Ijudi 1:12 - IWE ỌNỊNỊ

¹² Wàa kụ gụ aa rị ịsa ịnị oze ana sị zụ ka wee sì ịrẹyị ẹngụ nịnị, ịdọtị ẹ vị tụ́ ịnị akakana awụ nịnị nị. Sị ẹ vẹ? Agụvị ka ẹnịnị vị anaā rị ịsa anka ọza ọnị ụhị ọ̀yị ma nyị avọọ. Ẹngụ ẹnịnị kẹnẹ ee ro ịrẹyị anị nị. Ẹnịnị vị ana sị mẹẹ anka eguhi ana ahị aa kụ́ụ zịịzị, oni orihi anị ọ̀ yị mā zụ̀. Ịrẹyị ẹnịnị vị osusu anka ọchị ene wusu hụrị ụmọrụmọ, di e si o hu ne ta, dị ọ̀ yị kụkụ zụ tụ́ ẹtụtụ ịnị ụmẹ anị.

Ijudi 1:12 ပူးပေါင်းရင်းမြစ်များ

2 Ịtọpa 7:20

dị ọnị kụ́ wa hụụnị ẹtẹ ọnị ọnị vịdị sị yị wa, dị ọnị kara ụvọ hụụnị irehi anị ọnị ọnị sị tụ́ irenyi ka aa hẹkẹ ọnị ịzọọ. Avaba aza vị ana vaa sị wa mẹ̀ isiya, dị ẹ yaa si eyi wụ́ wa.

Ijoovu 8:17

Ọ rẹ sị mẹẹ anka avị ọnị ẹpa anị para biri-biri za ịrẹta ene re avọọ nị.

Ahẹ Ụgama 1:3

Ọza ana vavọọ aa mẹ̀ ebira ẹtẹẹrẹ, vị ọnị ẹngụ anị vee hunẹnẹ pooro. Ẹngụ ọza ọnọọ vị ana sị mẹ anka ọchị ene e chire tụ́ ụtọ okuha, anaā tụ ẹtụtụ anị ịnị ụmẹ anị, avị anị ẹ yị maa wọ̀rọ̀. Ịsa tụra ịsa ọnị ẹngụ ọza ọnọọ ọ̀ọ sị ụvọ tụra ka ọnị aa mẹ vị ene ee zozaa yọ.

Ahẹ Ụgama 37:2

Wê re avị mèe nyị, òo tù ụpẹ ọnya kẹnẹ dị ọ rị ịra va ha avọọ ẹhẹ aza edivi mẹ̀ yà nị Ọ yị jẹẹ dị ẹnịnị è sú va ha.

Ụhịrẹyị 25:14

Ọza anaa ka ịrẹyị, dị ọ yị mẹ̀ ẹ sị mẹ anka eguhi osusu avọọ nị.

Ezikẹẹrị 17:9

Ẹnẹyịmavara Ananyị ụkata hu ka, Ezikẹẹrị ọ̀ họ̀ use ka, ịvayịnị ọnọnị wáá vaa yàra, dị ọ̀ va hụ? Aanịka, ọkasịmẹ ịpaapa ọnọnị ẹ̀ yị vee hu ọnịrị ẹpaa hụrị ẹtẹ, dị o che avọ anị, dị avị anị ẹ̀ wọ̀rọ̀ và ha? Ẹ́ yị vaa nyị ka ẹ̀ yị vị aza nyị ụkata, à vị ka ẹ̀ rụrụ, dị è zụ hu ọ hụrị ẹtẹ.

Ezikẹẹrị 34:10

Ọnị Ẹnẹyịmavara Ochẹtẹẹngụ ka, ọnịvị awụ nịnị ọnị kụkụ vị nị. Ọnị vaa dọ atẹmẹ anị hụrẹ ẹwụ nịnị ụvọ. Ọnị ọ́ ma vana zẹẹ ka we sere wa nịnị. Ọnị ọ ma rẹ vana zẹẹ ka waa tẹsị ẹngụ awụ nịnị ịnyara kẹnẹ. Ọnị vaa dọ atẹmẹ anịị hụrẹ ẹwụ nịnị ụvọ ọnị ẹ́ ma vana zẹẹ ka waa sị waa mẹ ụngwẹ nịnị.

Ezikẹẹrị 34:18

Avị ọyịza-ọyịza ọnị waa rị nịnị é yị zee aza ẹnyị awụ nịnị. Ẹnịnị ẹ̀ẹ sị rị, dị ẹ sị ahụ sìsi ana vọ hi ẹtẹ. Èe ree hú enyi ene nyeeyi, dị ẹ sị ahụ wụ́ ụdọ hi ana vọ.

Ezikẹẹrị 34:2

Ozi-ọza, ọnị ọ̀ và eyi ịrazị ka ẹnị ọdọvịdị Anisirẹrị nịnị, dị ọnị ò tụ́ wa ohuvọ. Ọ kà ọnị ọ̀ kà a yị wa ka, ọnị Ẹnẹyịmavara Ochẹtẹẹngụ ka, ẹwụ nịnị oseratẹmẹ Anisirẹrị ẹ́ sị da. Ịrayị ẹngụ awụ nịnị kẹnẹ ọ jị wụ nịnị areyi nị, ama wẹ́ yị tẹsị atẹmẹ anị nịnị.

Ezikẹẹrị 34:8

Ọ kà, àa vị ọnị ọ yị vị Ohomorihi ana yara nị, jintu sị ụtọ pe ịrẹyị anị nịnị. Uye edivi ệ kwẹẹtẹ tu atẹmẹ, ẹ sị wa wụ rị, agụvị ka ẹ́ yị nyị ọza enee sere wa. Aza enee sere atẹmẹ anị, é yị ne sì wa. Ẹngụ ẹnịnị kẹnẹ ẹyaa tẹsị anị nị, ẹ́ yị vị atẹmẹ anị.

Ihoseya 6:4

Ẹnẹyịmavara kà tee ẹwụ nịnị Anehwireemi ọnịrị Anijuda! Ọ kà sị ọnị vaa mẹ̀ wa aanị? Oyisì ọnị ẹ nyị yị ọnị sị mẹẹ anka ewiri a vị eguhi ẹnẹnẹ ana wụ́ ịjịjọọ avọọ nị.

Ireevi 14:43

Ịrẹma ana sị ịrẹta ana chị uru aanị hu kwooze, dị a sị ugene anị hara, dị a varẹma sị ọ sisi, irehi ọnọọ ọ̀ọ varẹma vanaa chi uru,

Imatiwu 13:6

Ịjị ọyị aa há, dị ẹ sị vahi nị; ama agụvị ka e yi re aha ha ẹpa ngụ di e sú nị.

Imatiwu 15:13

Dị Ijeesu tụ́ ohi, dị ọ ka, “Avaba ọchị ẹnẹ ẹ̀ yị vị Ada amị o chire, vị enee vee hu nee ta.

Ịmaakị 4:6

Ịjị ọyị aa há, dị ẹ sị và hí nị, ama agụvị ka e yi re aha ha ẹpa ngụ, di e sú nị.

Iruuku 12:45

Ama àa vị ozi ahụ ọnọọ kà a ịnị ayị anị ka: ‘Ọga amị ee kù ọyịvẹ’, di o nyima di ee tụ́ ozi ahụ anọrụ ẹnịrị anẹẹ ana vọ, dị aa rị, di ee hú, dị aa mẹrị eche nị,

Iruuku 16:19

“Â nyị ọnyẹkẹhị ọnya aanị anaā hara ịta ẹbanyị-ẹbanyịị hi ẹngụ, dị aa rị ẹhẹ ẹtẹẹtẹrẹ eyinị-eyinị.

Iruuku 21:34

Dị Ijeesu ka, “Sị eyi pe ẹngụ awụ nịnị, oo! Asị ụ sị eche ọyịrị pooro ọnịrị eche ahaahara oyihú ne beri ariro ẹhẹ ọnọnị dọ ẹngụ awụ nịnị oro! Agụvị ka ẹ̀ yị vị avọọ, ẹkụhị ọnọọ o vee tù wu nịnị ịnị ụmẹ oni u wè yi ro nịnị.

Iruuku 8:6

Ihu ẹnyị ẹ rẹ hụrẹ tụ́ ịrẹsụ ịda. Ọ mẹ̀ yị chị kẹnẹ, dị ọ wụ nị, agụvị ka ịzọọ ọ yị nyị enyi.

Anẹhwẹsọsị 4:14

Ịjọnọọ, yẹ yị kụkụ vaa yà anka ezweyi ẹnẹ ẹ̀ yị mā jẹẹ aha ọnya, dị enevene ana aa zụ̀ aza ịsa aa kụ́ waa vaa chíi vaa hịrẹ anka ahị avọọ. Dị ẹyaa sị irikichi ẹnịnịị be aza enee vee vene.

Anihwiripi 3:19

Oyivu ẹtẹ ọ vaa za ịrẹyị ẹnịnị ịrẹsụ nị. Izinẹ ẹnịnị ẹ́ sị mẹ Ohomorihi ẹnịnị nị; ịrẹyị ana a vọrọ ka ụhị ọ̀ sịị nyị wa, dị ẹyaa sịị mẹ ụbanyị. Ịsa ẹhẹ kẹnẹ ẹ sị ayị tụ́ ịnị anị nị.

1 Itimoti 5:6

Ama osoku ana ahịka ịsa ẹhẹ kẹnẹ ọ sị ayị tụ́ ịnị anị, óo wusu, vị ọ kụkụ yà ẹhẹ kẹnẹ nị.

Anihiburu 13:9

Asị ụ zẹẹ ka ịsa ọzọga irenyi-irenyi ana aza aa sịị zụ̀ aza, ẹ̀ kụ́ wụ nịnị nyeeyi! Ayamva Ohomorihi a vọrọ ka ọ̀ sị ụkata yị ayị awụ nịnị nị, ẹ yị vị ịrẹyị ọda ịsọyịrị. Ọda ẹnẹẹ ẹ yị mẹ ọgụvọ yị aza ana aa saasa wa.

Ijemiisi 5:5

Ama ẹwụ nịnị ọ́ọ ta dẹngụ, ụ maa kụ́ ịsaa rị, anka uye ana aa pá naa wụ; ama wẹ yị yẹ ka aa vaa wụ̀ wụ nịnị.