Ijudi 1:9 - IWE ỌNỊNỊ

⁹ Ụmẹ oni ohirẹsụ anggẹẹrị nịnị ana aā hị́ Ịmayịkẹẹrị, ọnịrị Echu gẹ, dị ẹyaa nyị ahankata tụ́ ịrẹsụ oku Imosiisi, Ịmayịkẹẹrị ọ́ yị hyakụ nyayịnẹ kụ̀ Echu ụhụ, dị ọ mẹ̀ ọkarẹyị yọ. Vị́ ọ kà a yọ kẹnẹ ka: Ohomorihi ọ vaa tụ́ wụ ohuvọ nị.

Ijudi 1:9 ပူးပေါင်းရင်းမြစ်များ

1 Ịtọpa 12:17

Idevidi ộ na gẹrị wa, dị ọ kà a yị wa ka, àa vị ẹ vẹ ka ẹnị è ve pe ọnị za ọta dị ẹnị ẹ̀ gụ ọnị ụvọ nị, ẹnịnị ẹ̀ nyaasẹ. Ama àa vị ẹ vẹ ka ẹnị ẹ̀ va kụ́ ọnị ahụ yị ọnịvị anị nịnị, Ohomorihi ohiku ộ yẹ. Ọ vaa sị ụyaa rị wa, ka ọnị ẹ yị mẹ wa ọhịmị.

Ọyịkụra 22:28

Wẹ yị nyayịnẹ kụ Ohomorihi ụhụ. Wẹ yị nyayịnẹ kụ ọdọvịdị awụ nịnị ụhụ.

Ịdanịyẹrị 10:13

Ọ sị mẹ ẹkụhị ohurọnya ọnị anggẹẹrị ene sị eyi pe ẹtẹ Ipesiya sị va dọ ọnị oro tụ oze, ọ sị vị ọnị ịnyara tu Ipesiya ịzọọ, dị Ịmayịkẹẹrị ana vị ọnyara ịnị ohirẹsụ anggẹẹrị nịnị vavẹ, dị ọ va gụ ọnị ụvọ nị.

Ịdanịyẹrị 10:21

Ama Ịpaapa da, ọnị vaa kà a yị ọnị, ịsa a chẹrẹ tụ ịnị iwe ịrẹyịzẹyịza ọnọnị. Ẹ yị nyị ọza ana gụ ọnị ụvọ ịnị ịrẹyị ọnịrị anggẹẹrị ẹyịva ẹnẹnị, ẹ̀yị vị Ịmayịkẹẹrị kẹnẹ, ana vị anggẹẹrị ana sị eyi pe ọnị.

Ịdanịyẹrị 12:1

Ụmẹ aa vẹ anaa vaa nyị ẹngụkata ana ahịka ẹ yị vịdị vavọọ nyị da á mẹ hụrẹ nyị ẹkụra anaā hị́ Isirẹrị. Ụmẹ ọnọọ Ịmayịkẹẹrị ana vị anggẹẹrị ana sị eyi pe Anisirẹrị nịnị vaa kwẹẹtẹ. Ịjị ụmẹ ọnọọ òo tu, Ohomorihi vaa dọ avaba Anisirẹrị ọnị ịrẹha ẹnịnị hi ịnị iwe anịị ha.

Ịzakaraya 3:2

Dị anggẹẹrị Ẹnẹyịmavara kà yị echu ka Ẹnẹyịmavara ọ mẹ̀ ọkarẹyị yọ nị. Ẹnẹyịmavara ene sì ịrẹyị Ijerusarẹmị ọ jị ịvị yọ. Ọnọrụ ọnọnị sị mẹ anka ọchị ana tụ̀ hụụnị ịra avọọ nị.

Ịmaakị 15:29

Dị aza ẹnyị ana aa parahu aa kụ̀ Ijeesu ụhụ nị; di eyee mi ịrẹsụ, dị ẹ ka, “Ịhịịn, ewu ene vee wú irehi Ohomorihi, di u re tenyi ọọ dà ịhyẹgwẹta anị.

Iwe Ọhụhị Imosiisi ana aa hị́ Ọyịvatụrọda 34:6

Ímosiisi me su, di o ne oku anị tụ ịnị upoporo ẹtẹ Imowabi o va eyi ka ẹkụra ana a hị́ Ịbẹtị-Ipo. Ama ẹ yị nyị ọza ịpa ọnị o ne e tụ pooro tu ajịnị.

1 Anịtẹsaronika 4:16

Ananyị yị vaa mẹ̀ ọda, dị ohirẹsụ anggẹẹrị nịnị nowu, dị ọpanyị Ohomorihi rẹ sụ́ ịrẹyị, dị Ananyị yị ọnị ụvọta chí hụrẹ ẹbẹẹba aa vẹ. Aza ana sị ayị tụra Ijeesu dị e ve sú, ẹ vịdị vaa haa hụụnị isu nị.

1Ipita 3:9

Asị ụ sị odivi sí atọ odivi! Ọza ọ̀ọ kụ́ wụ ụhụ, asị ụ vàa yị ọ. Ama waa mẹ̀ aduwaa yị ọ. Wâ yẹ ka Ohomorihi ee sì ka ọnị ọ̀ mẹ wụ nịnị ẹyịza; agụvị avọọ ọ hị́ wụ nịnị nị.

2Ipita 2:11

Anggẹẹrị nịnị ana hyakụ nyị ụkata huni onireche ẹnẹnị, ẹ́ yị hyakụ kà ịrẹyị odivi hi aza ẹnẹẹ ọ́vịdị Ohomorihi.

Ẹtore 12:7

Ịrẹkụ ọ sị chị tụ́ ẹbẹẹba. Ịmayịkẹẹrị ọnịrị anggẹẹrị anị ee pe uye odivi ọnọọ kụ̀ ịrẹkụ. Di uye odivi ọnọọ ọnịrị anggẹẹrị anị ẹnị ree pe wa kụ̀ ịrẹkụ nị.