Ịmaakị 10:24 - IWE ỌNỊNỊ

²⁴ Ịrẹyị ọnọnị ộ za ezirẹma anị ẹngụ. Dị Ijeesu rẹ kà a yị wa ka, “Ẹwụ nịnị ezi emi, ộ tụ́ akanya yị aza (ana sị ayị tụra ogu ẹnịnị), dị ẹ̀ zụ ngụ ịzị Ohomorihi yà aa mẹ ịjọva.

Ịmaakị 10:24 ပူးပေါင်းရင်းမြစ်များ

Ahẹ Ụgama 17:14

Ẹnẹyịmavara, navọ aza è re mẹ pooro ịnị ẹhẹ Navọ wa mẹ ogu yị wa dị ọ̀ hụ̄ wa. Navọ ezi ẹnịnị è re rị, dị ẹ̀ vọ tẹ ezi ịrẹma

Ahẹ Ụgama 52:7

wéē re aza ana ka ẹnị e yi che ayị za Ohomorihi Wéē re aza ana sị ayị tụra ogu ẹnịnị, dị ẹ yaa wụ̀ azaa ha ka ẹnị ẹ̀ zụ nyị ụkata hu avọọ.

Ahẹ Ụgama 62:10

Ịsa ọnị waa mẹ ọza eyi ịngwẹngwẹẹ dọ avọọ asị ụ sị ayị tụra a ka u vaa sị mẹ ẹhẹ Asị ụ rẹ na sị ayị tụra a ka wàa sị ụkata-ụkata yi ọza Iisaka â nyị ịsa ozoza ọnị ụ vaa sị ẹngụ ịsa ẹnẹẹ mẹ, ogu awụ ọ̀ọ daka aa rụrụụ hu avọọ, asị ụ sị ayị tụra a.

Ụhịrẹyị 11:28

Ọza anaa sị ayị tụra ẹkẹhị vị ọnị ụhị nyị ama ọnịzẹyịza vị enee re mẹ anka avị ohwoohu ana ya ụtọ okuha avọọ.

Ụhịrẹyị 18:11

Ọnyẹkẹhị nịnị vị eneē rò ka ogu ẹnịnị ọ zụ sere ẹnị anka ọvọ ana jị kara ẹkụra avọọ.

Ụhịrẹyị 23:5

Ẹkẹhị ọ zụ ta ịnị abọnya-abọnya. Ẹkẹhị vị onozwọọhịmị. Óo hira anka inomi anaā hị́ ọkasịmẹ avọọ nị.

Ijeremaya 9:23

Ẹnẹyịmavara kà, asị ọyẹrẹyị nịnị sị ịrẹyọyẹ ẹnịnị wo oto. Asị aza ana nyị ụkata sị ụkata ẹnịnị wo oto. Dị a sị opisa nịnị sị ogu ẹnịnị wo oto.

Ihabaku 2:9

Ọ yị vee zee yị aza ana kụ́ ẹnya aza na mẹ ize yị ovwoovu ẹnịnị, dị ee ro ka ẹ yị nyị ịsị e họ̀ ẹnị use.

Ịzẹhwanaya 1:18

Ịhị Ẹnẹyịmavara aa kụ ayị hi wa, avaba ẹkẹhị ọnị ẹ nyị ọ yị vaa dọ wa ha hụrẹ ẹ ụvọ. Ẹnẹyịmavara vị ana vaa sị ọyịkụ-ọyịkụ vu avaba aza ene hi ẹhẹ ẹtẹ. Dị ọ da ẹhẹ ẹnịnị ẹjịjị ịnị asigiri.

Imatiwu 19:25

Ịjị ezirẹma wụ́ ịrẹyị ọnọọ, ô hí wa irenu ẹnẹmẹhị, dị ẹyaa kà a ka, “Ho! Àa vavọọ yọ, ẹnẹ vaa há aanị?”

Ịmaakị 1:27

O si hí avaba aza ẹnẹẹ irenu ẹtẹẹtẹrẹ; agụvị avọọ dị ẹyaa họ̀ ẹngụ use ka, “Ẹngụ ịrẹyị sẹ vị ọnọnị aanị? Ịrẹyị ọwọọwa wáá rẹẹ yị? Ọnọrụ ọnọnị ộ sị ụkata mẹ ọda tụra ụhwẹ echu nịnị ịrẹsụ, ệ wụ́ chire e.”

Ịmaakị 10:23

Dị Ijeesu kana eyi sì ezirẹma anị, dị ọ kà a yị wa ka, “Ọ vaa daa tụ́ akanyaa yị ọnyẹkẹhị nịnị kẹnẹ, dị ẹ̀ zụ ngụ ịzị Ohomorihi yà aa mẹ ịjọva.”

Iruuku 16:14

Ánihwarisi nịnị mẹ̀ wụ́ ịrẹyị ọnọnị, dị ẹyaa sị Ijeesu mẹ̀ isiya nị, agụvị ka ẹnịnị ê sì ịrẹyị ẹkẹhị.

Ịjọọnụ 13:33

Ẹwụ nịnị ezi emi, mẹ yị kụkụ vaa yà ịdị awụ nịnịị kù. U vee sì mi nịnị. Maa kà a wụ nịnị anka m mẹ̀ rẹ vịdị kà a yị Aniju nịnị ka, wẹ yị zụ nọ ịzị maa nọ nịnị.

Ịjọọnụ 21:5

Dị Ijeesu kà a yị wa ka, “Ezi ẹnẹnị, wáá nyị ivovo nịnị?” Dị ẹnịnị ka eyiye nị.

Ịjọọnụ 6:60

Ezirẹma Ijeesu ọrụrụ-ọrụrụ ệ wụ́ ịrẹyị ẹnẹẹ, dị ẹ ka, “Ịrẹyị ẹnẹnị ẹ sị katẹngụ, ẹnẹ vana zụ wụ́ ẹngụ ịrẹyị ẹnẹnị da?”

Anigaratiya 4:19

Ezi emi oni mi sì ịrẹyị anị, mị raa rị ụya agụvị awụ nịnị booro aanị anka ọnẹẹ ana aa ma ozi avọọ. Avọọ m mẹ vaa rị ụya pooro dị aza ẹ̀ zụ yẹ ka wa raa sị ebira Ikirisiti nịnị nị.

1 Itimoti 6:17

Aza ana vị ọzọbanyị ịnị ẹhẹ ọnọnị, hú wa ụvọ ka asị ẹ na mẹ eyi! Kàa ka asị ẹ na sị eyi tụra ụbanyị ana ahịka ọ mā za jẹẹ! Ama kà a ka ẹ̀ sị ayị tụra Ohomorihi anaā mẹ ẹyịza! Ọnị ọọ̄ sị avaba ịsaa yị ka ya sịị mẹ inohine.

1 Ịjọọnụ 2:1

Ẹwụ nịnị ezi emi, maa chẹrẹ ịsa ẹnẹnịị tụ́ụ hi wu nịnị agụvị asị ụ mẹ̀ ịvị nịnị. Ama àa nyị ọza ana mẹ ịvị, áa nyị ọnịpọda ọnya ana yà ịdị Ohomorihi Ada ayị; ọza ọnọọ ọ vị Ijeesu Ikirisiti ana vị ọnịrẹyịzẹyịza nị.

1 Ịjọọnụ 4:4

Ẹwụ nịnị ezi emi, àa vị ẹwụ nịnị yọ, ẹwụ nịnị vị ezi Ohomorihi, wa sị ọnịsẹ onireche ẹnẹẹ huna nịnị, agụvị ka, Ụhwẹ Ọnịnị ana yà ịnị ayị awụ nịnị, o huna ụhwẹ ana yà ịnị ayị anẹhẹ nị.

1 Ịjọọnụ 5:21

Ẹwụ nịnị ezi emi, si eyi pe ẹngụ awụ nịnị, asị ụ na hẹkẹ ori nịnị o!

Ẹtore 3:17

Ụ ka wáa nyị ụbanyị, wáa nyị avaba ịsa, ẹ yị nyị isu u kuku ee sì. Ama wẹ yị yẹ ka onosiye ọnịrị ọnụyọrị ọbanyị ụ vị nị. Ogweyi ụ vị, dị ụ rẹ yà ịnị ahwaahụ nị.