Ịmaakị 10:21 - IWE ỌNỊNỊ

²¹ Ijeesu ô re ọnọrụ ọnọọ pooro, ô sì ịrẹyị anị, dị ọ kà a yọ ka, “Ọ sị vọ ịsa ọnya chọchọchọ ana a vọrọ ka wa mẹ: Na, ná avaba ogu ọnị ụ nyị, dị ụ wa sị ẹkẹhị anị mẹ ọpịsarị nịnị ẹyịza, dị ụ wa nyẹngụ nyị ogu tụ́ ịdị Ohomorihi, dị ụ wa vẹ, dị ụ wa vaa dụ mịị zịịzị!”

Ịmaakị 10:21 ပူးပေါင်းရင်းမြစ်များ

Oyinyima 34:19

Di Ịsẹkẹmị wụsẹ na mẹ ịsị a ka ọ̀ mẹ nị agụvị ka ozi Ijekọvụ ọnọọ ô zee e eyi. Ịsẹkẹmị ọ nyị irenu ọkarẹyị hu ini eehi ada ẹnịnị nị.

Ụhịrẹyị 23:23

Asị ụ zẹ ka ịzẹyịza ọnịrị ịrẹyọyẹ ọ jị ụ ha, sị ụvọ za ịrẹyị ana a sị zụ wụ, dị eyi awụ o hweyi.

Imatiwu 16:24

Dị Ijeesu kà a yị ezirẹma anị ka, “Ọza tụra ọza ana àa ka ọnị aa dụ mịị zị, â nyị ka ò hí ayị ẹngụ anị, dị ọ̀ za apavahị anị, dị ọ̀ọ dụ mị ịrẹmaa zị.

Imatiwu 19:21

Dị Ijeesu kà a yọ ka, “Wèe sì ka wa gụ, na ná avaba ogu ọnị ụ nyị, dị ụ wa sị ẹkẹhị anị mẹ ọpịsarị nịnị ẹyịza, dị ụ wa nyẹngụ nyị ogu tụ́ ịda Ohomorihi. Dị ụ wa vẹ, dị ụ wa vaa dụ mịị zịịzị!”

Ịmaakị 10:22

Ịjị ọ maanị wụ́, o si eyi vara ịhị, dị ọ sị ayị oyidu aa na, agụvị ka opisa ọbanyị ọ vị nị.

Ịmaakị 8:34

Dị Ijeesu hị́ ọkọnị aza ọnịrị ezirẹma anị, dị ọ kà a yị wa ka, “Ọza tụra ọza ana àa ka ọnị aa dụ mịị zị, â nyị ka ò hí ayị ẹngụ anị, dị ọ̀ za apavahị anị, dị ọ̀ọ dụ mị ịrẹmaa zị.

Iruuku 10:42

 nyị ịsa ọnya chọchọchọ anaa vọrọ ka ya nyị; ịsa ana vọrọ ọnọọ, Ímeri nyị aanị nị. Ọza ọ yị vaa dọ ọ hụrẹ ẹ ụvọ.”

Iruuku 12:33

Ná ịsa ọnị ụ nyị, dị ụ wa sị mẹ onosiye nịnị ẹyịza! Mẹ asụnụ ene è yi mē bo yị ẹngụ awụ nịnị, dị ụ wa sị ogu awụ nịnị tẹ tụ́ ẹbẹẹba! Ịzọọ, ẹnịnị e yi zụ vú, oyi ọ yị zụ nọ ịzọọ, ikere o yi re zụ ne du ọọ.

Iruuku 16:9

Dị Ijeesu rẹ ka, “Avọọ m mẹ̀ kà a wụ nịnị nị, ka wa sị ẹkẹhị ọnị ụ zị oze asuvu nyị, di u we si beri aza za ọta nịnị! Agụvị ịjị ayị ẹkẹhị òo hí, dị à dọ wụ nịnị tụ́ ịzị ọzaā yàra pooro zịna-zịna.

Iruuku 18:22

Ịjị Ijeesu maanị wụ́ ọọ, dị ọ kà a yọ ka, “Ọ sị vọ ịsa ọnya chọchọchọ ana a vọrọ ka wa mẹ: Na, ná avaba ogu ọnị ụ nyị, dị ụ wa sị ẹkẹhị anị mẹ ọpịsarị nịnị ẹyịza, dị ụ wa nyẹngụ nyị ogu tụ́ ịdị Ohomorihi; dị ụ wa vẹ, dị ụ wa vaa dụ mịị zịịzị!”

Iruuku 19:41

Íjeesu màa vaa ngụ ịnị Ijerusarẹmị, di o re e, ộ jị òrèrè agụvị anị.

Iruuku 9:23

Dị Ijeesu kà a yị avaba ẹnịnị ka, “Àa nyị ọza ana ka ọnị aa dụ mị ịrẹma, â nyị ka ò hí ayị ẹngụ anị, dị ọ̀ sị apavahị anị, dị ọ̀ sịị dụ mị ịrẹma eyinị-eyinị.

Ịjọọnụ 12:26

Ọza ana àaa hẹkẹ mị, ọ̀ rẹẹ dụ mị ịrẹma! Ịzị màa yà, ịzọọ aza ana aa hẹkẹ mị ọnị rẹ vaa yà nị. Ọza ana àaa hẹkẹ mị, ọnị Áda amị vaa sị ụbanyị yị nị.”

Ịjọọnụ 16:33

Maa kà ịsa ẹnẹnịị wụ nịnị, agụvị dị ẹmịrị ẹwụ nịnị ọ̀ zụ vị ọnya, dị ụ wa nyị ẹngwọọrọ nịnị. Ụ vaa rị ụya nịnị ẹtẹẹtẹrẹ ịnị ẹhẹ, ama ngwara eyi hi nịnị, agụvị ka ma sị ẹbẹẹba ẹhẹ nyị!”

Odeyi 2:45

Ệ ná ịsị ẹ nyị ọnịrị ogu ẹnịnị, dị ẹ gà ẹkẹhị anị, anka ị́sa mẹmẹ aa rị ọzọza ụya nị.

2 Anịkọrịntị 12:15

Ayị amị vee hine ka ma hụrị ụvọ avaba ịsị mi nyị neberi ẹngụ amị bẹẹ, dị ma sị gụ wụ nịnị ụvọ. Áá vị agụvị ka mee sì ịrẹyị awụ nịnịị hu avọọ, ụ wẹ̀ yị kụkụ zẹẹ sì ịrẹyị amị nịnịị?

2 Itimoti 3:12

Avaba aza ẹnẹ ẹnịrị Ijeesu sị vị ọnya, dị eyee sì ka ẹnị ẹ̀ẹ m ẹ ebira oni Ohomorihi sì, a vaa sị ụyaa rị wa.

Anihiburu 10:34

Wê pe anịnẹngwa rị ụya nịnị. Wáa sị inohine dọ ka aza ẹ̀ dọ wụ ogu awụ nịnị, agụvị ka wáa yẹ nịnị ka wáa nyị ogu ene zoza hu avọọ tụ́ ẹbẹẹba nịnị ene è yi mē du.

Ijemiisi 2:10

Ọza ọ̀ọ daka sị eyi pe avaba ọda Ohomorihi, dị ọ jịnẹ ọnya kẹnẹ nị, avaba ọda Ohomorihi bemi ọ jịnẹ avọọ nị.

Ẹtore 2:14

Ama ịsa chee ọnị ụ wẹ̀ yị mẹ ẹtẹẹrẹ nịnị yị: Aza ẹnyị ịnị awụ nịnị ịzọọ aa saasa ịsị Ịbaraamị vịdị sị zụ̀ aza. Ịbaraamị ộ vịdị sị zụ̀ Ịbarakị ka ọ̀ mẹ ezi Anisirẹrị nịnị mẹ ịvị ini oze ka ộ mẹ̀ ka ẹ̀ rị ịsa ana a sị mẹ̀ ịsọvọ hi ori, dị ẹ̀ rẹẹ sẹ̀ ịrẹka.

Ẹtore 2:20

Ama â nyị ịsa ọnya ọnị ụ wẹ̀ yị mẹ ẹtẹẹrẹ nịnị: Wâ dọ yị ọnẹẹ ọnọọ ana aā hị́ Ijezebẹrị ana ka ọnịsẹ ọnị vị nị. Ama aa zụ̀ ezi ahụ anị ịsa, ee vene wa naa sẹ̀ ịrẹka, ẹ rẹ yaa rị ịsa ana a sị mẹ̀ ịsọvọ hi ori.

Ẹtore 2:4

Ama â nyị ịsa ọnya ọnị ụ wẹ yị mẹ ẹtẹẹrẹ nịnị. We yi kuku sì ịrẹyị amị nịnị anka ịyẹẹyẹ.