀ ọnọrụ ọnọọ ụkụ, dị ọ kụkụ aa kà ịrẹyị, di o ree re ẹtẹ nị.

Imatiwu 15:28

Dị Ijeesu tụ́ ohi, dị ọ ka, “Ẹdọwụ awụ ọ́ọ da banyị kẹnẹ ọnẹẹ ọnọnị! Ịsị u wèe sì gẹdẹ-gẹdẹ, ọ̀ vavọọ yàa yị wụ!” Ụmẹ ọnọọ gẹdẹ-gẹdẹ, dị ẹngụ ozi anị ta nị.

Imatiwu 21:14

Ogweyi nịnị ọnịrị oswahụ nịnị ệ kà vẹ ini irehi Ohomorihi ọnọọ, dị ọ mẹ wa ụkụ nị.

Imatiwu 8:3

Dị Ijeesu tana ụvọ anị, dị ọ sị kanyị ọ nị, dị ọ ka, “Mee sì de, ụkụ awụ ọ̀ ta!” Obooboro ọnọọ, dị ụkụ ọbanyị anị ta nị.

Imatiwu 9:22

Dị Ijeesu kana eyi, di o ree nị, dị ọ ka, “Ozi, ngụra eyi hi, ẹngụ awụ ộ ta, agụvị ka wâ sị ayị tụra mị.” Dị ẹngụ ọnẹẹ ọnọọ wụsẹ ta hụrẹ ụmẹ ọnọọ gẹdẹ-gẹdẹ nị.

Ịmaakị 1:31

Dị ọ vẹ, dị ọ sị ụvọ gẹ ọnẹẹ ọnọọ kwẹẹtẹ nị. Dị ọvanggoro anị ọnọọ ộ wụsẹ ta, dị o sì wa ọzọga nị.

Ịmaakị 5:34

Dị Ijeesu kà a yọ ka, “Ozi, ẹdọwụ awụ ọ sị wụ mẹ ụkụ, waa na ịnị ẹngwọọrọ, dị ẹngụ awụ ọ̀ ta!”

Ịmaakị 8:25

Dị Ijeesu rẹ sị ụvọ tụra a eyi nị. Ịjọnọọ dị ọnọrụ ọnọọ ee re ẹtẹ chachacha nị, di eyi anị sị há, di ee re ẹtẹ peregedee nị.

Iruuku 7:50

Dị Ijeesu kà a yị ọnẹẹ ọnọọ ka, “Ọnẹẹ ọnọnị, ẹdọwụ awụ ọ sị wụ dọ há; wa na ịnị ẹngwọọrọ!”

Iruuku 9:48

Dị ọ kà a yị wa ka, “Ọza ana àa dọ ẹngụ ozweyi ọnọnị pe ẹngụ agụvị amị, ẹmị ọ rẹ dọ pe ẹngụ avọọ nị. Ọza ana àa dọ mị pe ẹngụ, ọza ana tụ́ mị vẹ ẹhẹ, ọ rẹ dọ pe ẹngụ avọọ nị. Ọza ana ka ẹngụ anị chi hu ịnị awụ nịnị, oni o hu keekere nị.”

Ịjọọnụ 9:32

A mẹ̀ hụrẹ mẹ ẹhẹ, ọza ọọ̀ yị wụ́ da ka â nyị ọza ana há eyi ọza ana a ma ogweyi.

Ịjọọnụ 9:39

Dị Ijeesu ka, “Mâ vẹ ẹhẹ ọnọnị ka ma va mẹ̀ ọkarẹyị, dị ogweyi nịnị èe re ẹtẹ, dị aza ana ka eni ee re ẹtẹ è gu eyi.”

Odeyi 26:18

Ụ vaa há wa eyi, dụ wa vara wa hụụnị ịrahụ va ngụ ini ẹtohweyi. Dị ụ wa rẹ sị wa hụụnị ụvọ Echu vẹ ịda Ohomorihi, dị ma vagu wa ịnị ịvị ẹnịnị, ẹ̀ẹ sị ayị tụra mị. Dị ẹnị ẹ̀ rẹ zụ nyị aha ẹnịnị ịnị akakana aza ọnị mị sị nyị yị ẹngụ amị.”