Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ịmaakị 1:21 - IWE ỌNỊNỊ

21 Ẹnịnị ẹ va ngụ Ikapanawumi. Ẹ́kụhị ụhwọtụ mè yi tù kẹnẹ, dị Ijeesu ngụ ini irehi ahẹkẹ Aniju, dị aa sị ịsaa zụ̀ aza nị.

အခန်းကိုကြည့်ပါ။ ကော်ပီ




Ịmaakị 1:21
18 ပူးပေါင်းရင်းမြစ်များ  

Dị ọ hụrẹ Ịnazarẹtị, dị ọ va yà Ikapanawumi ana yà akaha ụtọ irehu, ana yà ịnị ẹtẹ Izeburuni ọnịrị Inahwitari nị.


Ijeesu aa ngụ avaba Igariri zị, dị aa zụ̀ wa ịsa ini irehi ahẹkẹ Aniju ẹnịnị, dị aa kà enube ọyịza ịjọva Ohomorihi, dị ọ raa mẹ avaba ụkụ irenyi-irenyi yị aza ịnị akakana aza ẹnẹẹ nị.


Dị ọ wụsẹ hị́ wa nị, dị ẹ navọ ada ẹnịnị ọnịrị anụkọrọ anị tụ́ ịnị ẹpa ọnọọ, dị ẹyaa dị ụ ọọ ịrẹmaa na nị.


Ẹ mẹ̀ yị hụụnị irehi ahẹkẹ Aniju ọnọọ kẹnẹ, dị ẹ nọ ini eehi Ịsayịmọnị ọnịrị Andụrụ nị, ẹnịrị Ijemiisi beri Ịjọọnụ ẹ zị na nị.


Avaba anẹkụra ẹnẹẹ ệ wara gụ enoze irehi oni Ijeesu yà.


Dị aa ngụ ẹtẹ Igariri zịịzị nị, dị aa kà ịrẹyị Ohomorihi ini irehi ahẹkẹ Aniju ẹnịnị, dị aa dụ ụhwẹ echu nịnị jịnẹ hụụnị ẹngụ aza nị.


Ijeesu ộ hụụ ịzọọ, dị ọ na ngụ ẹkụra Ijudiya, dị ọ jịnẹ nọ akẹnẹ Okuha Ịjọdanị nị. Dị ọkọnị aza rẹ wara ká a vẹ nị. Anka ọ mẹ̀ yị mẹ, dị ọ raa zụ̀ wa ịsa nị.


Ộ da kù chee Ijeesu ộ vavẹ va ngụ Ikapanawumi. Anẹkụra ẹnẹẹ ẹ sị ọọ wụ́ gẹtẹ ka ọ yà ini eehi.


Ẹkụhị ọnya Ijeesu ọ rẹ ngụ ini irehi ahẹkẹ Aniju. Â nyị ọza ịnya aanị ana yà ịzọọ ene sú ụvọ.


Ẹkụhị ụhwọtụ mè si tù, dị Ijeesu aa zụ̀ aza ịsa ini irehi ahẹkẹ Aniju nị. Aza ọrụrụ-ọrụrụ hi ịzọọ. Ẹ mẹ̀ wụ́ ịrẹyị anị, ô hí wa irenu ẹtẹẹtẹrẹ. Dị ẹnịnị aa họ̀ ẹngụ ka, “Ịzọọ maanị re avaba ẹsẹnị hụrẹ? Ẹnẹ maanị sị ịrẹyọyẹ yọ? Wee re ụkọrọ ẹbanyị-ẹbanyị ana aa mẹ!


Ẹwụ nịnị Anikapanawumi, wéé ro ka a vaa kà wụ nịnịị hịrẹ na ngụ ẹbẹẹba? Vụrụ-vụrụ! Va vaa sị wụ nịnị di e ne wu nịnị ngụ ini ẹkụra nị.”


Ịnị ẹkụhị ụhwọtụ ọnya, di Ijeesu aa zụ̀ aza ịsa ini irehi Ohomorihi Aniju nị.


Ijeesu ộ vẹ Ịnazarẹtị, ịzị a yà pá a. Ẹ́kụhị ụhwọtụ mè si tù, dị ọ rẹ nọ ini irehi Ohomorihi Aniju nịnị nị, anka ọ mẹ̀ vịdị yị mẹ. Dị ọ kwẹẹtẹ ka ọnị ọ̀ kà Iwe Ohomorihi nị.


Dị Ijeesu rẹ kà a yị wa ka, “Mâ yẹ ka u vee che ụhịrẹyị ọnọnịị mị nịnị ka: ‘Omahọnọ, wẹ rẹ̀ mẹ ẹngụ awụ ụkụụ! Avaba ịsị yaa wụ́ ka wâ mẹ Ìkapanawumi, rẹ mẹẹ ẹkụra awụ ịzẹnị bẹẹ!’ ”


Anka Ị́pọọrụ mẹ̀ yị mẹ, dị ọ rẹ ngụ ini irehi Ohomorihi ọnọọ nị. Ộ yà ịzọọ mẹ ẹkụhị ụhwọtụ ẹẹta, dị aa sị ịrẹyịị hụụnị Iwe Ohomorihi beri wa kà ịrẹyị nị.


Ẹkụhị ụhwọtụ-ẹkụhị ụhwọtụ, dị Ịpọọrụ aa nọ ini irehi Ohomorihi Aniju ịzọọ, di ee pe waa kà ịrẹyị nị. Di ee sì ka ọnị ọ̀ mẹ ka Aniju ọnịrị ịzọọ, di ee pe waa kà ịrẹyị nị. Di ee sì ka ọnị ọ̀ mẹ ka Aniju ọnịrị Anigiriki nịnị ẹ̀ vara ayị nị.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ