Ịmaakị 1:13 - IWE ỌNỊNỊ

¹³ Ijeesu ộ yà ịzọọ pooro, ộ mẹ̀ ẹkụhị ẹbẹẹva ịzọọ. Dị Echu na zama a re nị. Uye ịnị avị nịnị vị ana rẹ yà ịzọọ bẹẹ, ama anggẹẹrị nịnị aa mẹ ozi ahụụ yị Ijeesu nị.

Ịmaakị 1:13 ပူးပေါင်းရင်းမြစ်များ

Ọyịkụra 24:18

Di Imosiisi ngụ eguhi ọnọọ ọ màa hịrẹ nọ ịnị ataba ọnọọ nị. Dị ọ vavọọ yà ịnị ataba ịzọọ ọọdụ ọnịrị ịrahụ ẹkụhị ẹbẹẹva nị.

Ọyịkụra 34:28

Imosiisi ọnịrị Ẹnẹyịmavara ê hi ịrẹsụ ataba ịzọọ ọọdụ ọnịrị ịrahụ pooro mẹ ẹkụhị ẹbẹẹva. Imosiisi ọ yị rị ịsa, o yi hú enyi. Dị ọ sị ọparị ẹnẹẹ ana a sị ịrẹta bẹ, dị ọ chẹrẹ ịrẹyị oni Ohomorihi ọnịrị Anisirẹrị ka tịtẹ tụ́ ọ nị. Ịrẹyị ẹnẹẹ ọ vị ọda ẹẹwụ oni Ohomorihi mẹ yị wa nị.

Imatiwu 26:53

Wéé ro ka mẹ yị nyẹngụ kà a yị Ada amị, dị ọ kụ́ ọkọnị anggẹẹrị nịnị va mị booro aanị?

Imatiwu 4:1

Ịjọnọọ dị Ụhwẹ Ọnịnị sị Ijeesu hịrẹ nọ ịnị ụnọmị ka Echu ọ̀ na zama a re nị.

Iruuku 4:1

Ụhwẹ Ọnịnị ộ dọ avaba ayị Ijeesu, dị ọ và hụrẹ Ijodani vẹ nị. Dị Ụhwẹ Ọnịnị sị Ijeesu nọ ịnị ụnọmị nị.

Iwe Ọhụhị Imosiisi ana aa hị́ Ọyịvatụrọda 9:11

Hịịn, ịrẹma ọọdụ ọnịrị ịrahụ ẹbẹẹva ọnọọ, Ẹnẹyịmavara ộ sị ọparị ịrẹta ẹẹva ẹnẹẹ ọnị ọ chẹrẹ oto ọnọọ tụ yị mị.

Iwe Ọhụhị Imosiisi ana aa hị́ Ọyịvatụrọda 9:18

Mâ rẹ vana vaku ẹtẹ ọvịdị Ẹnẹyịmavara ọọdụ ọnịrị ịrahụ ẹbẹẹva; mẹ yị rị ịsa ọnyọọnyị, mẹ yị re hú bẹẹ. Agụvị ka wa raa rị ịvị Ẹnẹyịmavara, wâ mẹ ayị kụ́ ọ nịnị mị maanị sị mẹ nị.

Iwe Ọhụhị Imosiisi ana aa hị́ Ọyịvatụrọda 9:25

Agụvị ka ẹ mẹ̀ uyi ori ẹnịnị vene imaaru, dị Ẹnẹyịmavara kà a ka oni e vu wa ẹtẹ. Agụvị avọọ ọnị tana tụra ẹtẹ ọọdụ ọnịrị ịrahụ ẹkụhị ẹbẹẹva,

1 Itimoti 3:16

Avaba aza ẹ́ẹ dọ ka ahẹkẹ ayị ọnọnị, ọ ka hịịn, iruvo anị ọ́ọ nyịnẹ ẹtẹẹtẹrẹ: Ikirisiti ọ́ọ sị ẹngụ anị zụ̀ anka ọzarẹyịrẹsụ. Ụhwẹ Ọnịnị ọ́ọ sị zụ̀ ka ọnịzẹyịza ọ vị nị, anggẹẹrị nịnị e re ree. Áa kà ịrẹyị anị yị anẹhẹ, anẹhẹ ẹ́ẹ sị ayị tụra, dị a sị ọọ nọ ẹbẹẹba ini igirima nị.

Anihiburu 4:15

Ohirẹsụ ọbanyị irehi Ohomorihi ayị o zụ pe yi roo ini oze ahịmị ayị, agụvị ka oze tụra oze a zị zama a re, anka a mẹ̀ raa zama ẹyịị re nị, ama ọnị ẹ yị mẹ ịvị.