Ijudi 1:16 - IWE ỌNỊNỊ

¹⁶ Aza ẹnẹnị vị anaā rị ihuhu, ẹnịnị ẹ́ yị ma rị dọ irenu. Ịsa odivi ọnị ayị ẹnịnị èe sì kẹnẹ ẹẹ̄ mẹ nị, dị ẹyaa nyị irenu, dị e re yee gono ọza agụvị è re oze dọ ọ ịsa.

Ijudi 1:16 ပူးပေါင်းရင်းမြစ်များ

Ijoovu 32:21

Mẹ yị vaa me eyida ịnị ịrẹyị ọnọnị; mẹ yị vaa mẹ apẹẹ gono ọzọnyị-ọzọnyị.

Ijoovu 34:19

Ọ yị jẹẹ pe ọdọvịdị nịnị, a vị dị ọ̀ re opisa huu onosiye agụvị ka ọnị ọ tụ̀ avaba ẹnịnị vẹ ẹhẹ nị.

Ahẹ Ụgama 106:25

Di e nyima aa rị ihuhu ịnị ajẹngụ ẹnịnị, dị ẹ̀ yị kụkụ zẹẹ ka ẹnị ẹ̀ wú ịrẹyị Ohomorihi nị.

Ahẹ Ụgama 15:4

Ẹngụ aza ẹnẹẹ èe re aza edivi ẹ yị vaa sị ụbanyịị yị wa ama aza ene hí angwa Ẹnẹyịmavara kẹnẹ ẹ vaa sị ụbanyịị yị nị. Ẹngụ aza ẹnẹẹ ẹ̀ẹ kà a ka ẹnị aa mẹ ịrẹyị vị ẹ yaa mẹ̀ ẹ nị, òo zee e eyi ịrẹyị ọnọọ ọ̀ kụ́ tù wa.

Ahẹ Ụgama 17:10

Ẹnịnị ẹ yị mā vayị ọza vị ẹnịnịị̄ nyị irenuu zị nị.

Ahẹ Ụgama 73:8

Ẹnịnị vị anaā mẹ̀ isiya dị ẹ yaa kà ịrẹyị odivi ọza. Ẹnịnị vị anaā mẹ eyi zị, dị ẹ yaa gẹ eyi ẹ mẹmẹ vaa mẹ ẹvaya yị aza.

Ụhịrẹyị 28:21

E yi zoza ka ọza ọọ̄ nyị ọza re eyi, ama aza ẹnyị vị anaa mẹ̀ ebira odivi agụvị ịsa chee ọnị o vee re dọ.

Ayịsaya 29:24

Aza ana vịdị aa mẹ ụra vaa yẹ ịrẹyị. Aza ana vịdị aa rị ihuhu vaa jẹ ka aa zụ̀ ẹnị ịsa.

Ireevi 19:15

Ẹnẹyịmavara kà ẹnịnị ẹ̀ẹ sị ịzẹyịzaa mẹ̀ ọkarẹyị; à sị ẹ nyị ọza remeyi agụvị ka ọọ vị onosiye, dị à sị e re hí angwa ọzọbanyị.

Ịrịka 14:36

Ẹnị ọnụtụ ẹẹwụ ene ne re ẹtẹ ana vaa ka enube odivi ẹ mẹ ka aza ẹẹ rị uhuhu hi ọnị nị,

Ịrịka 16:11

Anikora nịnị ẹ raa kụ aza ku ịrẹma va eyi ịraazị ka Ẹnẹyịmavara. Ẹ yị vị ịrẹyị Eerọnị o tu wa.

Ịrịka 16:41

Eyinẹhẹ anị, dị avaba ịragụ Anisirẹrị va eyi ịra ka Imosiisi ọnịrị Eerọnị ka ẹnị wụ̀ aza Ẹnẹyịmavara ha nị.

Iruuku 15:2

Dị Anihwarisi nịnị ọnịrị ọzwọzọda nịnị aa rị ihuhu, dị ẹ ka, “Ọnọrụ ọnọnị aa dọ aza edivii pe ẹngụ, ọ hyakụ ee beri waa rị ịsa bẹẹ.”

Iruuku 19:7

Ịjị aza maanị ree, dị ẹyaa rị ihuhu nị, ka, “Ho! Ijeesu o ne ree chí ini irehi ọza odivi o!”

Iruuku 5:30

Dị ọzwọzọda ọnịrị Anihwarisi nịnị aa rị ihuhu, dị ẹ kà a yị ezirẹma Ijeesu ka, “Sị ẹ vẹ di u wee beri ọdẹkẹhirehi nịnị ọnịrị aza edivii rị ịsa, dị ẹwụrị wa ee hú nịnị?”

Ịjọọnụ 6:41

Dị Aniju nịnị nyima aa rị ihuhuu hi Ijeesu nị, agụvị ka ộ kà a ka ọnị ọ vị ịsọyịrị ana hụrẹ ẹbẹẹba vẹ nị.

Ịjọọnụ 6:61

Ijeesu ọ sị yẹ ịnị ayị anị ka ezirẹma anị vavọọ aa rị ihuhu agụvị ịrẹyị ẹnẹẹ. Di Ijeesu kà a yị wa ka, “Vị ọsọnị wéé si wu nịnị du ayị nị?

1 Anịkọrịntị 10:10

Asị ị rẹ na rị ihuhu anka ẹnyị ẹnịnị! Dị anggẹẹrị anaā wụ̀ ọza wụ̀ wa và ha nị.

Anigaratiya 5:16

Agụvị avọọ, navọ Ụhwẹ Ọnịnị ọ̀ọ sị oze zụ̀ wụ nịnị, agụvị asị ahịka ịsị ọchẹngụ awụ nịnị òo sì kẹnẹ, ụ raa mẹ nịnị nị!

Anigaratiya 5:24

Aza ana vị aza Ijeesu ẹ raà sị avaba ebira edivi ẹnẹẹ ẹnẹ ẹ vịdịị mẹ kwooze beri avaba ariro odivi ẹnịnị; ẹ raà kanyị ọọ za ọchị apavahị.

Iwe Ọhụhị Imosiisi ana aa hị́ Ọyịvatụrọda 1:27

Dị ẹnịnị aa rị uhuhu hi Ẹnẹyịmavara nị. Dị ẹ ka ọ nyị ịhyẹrẹ ẹnịnị dị ộ kụ́ ẹnị hụrẹ Ijipiti va yị Anamọrị ka ẹ wụ ẹnị va ha nị.

Anihwiripi 2:14

Ịsa tụra ịsa ọnị ụ wàa mẹ, asị ụ rị ihuhu, asị ụ rẹ nyị ahankata tụ́ ọ nịnị.

1 Anịtẹsaronika 4:5

asị ọ na mẹ̀ ịsa odivi ọnị ọchẹngụ anịị̄ sì, anka aza ẹnẹ ẹ̀yị yẹ Ohomorihi mẹ̀ẹ̄ mẹ!

1 Itimoti 6:5

dị ẹyaa nyị ahankata pooro kẹnẹ. Ẹngụ aza ẹnẹẹ, eyi kuku zụ ro ịrẹyị ana vọrọ, ẹyị zụ kà ịzẹyịza. Ẹngụ aza ẹnẹẹ ee ro ka ahẹkẹ Ikirisiti vị oze ọnị ọza zụ hụra zị rị ọgụ.

2 Itimoti 4:3

Ụmẹ aa vẹ ana ahịka aza eyi kuku vee sì ka ẹnị ẹ̀ẹ wụ́ ịzẹyịza ana aa sịị zụ̀ wa. Dị ẹ kụkụ aa dụ ẹ́ẹngụ ẹnịnị kẹnẹ. Dị ẹ kụ́ aza gụ ka ẹ̀ẹ zụ̀ ẹnị ịsa eni eè sì ka ẹnị ẹ̀ẹ wụ́ kẹnẹ.

1Ipita 1:14

Waa wụ́ ịrẹyị chire Ohomorihi nịnị, asị ụ kụkụ sị ẹngụ yị ịsa edivi ọnị ụ vịdịị mẹ nịnị, ịjị ụ wẹ̀ yị yẹ Ijeesu Ikirisiti nịnị.

1Ipita 2:11

Ẹwụ nịnị ọnị mi sì, wâ yẹ nịnị ka ọzọga ụ vị hi ịnị ẹhẹ nịnị nị. Agụvị avọọ, maa dá ịpẹẹ wụ nịnị: Và hụụnị ịsa edivi ọnị ọchẹngụ awụ nịnị sì. Ịsa ẹnẹẹ vị ana và eyi ịrazị kà ayị awụ nịnị.

1Ipita 4:2

Ịnị avaba ẹhẹ awụ nịnị ana vọ, sị ụ kụkụ sị ẹngụ awụ yị ịsa ẹhẹ ọnọnị ọnị ọchẹngụ ọzaā sì! Ama wee sì ịsị Ohomorihi òo sì nịnị.

2Ipita 2:10

Aza oni Ohomorihi vaa sị ụyaa rịị hu yị: Aza ana aa mẹ̀ ịsa edivi ọnị ọchẹngụ ẹnịnịị̄ sì kẹnẹ, dị ẹyaa sị eyii wụ̀ aza ana nyị ọda, dị ẹ rẹ yaa sị ẹngụụ tụ́ ẹba, ẹngụ ẹnịnị kẹnẹ e sì ịrẹyị anị nị, ẹnịnị ẹ́ yị nyị angwahi anggẹẹrị nịnị, dị ẹyaa kà ịrẹyị odivii hi wa.

2Ipita 2:18

Ẹnịnị vị anaā sịị ẹngụụ tụ́ ẹba, dị ẹyaa kà ịrẹyị ụra kẹnẹ, dị ẹ rẹ yaa sị oyisì odivi ọchẹngụ ẹnịnịị vene aza, ana ahịka oò yi kù ẹnẹ ẹ tụ̀ hụụnị ụvọ aza ene si nyeeyi hụrị oze Ohomorihi.

2Ipita 3:3

Ịsị mee sì ka wa yẹ hu nịnị yị: Ịnị ụmẹ ọdịrẹma, aza vaa kwẹẹtẹ, ana ahịka ịsa edivi ọchẹngụ ẹnịnị kẹnẹ ẹyaa mẹ nị. Dị ẹyaa mẹ wụ nịnị isiya,

Ijudi 1:15

dị ọ va mẹ̀ ọkarẹyị yị avaba aza. Ọ vaa jị ịvịị yị aza ẹnẹ ẹ̀ yị yẹ Ohomorihi agụvị ịsa edivi ẹnẹ ẹ́ mẹ̀ hi Ohomorihi, ọnịrị agụvị ịrẹyị edivi-edivi ọnị ọnịvị ẹnẹẹ aa kà a hi Ohomorihi.

Ijudi 1:18

Ệ kà a yị wụ nịnị ka: Ịnị ụmẹ ọdịrẹma, a vaa nyị onisiya nịnị, dị ẹyaa mẹ̀ ịsa edivi ene hi ịnị ayị ẹnịnị oni Ohomorihi o yi sì.