Ijudi 1:4 - IWE ỌNỊNỊ

⁴ Agụvị ka aza ẹnyị ẹnẹ ẹ̀ yị yẹ Ohomorihi ệ tangwa sị ngụ ịnị akakana ịragụ awụ nịnị. Aza ẹnẹnị ẹ́ raà vara ayamva Ohomorihi tụ́ ịnị ịsị e sị eyi ka, dị ẹyaa mẹ ịsị e ze wa eyi nị. Ẹnịnị ê yi Ijeesu Ikirisiti tịtẹ, ana ahịka ọyịnyara ọ vị ọga ayị, dị ọ vị Ananyị yị nị. Á sị ọ chẹrẹ tịtẹ hụrị ụmọrụmọ ka ọza ana àa maanị mẹ, vị́ Ohomorihi vaa jị ịvịị yọ nị.

Ijudi 1:4 ပူးပေါင်းရင်းမြစ်များ

2 Ịsamụwẹrị 22:5

Ọ sị vọ hwẹẹ isu ọ raà sị mị, mị ka isu vị ana sị mị tụ́ irenu ka ọnị aa mụnẹ mị.

Ahẹ Ụgama 1:1

Ịrajẹ ọ vị yị ọza ẹnị ẹ̀ yị mā dọ ịrẹyị aza edivi mẹ̀ ụkọrọ. Ẹngụ ọza ọnọọ ẹ̀ yị mā bẹ ụvọ tụ́ ịnị ebira ana aza edivi aa mẹ̀, dị ọ̀ yị mē re pè aza ana aa sị eyii wụ̀ Ohomorihi zị ogu nị.

Ahẹ Ụgama 62:2

Ọnị kẹnẹ ee sere mị nị Mị ka ọnị aa dọ mịị tụ́ nị, ọ yị zẹẹ ka à nyị ịsị ẹ kanyị mị Mâ yẹ ka ẹ yị nyị ịsị e zụ zizi mị.

Imatiwu 13:25

Ama ịnị ịrahụ ẹkụhị ọnya, ịjị aza sị sụ̀, ọnịvị anị ộ vẹ, o ve chire ebe hi ịnị akụ ẹnẹẹ, o si hu aa na.

Ịjọọnụ 17:3

Ka ẹ̀ yàra pooro zịna-zịna ọ vị ka ẹ̀ yẹ ẹwụ ịnyara chọchọchọ ana vị Ohomorihi ọnịrị ẹmị Ijeesu Ikirisiti ọnị ụ tụ́ vẹ ẹhẹ.

Odeyi 11:23

Íbanabasị mè tù ịzọọ, di o re ịsị Ohomorihi mẹ ịzọọ ịnị ayamva anị, ayị anị ô hine. Di o hú wa ụvọ ka ẹ̀ nyị ayị ọnya, dị ẹ̀ yịị sị ayị ẹnịnịị yị Ohomorihi nị.

Odeyi 15:24

Yâ wụ́ ka aza ẹnyị ana hụụnị akakana ayị vẹ, aa sẹ̀ ịrẹkaa kụ́ ọọ kata wụ nịnị ẹngụ. Eyee sì ka ẹnị ẹ̀ và ayị awụ nịnị zí. Ama yẹ yị tụ́ wa ụtụ vụrụ-vụrụ.

Anigaratiya 2:4

Aa kà ọ̀nọ̀ ini oze ịrẹyị ọnọnị, agụvị ka áa nyị ọdọwụ ireche nini ene were va ngụ ịnị akakana ayị. Ẹ́ẹ tangwa vẹ ka eni è ve were re ị mẹmẹ nyị ẹngụ ayị, ẹ́yịrị Ijeesu Ikirisiti mẹ̀ sị vabẹ. Eyee sì ka ẹnị ẹ̀ za yị na vị ọrịhị (ọda Aniju).

Anigaratiya 5:13

Ẹwụ nịnị anda ayị, Ohomorihi vị ana hị́ wụ ka wa nyị ẹngụ awụ nịnị (hụụnị ụvọ ọda Aniju nịnị). Ụ mẹ̀ sị ẹngụ awụ nịnị nyị aanị, asị ụ kụkụ kà a ka ịsị e zé wu nịnị eyi kẹnẹ, ụ waa mẹ nị. Ama sì ịrẹyị ẹngụ nịnị, dị waa zị ẹngụ ụtụ nịnị!

Anẹhwẹsọsị 4:14

Ịjọnọọ, yẹ yị kụkụ vaa yà anka ezweyi ẹnẹ ẹ̀ yị mā jẹẹ aha ọnya, dị enevene ana aa zụ̀ aza ịsa aa kụ́ waa vaa chíi vaa hịrẹ anka ahị avọọ. Dị ẹyaa sị irikichi ẹnịnịị be aza enee vee vene.

1 Itimoti 5:8

Ọza ẹnẹ ẹ̀yị mā tẹsị aza anị, hu keekere aneehi anị, ọ́ọ sị zụ̀ ka ọyị dọ Ohomorihi wụ́. Ọ́ọ hyakụ kuku divi huna ọza ẹnẹ ẹ̀ yị vị ọdọwụ.

2 Itimoti 2:12

Yàa yịị sị ẹngụụ dọ ụya, ẹyịrị ọọ rẹ vaa rị ohinọyị. Yàa kà ka yẹ yị yẹẹ, ọnị rẹ vaa kà a ka ọnị ọ yị rẹ yẹ ẹyị.

2 Itimoti 3:6

Dị aza ẹnyị ẹnịnị sị irikichi na ngụ ini eehi aza, dị e ne vene anyẹnẹẹ ẹnẹ ẹ̀ yị yẹ ịrẹyị, dị ẹ za wa. Ẹngụ anẹẹ ẹnẹẹ vị ọnị ịvị sị ngụ tịtẹ, dị ẹ kụkụ yà ịnị ụvọ avaba ịsa ọnị ọchẹngụ ẹnịnị òo sì kẹnẹ.

1Ipita 2:16

Waa mẹ anka aza ana nyị ẹngụ anị nịnị, ama asị ụ sị ọnọọ kà eyi hi, dị ụ waa mẹ̀ ịsa odivi; ama waa mẹ anka ozi ahụ Ohomorihi nịnị.

1Ipita 2:8

Ịrẹta ọnị ọzaā tụ́ ahụ ịnị anị dị ọ hyẹdụ ọ vị nị. Ệ vavọọ hyẹdụ, agụvị ka ẹnịnị ẹ́ yị dọ ịrẹyị Ohomorihi wụ. Avọọ Óhomorihi mẹ̀ vịdị mẹ eto anị tịtẹ nị.

1Ipita 4:18

Iwe Ohomorihi ộ kà a ka: Akanya-akanya a vaa sị dọ ọnịzẹyịzaa há nị. Àa vavọọ yọ, si u ro ka o vee tù aza ẹnẹ ẹ̀ yị yẹ Ohomorihi, dị ẹ rẹ yaa mẹ̀ ebira odivi?

2Ipita 2:10

Aza oni Ohomorihi vaa sị ụyaa rịị hu yị: Aza ana aa mẹ̀ ịsa edivi ọnị ọchẹngụ ẹnịnịị̄ sì kẹnẹ, dị ẹyaa sị eyii wụ̀ aza ana nyị ọda, dị ẹ rẹ yaa sị ẹngụụ tụ́ ẹba, ẹngụ ẹnịnị kẹnẹ e sì ịrẹyị anị nị, ẹnịnị ẹ́ yị nyị angwahi anggẹẹrị nịnị, dị ẹyaa kà ịrẹyị odivii hi wa.

2Ipita 2:7

Ama ộ dọ Ịrọọtị ana vị ọnịzẹyịza há. Ayị Ịrọọtị vị ana vazi tụ́ ịnị ebira odivi ana aza edivi ẹnẹẹ aa mẹ.

2Ipita 3:7

Ẹbẹẹba ọnịrị ẹhẹ ana yà booro aanị, ịrẹyị Ohomorihi ó re si tenyi ọ tịtẹ ka ọnị ọ̀ va sị ịra vú ọ ẹtẹ nị. Ô tenyi ọ tịtẹ ne tù ẹkụhị ọnị ọ vaa mẹ̀ ọkarẹyị yị aza edivi, di ò vú wa ẹtẹ.

1 Ịjọọnụ 2:22

Ẹnẹ vị onireche? Ọza ana àa kà a ka ẹ́ yị vị Ijeesu ọ vị Ikirisiti, ọnị ọ vị onireche nị. Ọza ẹnẹ ẹ̀ yị dọ Ohomorihi Ada ayị ọnịrị Ozi anị, ọza ọnọọ ọ vị ọnịvị Ikirisiti nị.

Ijudi 1:15

dị ọ va mẹ̀ ọkarẹyị yị avaba aza. Ọ vaa jị ịvịị yị aza ẹnẹ ẹ̀ yị yẹ Ohomorihi agụvị ịsa edivi ẹnẹ ẹ́ mẹ̀ hi Ohomorihi, ọnịrị agụvị ịrẹyị edivi-edivi ọnị ọnịvị ẹnẹẹ aa kà a hi Ohomorihi.

Ijudi 1:18

Ệ kà a yị wụ nịnị ka: Ịnị ụmẹ ọdịrẹma, a vaa nyị onisiya nịnị, dị ẹyaa mẹ̀ ịsa edivi ene hi ịnị ayị ẹnịnị oni Ohomorihi o yi sì.

Ẹtore 15:4

Ananyị yị, ẹnẹ ka oni o yi vee hí angwa awụ, dị ọnị ọ̀ ga ịrẹha awụ? Ẹwụ ịnya kẹnẹ ẹ̀ yị nyị ẹngụ anị nị. Avaba anẹhẹ vaa vẹ dị ẹ va và ku ẹtẹ ọvịdị awụ, agụvị ka avaba aza ẹ sị ụkọrọ ịzẹyịza awụ re.