Ijowẹrị 3:4 - IWE ỌNỊNỊ

⁴ Dị Ẹnẹyịmavara họ̀ Anitaya ọnịrị Anisidoni ne beri Anihwirisiti ka sị ẹ vẹ dị ẹ vavọọ aa mẹ̀ ebira hi ọnị? Vị ẹnịnị wéé vi ene si ọnị atọ nị? Àa vị avọọ yị ọọ nị, ọnị vaa vee sị wa atọ obobooro ọnọọ.

Ijowẹrị 3:4 ပူးပေါင်းရင်းမြစ်များ

2 Ịtọpa 21:16

 nyị Ihwirisiti ẹnyị ọnịrị Anarabi nịnị ana ra gụrị ịzị Anisudani nịnị ra utenyi. Ẹnẹyịmavara kụ́ ọ hi wa ẹngụ ka ẹ nọ ịrẹkụ Ijehorami.

Ayịsaya 14:29

Ọ kà ẹwụ nịnị Anihwirisiti, asị ụ na jẹ nịnị ka inori ana a vịdị ee sii tú wu nịnị o si che. Éwụ́ òo sú, ẹ́wụ́ ene divi hu avọọ aā chịị dọ ẹngụ anị ịrẹsụ nị. Ẹ́wụ́ edivi-edivi ẹẹ̄ chịị hụụnị ajẹ ẹ́wụ́ nị.

Ayịsaya 34:8

Ịhị ọnọọ Ẹnẹyịmavara vee si atọ ịsa ana a mẹ Anịzayọnị, dị ọ dọ Anịzayọnị há nị.

Ayịsaya 59:18

Ọnị vaa sị ụya rị ọnịvị anị ana gụrị ẹtẹ ọnịrị ẹnị ene hi aha onoze anka ịsị ẹ mẹ̀ hi aza anị.

Ijeremaya 47:1

Ijeremaya ka, dị ohinọyị Ijipiti va kụ́ ịrẹkụ ne tu ẹkụra ana aā hị́ Igaza, Ẹnẹyịmavara ộ kà ịrẹyị yị ọnị ịnị ịpa Ihwirisitiya,

Ijeremaya 47:4

ka, ụmẹ o si tu ka è vu Ihwirisitiya ẹtẹ. Dị aa wụ̀ avaba aza ana vẹtẹ ana yaanị aa mẹ ọgụvọọ yị ẹkụra Ịtaya ọnịrị Ịsịdọnị. Ẹnẹyịmavara kà ọnị vee vu Anihwirisitiya ẹtẹ dị ọnị vu avaba aza ana hụrị utenyi ẹtẹ Ikerete vẹ ẹtẹ.

Ijeremaya 51:6

Ọ kà ọzọza ò zwè hụrị ẹtẹ Ịbabịrọnị, ọzọza ọ sị ụvọ ku ịrẹsụ oo zwè. Asị ụ zẹ ka a wụ agụvị ebira odivi ẹnịnị. Ụmẹ o si tu ka ọnị Ẹnẹyịmavara ọ̀ họ̀ oponu, ọnị vaa sị ụyaa rị wa á mẹ vọrọ.

Ijowẹrị 2:10

Dị ẹtẹ ọnịrị ẹbẹẹba ee ziizi; dị ọyị ọnịrị ụhwẹ ẹ yị re oze sị ẹtẹ hweyi, dị ụzọmị nịnị ẹ yị kụkụ zẹtẹ nị.

Ijowẹrị 2:2

Ịhị ọnọọ vee hozi ruma-ruma, dị eguhi oji piri-piri chaka ku ẹtẹ. Dị ọkọnị akụvarịva gara hi ịrẹsụ avaba ataba mọọmọọmọ. Ọza ẹ yị vịdị re ịnahọ̀yị ọnọnị da, dị ọza ẹ yị mẹ vene re irima anị paa ịnị ẹhẹ nị.

Imatiwu 11:21

“Wa sị dà nịnị, ẹwụ nịnị Anikorasini. Wa rẹ sị dà nịnị, ẹwụ nịnị Anịbẹtịsayịda. Àa yaanị maanị mẹ̀ ụkọrọ ohyozirenu ịnị ẹkụra Ịtaya ọnịrị Ịsịdọnị, ẹ yaanị sị ịnẹ ro varẹma hụrẹ ụmọrụmọ, dị ẹ sị ịta arụwẹ kú ẹngụ, dị e kú ẹngụ ẹnịnị atịtọ.

Imatiwu 11:22

Ama dị ma kà a wụ nịnị ka ọ vaa daahi yị Anịtaya ọnịrị Anisidoni nịnịị huna wụ nịnị ịnị ẹkụhị ọkarẹyị.

Iruuku 10:13

Di Ijeesu ka, “Wa sị dà nịnị, ẹwụ nịnị Anikorasini. Wa rẹ sị dà nịnị, ẹwụ nịnị Anịbẹtịsayịda. Àa yaanị maanị mẹ̀ ụkọrọ ohyozirenu ịnị ẹkụra Ịtaya ọnịrị Ịsịdọnị, ẹ yaanị sị ịnẹ ro varẹma hụrẹ ụmọrụmọ, dị ẹ sị ịta arụwẹ kú ẹngụ, dị ẹ yaayịtẹ ịnị atịtọ.

Iruuku 10:14

Ọ vaa daahi yị anẹkụra Ịtaya ọnịrị Ịsịdọnị huna wu nịnị ịnị ẹkụhị ọkarẹyị.

Iruuku 18:7

Wéé ro ka Ohomorihi ọ yị vaa mẹ̀ ịsa ana vọrọọ yị aza anị ọnọọ nyị, ene ee nowuu hị́ ọọ, ọọdụ ọnịrị ịrahụ, ọ̀ọ daka za wa tura ẹtẹ?

Odeyi 9:4

Dị ọ hyẹdụ nya ẹtẹ, dị ọ wụ́ ọngwẹ ana kà a yọ ka, “Ịsọọrụ, Ịsọọrụ, sị ẹ vẹ dị ụ waa sị ụyaa rị mị?”

Iwe Ọhụhị Imosiisi ana aa hị́ Ọyịvatụrọda 32:35

Ẹnẹyịmavara vaa họ̀ oponu, dị ọ sị ụya rị wa. Ụmẹ aa vẹ ọnị ọnịvị ẹnịnị vaa hyẹdụ; ụmẹ ọnị ịrẹyị odivi vee si tu wa ọ sị gụrị ẹtẹ.

2 Anịtẹsaronika 1:6

Ohomorihi vị anaā mẹ̀ ịsa ana vọrọ: Ọ vaa sị ụyaa rị aza ana aa sị ụyaa rị wụ nịnị.

Ọdọvịdị 11:12

Ẹkụhị ọnyara dị Ịjẹhwịta tụ aza ka ẹ na họ̀ ohinọyị Anamọnị ka sẹ sụ ọnịrị ọ dị a kụ ịrẹkụ ve tu aza anị?