Ijudi 1:3 - IWE ỌNỊNỊ

³ Ẹwụ nịnị ẹyịnyara amị, mị vịdị ee sì ka ma chẹrẹ iwe tụ́ hi wu nịnị ịnị oze ẹdọha ọnị i dudu nyị. Ama me ve ree ka â vọrọ ka ma chẹrẹ iwe da ịpẹ wụ nịnị ka wa sị ụvọ za ẹdọwụ oni Ohomorihi sị chire aza anị ụvọ ụpẹ ọnya gene-gene, dụ wa sị eyi pe e ngịrị-ngịrị nịnị.

Ijudi 1:3 ပူးပေါင်းရင်းမြစ်များ

Inehemaya 13:25

Mâ tụ wa ohuvọ, di mi chì hi wa nị. Mê tu wa, di mi hu aza ẹnyị ẹyị ịrẹsụ nị. Mâ mẹ wa ka ẹ̀ sị Ohomorihi hị́ eku ka ẹnị ẹ yị vana sị ezi anẹẹ ẹnịnị gà anẹkụra ọsa; ẹnị ẹ yị ma vana nyị ezi anẹẹ anẹkụra ọsa yị ezi anọrụ ẹnịnị àvị yị ẹngụ ẹnịnị ụvọta.

Ayịsaya 45:17

Ama Ẹnẹyịmavara ọ raà dọ Anisirẹrị nịnị ha, ẹ vaa nyị ehuna pooro zịna-zịna nị. Ụhị ẹ yị vaa nyị wa.

Ayịsaya 45:22

Avaba anẹhẹ nịnị ẹ va ka ọnị, dị ẹ zụ ha. Ọnị ọ vị Ohomorihi nị. Ẹ yị nyị ịsa ọsa.

Ijeremaya 9:3

Ẹnịnị venee ne ịrarẹ ẹ nịnị tịtẹ ò yị cheeche Irikichi ẹ yaa mẹẹ ngụ ẹkụra ẹnịnịị zị nị; ẹnịnị ẹ ma ka ịzẹyịza. Ẹnẹyịmavara kà, aza anị vanaa hụrị ụvọ ebira odivi ẹnyị dị ẹ yaa sị ọsa. Ẹnịnị ẹ yị yẹ ọnị.

Odeyi 17:3

Dị aa kà a yị wa, dị ọ raa sịị zụ̀ wa ka â nyị ka Ikirisiti ọ̀ rị ụya, dị ọ̀ rẹ ha kwẹẹtẹ hụụnị isu nị. Dị Ịpọọrụ ka Ijeesu ọnị ọnị aa kà ịrẹyị anịị yị wa aanị, ọ vị Ọdọzaha nị.

Odeyi 18:28

Ọ́nịrị Aniju nịnị màa nyị ahankata ịnị orere dị aa sịị zụ̀ waa hụụnị Iwe Ohomorihi ka Ijeesu ọ vị Ikirisiti nị; dị ẹnịnị kuku ee re ẹtẹ kẹnẹ nị.

Odeyi 20:27

Ma raà kà a wụ nịnị avaba ịsị Ohomorihi ee sì ka ọnị ọ̀ mẹ. Ẹ yị nyị ana angwa hí mi ọnị mẹ̀ yị kà wụ nịnị.

Odeyi 28:28

Dị Ịpọọrụ ka, “Dụ wa yẹ nịnị ka a raà kà enube ẹdọha Ohomorihi yị Anigiriki nịnị. Ẹnịnị vaa sị ụtọọ pee!”

Odeyi 4:12

Ẹ yị nyị ọza ẹnẹsa ana zụ dọ ọza há, Ẹ yị nyị ọza ẹnẹsa íruvo ihinẹba ọnọnị oni Ohomorihi sị ịrẹha anị yị aza ka ọ̀ọ dọ waa há.”

Odeyi 6:7

Dị ịrẹyị Ohomorihi aa yịị garaa zị nị. Ezirẹma ene hi Ijerusarẹmị aa rụrụụ hu avọọ ẹtẹẹtẹrẹ; di ohirẹsụ irehi Ohomorihi ọrụrụ-ọrụrụ ẹnị raa dọ ọ wụ́ nị.

Odeyi 9:13

Dị Ananịya ka, “Ananyị yị, aza ọrụrụ-ọrụrụ aa kà ịrẹyị ọnọrụ ọnọnị, nọ! A ka ộ mẹ̀ ịsa odivi hi aza awụ ene hi Ijerusarẹmị ẹtẹẹtẹrẹ.

Odeyi 9:22

Ịrẹyị ọnị Ịsọọrụ aa kà, aa nyị ụkataa hu avọọ. Ọ màa sịị zụ̀ ka Ijeesu ọ vị Ọdọzaha nị, Aniju nịnị ana ra Ị́damasịkọsị e yi zụ tụ́ ọ ohi.

1 Anịkọrịntị 15:3

Enube ene hu keekere ọnị mị dọ, ẹ́mị rẹ sị yị ẹwụ nịnị nị. Enube ọnọọ ọ vị ka Ikirisiti ô sú agụvị ịvị ayị, anka a mẹ̀ vịdị chẹrẹ ẹ tụ́ ini Iwe Ohomorihi.

Anigaratiya 2:5

Yẹ yị sị oze yị wa vụrụ-vụrụ, agụvị dị ụ wa nyẹngụ sị ụvọ za enube ọyịza ana vị ịzẹyịza anka ọ mẹ̀ yị yà.

Anigaratiya 3:28

Agụvị avọọ, ẹ yị kụkụ nyị irenyi yị Aniju ọnịrị ọdọwụ ẹnẹ ẹ̀yị vị Aniju; àa vị ọrịhị, àa vị ozi; àa vị ọnọrụ, àa vị ọnẹẹ; agụvị ka ẹyịrị Ijeesu Ikirisiti kụkụ vị ọnya.

Anigaratiya 6:11

Wee re ịsa ẹnẹnị aanị ka ẹmị ụvọta ọ sị ụvọ amị chẹrẹ tụ́ hi wu nịnị nị!

Anẹhwẹsọsị 1:1

Ẹmị Ịpọọrụ oni Ohomorihi nyị ka ọ̀ vị odeyi Ijeesu Ikirisiti, ọ chẹrẹ iwe ọnọnị tụ́ hi aza Ohomorihi ene hi Ẹhwẹsọsị nị, aza ana ahịka ẹ́ẹ sị ayị tụra Ijeesu Ikirisiti, dị ẹnịrị ọ sị vị ọnya.

Iwe Ọhụhị Imosiisi ana aa hị́ Ọyịvatụrọda 21:9

Wàa maanị saasa ịrẹyị ẹnẹnị, ụ vaa mẹ̀ ịsa ana vọrọ ini eyi Ẹnẹyịmavara, Ẹnẹyịmavara ẹ yị kụkụ vaa jị ịvị yị wụ nịnị ka wâ wụ̀ ọza.

Iwe Ọhụhị Imosiisi ana aa hị́ Ọyịvatụrọda 9:10

Dị Ẹnẹyịmavara va sị ọparị ịrẹta ẹẹva ọnị ọ sị ụvọ anị chẹrẹ ịsa ọnị ọ́ kà yị wụ nịnị tụ yị mị nị. Ịnị akakana ịra ọ yà kà ịrẹyị ẹnẹẹ ịhị ọnọọ ọnị ụ gụ nịnị ịnị ataba ọnọọ nị.

Anihwiripi 1:1

Ẹmị Ịpọọrụ ọnịrị Itimoti ana vị ezi ahụ Ijeesu Ikirisiti aa chẹrẹ iwe ọnọnịị tụ́ụ hi avaba aza Ohomorihi ẹnị ẹnịrị Ijeesu sị vị ọnya ene hi Ihwiripi, re ne beri ọdọvịdị ịragụ Ohomorihi ọnịrị aza ana aa mẹ ọgụvọọ yị wa.

Anihwiripi 1:27

Ịsị ẹ vị ịrẹyị obooro ọ vị ka ebira awụ nịnị ọ̀ yà anka ọ mẹ vọrọ tụra ọza ana dọ enube ọyịza wụ́. Me ve hee wu nịnị oo, mẹ yị vẹ oo, mee sì ka ma wụ́ ka wáa sị ayị ọnya jẹẹ geri-geri nịnị, di u we duduu sị ọnyaa dụ ịrẹyị enube ọyịza ọnị ụ dọ wụ́ nịnị.

Anikorasi 1:2

ẹwụ nịnị, aza Ohomorihi ene hi Ikorosi nị. Ẹwụ nịnị anda ayị ana aa sị ayị ọnyaa saasa Ijeesu. Ohomorihi ọ̀ mẹ ọyịza wụ nịnị, dị ọ̀ rẹ sị ẹngwọọrọ yị wụ nịnị.

1 Anịtẹsaronika 2:2

Wáa yẹ nịnị, ị mẹmẹ vịdị rị ụya dị a kụ̀ yị ụhụ Íhwiripi. Ama Ohomorihi ọ sị sị ọtụtụrụma yị ka ya kà enube ọyịza anị yị wụ nịnị, aza ẹ̀ẹ daka sì ka ẹnị ẹ̀ dọ yị oro.

1 Itimoti 1:18

Itimoti ozi emi, maa mẹ̀ ọda ịrẹyị ẹnẹnịị yị wu. Ịrẹyị ọnọọ ọ́ọ jịrị ịrẹyị ọnị ọnịsẹ nịnị vịdị kà ini oze awụ. Sị ịrẹyị ẹnẹẹ mẹ ẹnya ịrẹkụ ọnị ụ vaa sị kụ̀ ịrẹkụ ozoza!

1 Itimoti 6:12

Re ka waa vụ̀ ịrẹvụ ẹdọwụ! Re re ka ụvọ awụ óo kú ka wa yàra ị́da Ohomorihi pooro zịna-zịna! Agụvị avọọ Óhomorihi hị́ wụ nị. Wáa sị irenu dọ ka wáa sị ayị tụra Ijeesu éyi aza ọrụrụ-ọrụrụ.

2 Itimoti 1:13

Ịrẹyị ịzẹyịza ọnị mị raà sị zụ̀ wụ, sị ụvọ zaa; ọ̀ vị ịrẹyị ọnị ụ waa saasa. Wa vavọọ mẹ ini oze ọ́yị sị ayị tụra Ijeesu Ikirisiti ọnịrị ịrẹyị anị oyisì.

Ịtayịtọsị 1:4

Maa chẹrẹ iwe tụ́ụ hi wu, ozi emi Ịtayịtọsị, agụvị ka ẹmịrị ẹwụ óo dudu sị ayị tụra Ijeesu. Ohomorihi Ada ayị ọnịrị Ijeesu Ikirisiti Ọdọzaha ayị ẹ̀ mẹ ọyịza yị wụ o.

Anihiburu 13:22

Ẹwụ nịnị ẹyịnyara amị, aarịhịnị sị ụtọ pe ịrẹyị ọnị mị sị pe wu nịnị juwe aanị ẹtẹẹtẹrẹ! Iwe ọnị mị chẹrẹ tụ́ hi wu nịnị ọ yị gọdọ.

Anihiburu 6:9

Ẹwụ nịnị ẹyịnyara amị, dị ị daka maanị aà yịị kà a aanị, yâ yẹ kaakara ka ẹwụ nịnị aa mẹ̀ ịsa ene zozaa hu avọọ, dị ụ wa há nịnị.

1Ipita 5:12

Isirivanọsị o pe mi chẹrẹ iwe ọnọnị tụ́ hi wu nịnị nị. Mâ yẹ ka ọdọwụ obooro ọ vị nị, a zụ sị ayị tụraa. Mee sì ka ma tụ́ wụ ọtụtụrụma, dị ma rẹ dọ ivenu tụ́ ọ ka ịzẹyịza ayamva Ohomorihi ọ vị ọnọọ nị. Agụvị avọọ, jẹẹ geri-geri ịnị anị nịnị.

2Ipita 1:1

Ẹmị a vị Ipita ana vị ozi ahụ ọnịrị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu avaba aza ana sị vị ọdọwụ. Agụvị ịzẹyịza Ijeesu Ikirisiti ana vị Ohomorihi ayị ọnịrị Ọdọzaha ayị, ọ̀ mẹ ka ẹ̀ nyị ẹdọwụ obooro, anka ẹyị mẹ̀ rẹ nyị nị.

2Ipita 2:21

Ọ́ọ vana dahi ka asị ẹ́ yẹ oze ịzẹyịza, hu ka ẹ̀ sị ọ yẹ, dị ẹ̀ và ị́rẹma ọda ọnịnị ana kà yị wa.

Ijudi 1:1

Ẹmị Ijudi ọyịnyara Ijemiisi ana vị ozi ahụ Ijeesu Ikirisiti. Maa chẹrẹ iwe ọnọnịị túu hi ẹwụ nịnị aza oni Ohomorihi hị́ ka wa vị aza anị nịnị. Ohomorihi Ada ayị ô sì ịrẹyị awụ nịnị, di ee sere wu nịnị ịnị oze Ijeesu Ikirisiti nị.

Ijudi 1:17

Ẹwụ nịnị ẹyịnyara amị, tamayị ịsa odeyi Ijeesu Ikirisiti Ananyị yị vịdị sị kà nịnị ka ọ vaa mẹ.

Ijudi 1:20

Ama yị ẹwụ nịnị anda ayị, waa gụ ẹngụ ụvọ nịnị, di ụ waa vịra nịnị tụ́ ịnị ẹdọwụ oni Ohomorihi sị wụ nịnị. Waa mẹ̀ aduwa nịnị anka Ụhwẹ Ọnịnị ọ̀ọ mẹ sị ụkata yị wụ nịnị.

Ẹtore 12:11

Ẹwụ nịnị ẹyịnyara amị e reè huna a ini oze anya Ozi Atẹmẹ ọnọọ ọnịrị ịrẹyị Ohomorihi ẹnẹ ẹyaa dọ ivenuu tụ́. Ệ dọ ka ẹnị ẹ̀ hụ rẹ ẹhẹ ẹnịnị ụvọ dị eni è sú.

Ẹtore 2:10

Asị u hí angwa ọnyọọnyị ịnị ụya ọnị ụ waa vaa rị! Re, Echu vaa zama wụ nịnịị re, dị ọ kụ́ aza ẹnyị awụ nịnị ne hi ịnị ẹngwa. Ụ vaa rị ụya nịnịị mẹ̀ ẹkụhị ẹẹwụ. Sị sị ayị yị mị nịnị pooro, wàa daka ee sú nịnị! Mị vaa sị ọgụụ wụ nịnị, ọnị ọ vị ka mị vaa mẹ ka wa yàra nịnị pooro zịna-zịna ị́dị Ohomorihi.