Ịmaakị 10:30 - IWE ỌNỊNỊ

³⁰ Ohomorihi rẹ vaa sị ịsa ene huna avọọ oze ẹchẹhị-ẹchẹhị sí ọọ atọ ịnị ẹhẹ ọnọnị, ẹhụụ irehi ọnịrị ẹyịnyara ọnọrụ ọnịrị anẹẹ, beri ọnyị ọnịrị ezi ọnịrị aarẹ, na vaka ụyọrị; ịnị ẹhẹ ana aa vẹ, Ohomorihi vaa mẹ ka ọ̀ yàra pooro zịna-zịna.

Ịmaakị 10:30 ပူးပေါင်းရင်းမြစ်များ

2 Ịtọpa 25:9

Ịzẹyịza, dị Amaziya họ̀ ọza Ohomorihi ọnọọ ka sị ọnị ọọ mẹ ịnị ẹkẹhị ọnị ọnị sị yị wa aanị? Dị ọ va ohi yọ ka, Ẹnẹyịmavara ọ zụ mẹ ene huna avọọ yọ.

Ahẹ Ụgama 84:11

Ẹnẹyịmavara ana vị Ohomorihi ọ vị ohinọyị ayị nị, ọnị aa dọ yịị tụ́ nị. Ẹnẹyịmavara ọọ̄ vayị ọza dị ộ sị ụbanyị yọ nị. Ịsa ozoza-ozoza Ohomorihii mẹẹ yị aza ẹnẹ ẹ̀ yị mā zị ụsẹ akụvị nị.

Ụhịrẹyị 16:16

Ọza ọ nyị ịrẹyọyẹ o zoza huni ka ọza ọ nyị ẹkẹhị nị.

Ịmarakayị 3:10

Ọ kà ẹnịnị ẹ kụ avaba agẹẹwụ ẹnịnị vị ịzị aā kụ ogu hi ịnị irehi anị, agụvị dị aa nyị ịsọyịrị ịzọọ. Dị ọ ka ẹnịnị ẹ zama ọnị re daa re, ọnị ẹ yị rẹ vaa na ozokete ihinẹba yị wa, dị ọnị mẹ ka o ze yi wa hyọvọ-hyọvọ.

Imatiwu 12:32

Ọza tụra ọza ana àa kà ịrẹyị odivi hi ẹmị Ozi ọza onigirima, a vaa vagu ọọ ịnị anị. Ama ọza ana àa kà ịrẹyị odivi hi Ụhwẹ Ọnịnị, ọza ọyị vaa vagu ọọ ịnị ẹhẹ ọnọnị ọnịrị ịnị ẹhẹ ana aa vẹ.”

Imatiwu 13:8

Ama ihu ẹnyị ẹ rẹ hụrẹ ne ngụ ịnị ẹtẹ ozoza, dị ẹ nyị ẹtụtụ nị; ẹnyị ệ nyị ẹtụtụ ẹchẹhị-ẹchẹhị, ẹnyị ẹbẹẹta-ẹbẹẹta, ẹnyị vị ohurẹẹwụ-ohurẹẹwụ.

Imatiwu 6:33

Ama we vidii sì ka Ohomorihi ọ̀ọ mẹ ịjọva tụra wụ nịnị ịrẹsụ da, dị ụ wa rẹẹ mẹ̀ ịsa ana vọrọ nịnị, ka ọ vaa sị avaba ịsa ana vọ aanịị tụ̀ ọọ yị wụ nịnị.

Iruuku 18:30

Ohomorihi rẹ vaa sị ịsa ene huna avọọ sí ọọ atọ ịnị ẹhẹ ọnọnị. Ịnị ẹhẹ ana aa vẹ, Ohomorihi vaa mẹ ka ọ̀ yàra pooro zịna-zịna.”

Ịjọọnụ 10:23

Dị Ijeesu aa zị ụsẹ ini irehi Ohomorihi ájẹhẹ Isoromọnị nị.

Odeyi 14:22

Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.”

Odeyi 16:25

Ịnị agẹvịrahụ, dị Ịpọọrụ ọnịrị Isira aa mẹ̀ aduwa, dị ẹyaa jị ahẹ ga Ohomorihi nị. Dị anịnẹngwa ana vọ aa wụ́, ẹ màa jị ahẹ nị.

Odeyi 5:41

Dị odeyi nịnị hụụ ịdị anikootu ẹnẹẹ, dị ẹyaa jẹ ka ẹnị ẹ yị yẹ ka ẹnị rẹ vị ọza ana aa rị ụya, dị a mẹ̀ ụhị nyị ẹnị agụvị ịrẹha Ijeesu.

Aniroomi 5:3

Ẹ yị vavọọ kẹnẹ, ị raa jẹ ịrajẹẹ tụ́ ịnị ụya ọnị yaa rị aanị bẹẹ, agụvị ka yâ yẹ ka ụyọrị vị anaā mẹ ka ọza ọ̀ zụ sị ẹngụ dọ ịrẹyị.

Aniroomi 6:23

Isu ọ vị ụta eneē si ọza ana mẹ ịvị nị. Ịsa oni Ohomorihiī sị yị ọọhẹ kẹnẹ ọnị vị ka ọza vaa yàra ị́da anị pooro zịna-zịna ịnị ka ẹyịrị Ijeesu Ikirisiti Ananyị yị ọ sị vị ọnya.

2 Anịkọrịntị 6:10

Aza ee du yi ayị, ama ayị ayị ee yii hine pooro. Yâ vị onosiye, ama yâ mẹ ka aza ọrụrụ-ọrụrụ ẹ̀ nyị ụbanyị, ẹ yị nyị ịsị nyị, ama yá nyị avaba ịsa.

Anihwiripi 3:8

M mẹ̀ hụrẹ va yẹ Ijeesu Ikirisiti ka ọnị ọ nyị mị nị, avaba ịsa ana vọ vị ọnị mị kụkụ za ịrịka tụ́ ịnị ịsa kẹnẹ-kẹnẹ. Ọnọ o huna avaba ịsa ẹnẹẹ nị. Mé yi re wa anka ịhyẹrẹ, agụvị ma kụkụ va rị ọgụ obooro ana vị Ikirisiti.

2 Anịtẹsaronika 2:16

Ijeesu Ikirisiti Ananyị yị ụvọta ọnịrị Ohomorihi Ada ayị ée sì ịrẹyị ayị. Ệ vayị ka ya nyị ayohunẹnẹ pooro zịna-zịna, dị ya rẹ nyị ọyịtureyi tụ́ ịnị ịsa ene zoza.

1 Itimoti 4:8

Ọza èee tenyi ọchẹngụ anị, ọ́ọ nyị ọgụ chee. Ama ọza èee tenyi ebira ini oze ene zé Ohomorihi eyi, ọ́ọ nyị ọgụ ini oze tụra oze; agụvị ka ọ vaa mẹ ka ọza ọnọọ ọ̀ ra ẹhẹ obooro ịnị ẹhẹ ọnọnị ọnịrị ịnị ẹhẹ ana aa vẹ.

1 Itimoti 6:6

Ịzẹyịza yọ, ahẹkẹ ọ zụ sị ọza rị ọgụ, ọ̀ọ zẹẹ ka ịsị ọnị ọ̀ọ nyị, ọ̀ hụ ọnị.

Ijemiisi 1:12

Ọza ana àa zama re dị ẹ̀ yị rẹ vaa hyẹdụ nị, ọ vaa daa jẹ; agụvị ka ịjị àa sị ọ zama re, dị ọ jẹẹ geri-geri nị, Ohomorihi vaa sị ẹyịza ọnị o wo oto anị yọ, ana vị ka ọ̀ yàra ịdị anị pooro zịna-zịna. Ohomorihi ka ẹ́ yị zụ nyị ka ọnị ọ́ yị vaa sị ọyịyara ọnọọ yị aza ene èe sì ịrẹyị anị.

Ijemiisi 5:11

Yâ yẹ ka ẹnịnị ệ jẹ ịrajẹ, agụvị ka ệ jẹẹ geri-geri ne tù ọdịrẹma. Wa rẹ wụ́ nịnị, Ijoovu mẹmẹ jẹẹ geri-geri ne tù ọdịrẹma. Wê re ịsị Ohomorihi Ananyị yị sì ka ọnị ọ̀ mẹ, ka ộ vayị anị ẹtẹẹtẹrẹ.

1 Ịjọọnụ 2:25

Tamayị ka Ikirisiti ọnị ụvọta ọ raà kà a ka ẹ́ yi zụ nyị ka ọnị ẹ́yị vaa mẹ ka wa yara ịdị Ohomorihi nịnị pooro zịna-zịna.

1 Ịjọọnụ 3:1

A! Wee re! Ohomorihi ộ da sì ịrẹyị ayị kẹnẹ ne tù ka aa hị́ yị ezi Anị. Ịzẹyịza ezi Ohomorihi ị vị nị. Anẹhẹ ẹ́ yị yẹ ka ezi Ohomorihi ị vị nị, agụvị ka ẹnịnị ẹ́ yị yẹ Ohomorihi Ada ayị.

Ẹtore 2:9

Mâ yẹ ụya ọnị waa rị ọnịrị osiye oni u wee re; ama àa ka à na kà, wá nyị ịsa nịnị. Mâ yẹ ịrẹyị odivi ana aza ana ka ẹnị vị Aniju aa kà. Ama ẹnịnị ẹ yị vị Aniju, ezirẹma Echu ẹ̀ vị nị.

Ẹtore 3:18

Agụvị avọọ mee pe wuu juwe ka wa va hị́ igooru anaa sị nyịna hụụ ịda amị, di u we sii kú ẹngụ, dị asị ahwaahụ awụ ana aa sị ụhịị nyị wụ kụkụ tụ́ ẹhẹ!