Ịmaakị 10:19 - IWE ỌNỊNỊ

¹⁹ Wâ yẹ ọda oni Ohomorihi mẹ ka: Asị ụ wụ̀ ọza; Asị ụ sẹ̀ ịrẹka; Asị ụ yi oyi; Asị u dọ ivenu ireche; Asị ụ mẹ ọza rị. Sị ụbanyị yị ada awụ ọnịrị ọnyị awụ.”

Ịmaakị 10:19 ပူးပေါင်းရင်းမြစ်များ

Ayịsaya 8:20

Ọza ana àa kà ịrẹyị dị ọ̀ yị kà a anka ọda ọnịrị ịrẹyị Ohomorihi mẹ̀ kà a nị, ẹnịnị ẹ yị nyị ẹtohweyi.

Ịmaakị 10:18

Ijeesu ộ kà a yọ ka, “Sị ẹ vẹ dị ụ waa hị́ mị Nda ọyịza? Ẹ yị nyị ọza ọyịza ikonya vụrụ-vụrụ, ẹ̀ yị vị Ohomorihi ọnịnya kẹnẹ.

Iruuku 18:20

Wâ yẹ ọda oni Ohomorihi mẹ ka: Asị ụ sẹ̀ ịrẹka; Asị ụ wụ̀ ọza; Asị u yi oyi; Asị ụ dọ ivenu ireche; Sị ụbanyị yị ada awụ ọnịrị ọnyị awụ.”

Aniroomi 13:9

 nyị ọda ka asị ụ sẹ̀ ịrẹka, asị ụ wụ̀ ọza, asị u yi oyi, asị ụ dọ ivenu ireche, asị ụ mẹ̀ eyọhụrẹ! Ọda ẹnẹnị ọnịrị ana vọ a vabẹ ịnị ịrẹyị ọnya chọchọchọ nịka: “Sì ịrẹyị ọnọhụva awụ, anka u mè sì ịrẹyị ẹngụ awụ!”

Aniroomi 3:20

Agụvị avọọ ẹ yị nyị ọza ana mẹ̀ ịsa ọnị ọda kà dị ọ̀ zụ hwọọ mẹ ka Ohomorihi ọ̀ jị ịhị yọ. Ịsị ọda Ohomorihiī mẹ kẹnẹ ọ vị ka aza ẹ̀ yẹ ka ẹnị ẹ sị ịvị mẹ nị.

Anigaratiya 4:21

Ẹwụ nịnị ene ee sì ka ọda ọ̀ọ zụ̀ wụ nịnị oze, aanị ka wẹ́ yị wụ́ ịsị ọda kà nịnị?

Anigaratiya 5:14

Avaba ọda vị ana a vabẹ ịnị ịrẹyị ọnya ka, “Sì ịrẹyị ọnọhụva awụ anka ẹngụ awụ.”

1 Anịtẹsaronika 4:6

Asị a nyị ọza ana na mẹ ịvị, dị ọ̀ na rị ọdọwụ ọnọhụva anị ẹtẹ ahụ ịnị ịsọnyị-ịsọnyị! Ọza ana àa vavọọ mẹ, vị Ohomorihi Ananyị yị ee sí ọọ atọ nị. Yáa vịdị vavọọ sị ọọ kà wụ nịnị, dị ị kà wụ nịnị ọ̀nọ̀ nị.

Ijemiisi 2:11

Ohomorihi ana kà a ka: Asị ụ sẹ̀ ịrẹka, ọnị ọ rẹ kà a ka: Asị ụ wụ̀ ọza nị. Wẹ̀ yị daka sẹ̀ ịrẹka, ama dị ụ wụ̀ ọza nị, wa raà jịnẹ ọda Ohomorihi.