Ijowẹrị 3:2 - IWE ỌNỊNỊ

² Ọnị vaa kụ́ avaba anẹkụra nịnị gụ́ ịnozi Ijehosahwati ịzị ọnị vaa họ̀ oponu. Ọnị vaa sị ụya rị wa agụvị ịsị ẹ mẹ̀ aza anị. Ệ dụ aza anị Anisirẹrị ne hi ẹkụra ọsa, dị ẹ ga ẹtẹ ẹnịnị hị́ ẹngụ ụvọ nị.

Ijowẹrị 3:2 ပူးပေါင်းရင်းမြစ်များ

2 Ịtọpa 20:26

Ịhyẹgwẹna anị, dị ẹ kụ́ ẹngụ gụ ịnị ịnoze Iberaka dị ẹ ga Ẹnẹyịmavara agụvị avaba ịsa ọ mẹ̀ yị wa nị; avọọ aa hị́ ịzọọ Iberaka ọnị iruvo anị vị ụga.

Ayịsaya 66:16

Ịra ọnịrị ụhwọ ọ vaa sị sị ụya rị avaba anẹhẹ ana rị ịvị anị. Aza ọrụrụ vị ene vee su.

Ayịsaya 66:18

Ẹnẹyịmavara kà ọnị ọ yẹ ịsa ọnị e yee ro ọnịrị ebira ẹnịnị. Ọnị aa vẹ vaa kụ avaba anẹhẹ gụ. Ịjị ẹ̀ẹ sị gụ, ẹ vaa yẹ ụkata anị za.

Ijeremaya 12:14

Ẹnẹyịmavara kà, aa nyị ịsị ọnị aa kà ịnị ịpa aza ana ra vahụra Anisirẹrị nịnị. Ẹnịnị ẹ sị ẹtẹ ọnị ọnị sị yị aza anị, Anisirẹrị nịnị du ha. Ọ kà, ọnị vaa kụ aza edivi ẹnẹẹ hụụnị ẹkụra ẹnịnị anka á mee hu ọchị hụrị ẹtẹ avọọ, dị ọnị dọ Anijuda nịnị hụrẹ wa ụvọ.

Ijeremaya 25:31

Avaba ẹhẹ vaa dọ ọ ọngwẹ Ẹnẹyịmavara ọnịrị avaba anẹkụra ẹẹ nyị ịrẹyị, ọ vaa mẹ̀ ọkarẹyị yị avaba aza, dị ọ wụ̀ avaba aza edivi ha.

Ijeremaya 49:1

 nyị ẹkụra ana aā hị́ Amọnị. Ịrẹyị anẹkụra ọnọọ ọnị Ẹnẹyịmavara kà yị. Ẹnẹyịmavara kà, ịzị Anisirẹrị nịnị hi? Aanị ka ẹ́ yị nyị ọza ana vọrọ ka óó sere ẹtẹ Isirẹrị? Sị ẹ vẹ dị ẹ navọ ka aza anaa mẹ ori ana aā hị́ Imorẹkị ẹ̀ va ra ịnị ẹtẹ ịrẹsụ ana aā hị́ Igadi?

Ijeremaya 50:17

Ẹnẹyịmavara kà Anisirẹrị nịnị vị ana sị mẹẹ anka atẹmẹ ọnị idu nịnị dụ, dị ẹ gara hi ozi avọọ. Ịpaapa, ohinọyị Asiriya ọ vịdị kwẹẹtẹ tu wa nị, dị Inebukadineza, ohinọyị Ịbabịrọnị ọnị kụkụ va sị anyị ngụ wa na za ẹchụkụ nị.

Ezikẹẹrị 25:8

Ẹnẹyịmavara Ananyịwa kà, Animowabi nịnị ệ kà a ka, Ijuda ọnịrị ẹkụra-ẹkụra ana vọ ẹ sị vị ọnyọọnya,

Ezikẹẹrị 34:6

Atẹmẹ ọnị ẹ́ kụkụ naa ngụ ịrẹsụ ataba-ataba zịịzị. Ẹnịnị ẹ kụ gara hi avaba ẹhẹ. Ẹ́ yị nyị ọza ene ne sì wa.

Ezikẹẹrị 35:10

Ọnị ọ vị Ohomorihi Anijuda ọnịrị Anisirẹrị nịnị nị. Ama ẹwụ nịnị ka ẹ̀ wụ nịnị ọ nyị anẹkụra ẹyịva ẹnẹnị nị.

Ezikẹẹrị 36:1

Ẹnẹyịmavara kà, ọnị ozi-ọza, ọ̀ kà a yị ataba-ataba Isirẹrị ka, ẹnịnị ẹ̀ wụ ụtụ ọnị

Ezikẹẹrị 36:5

Ẹnẹyịmavara Anahwọ ọ raà sị ọyịkụ-ọyịkụ kà ịrẹyị yị anẹkụra-ẹkụra ana kara Isirẹrị. Anedomi nịnị ayị hyakụ aa kụ ọnịị tùu hu nị. Ẹnịnị ẹ raà sị ẹtẹ anị mẹ ẹẹnịnị, dị ẹ sị ịzị aa kụ ịsụpa naa rị ka ẹnị ẹkụkụ nyị nị. Ẹnịnị vị anaa jẹ dị ẹ́ sị eyi wụ ọnị.

Ezikẹẹrị 38:22

Ọ kà ụkụ ọnịrị isu ịrịịra ọnị vaa sịị sị́ ụyaa rị ọ nị. Ọnị vaa zụ̀ orihi ọnịrị ata orihi ku ọ ịrẹsụ hara-hara. Ọnị vaa và ịra ọnịrị ohuruu kụ ọnịrị avaba isoja anị ne beri avaba anẹkụra-ẹkụra ana na yà pè e.

Ezikẹẹrị 39:11

Ẹnẹyịmavara kà, ịjị avaba ọsọnị ọọ sị mẹ̀ ọnị vaa dà ọganya yị Ịgọgị tụ ẹtẹ Isirẹrị, ịzị aā hị́ inozi Anusoze nịnị. Ịzọọ vị ana yà eyi akaha oku ọnị ọyị zịị hụrẹẹ vẹ. Ịzọọ é vee ne Ịgọgị ọnịrị Isoja anị nịnị nị. A vaa hị́ ịzọọ inozi isoja Ịgọgị nịnị.

Ijowẹrị 3:12

Avaba anẹkụra e tenyi ẹngụ, dị ẹ na gẹ inozi Ijehosahwati ịzị Ẹnẹyịmavara vaa yaatẹ ịrẹsụ ode anị, dị aa mẹ̀ ọkarẹyị yị avaba anẹkụra nịnị.

Ijowẹrị 3:14

Ọkọnị aza ẹ̀ẹ na sị gụ hi inozi ọkarẹyị ọnọọ Ịzọọ ọnọọ, ụmẹ ọnị Ẹnẹyịmavara vaa mẹ̀ ọkarẹyị aa gụrị ẹtẹ nị.

Emọsị 1:11

Ẹnẹyịmavara kà ọnị aa pa ịva yị Anedomi nịnị agụvị ebira odivi odivi ọnị ệ mẹ̀. Ẹnịnị ẹ sị ụ̀hwọ̀ wụ̀ Anisirẹrị ẹnị ẹnịrị vị anda. Ọyịha odivi ẹnịnị, ẹ yị zẹ ka ẹ vayị ọza vụrụ-vụrụ. Ẹnịnị ẹ yị mẹ̀ ẹ sị rị.

Imika 4:12

Ama ẹnị ẹ yị va yẹ ịsị Ẹnẹyịmavara ee ro. Mị ka ẹnịnị ẹ yị yẹ ịsị ọnị ọ vaa mẹ. Ẹ yị yẹ ka vị ọ kụ́ Anisirẹrị gụ ka oni ò tụ́ wa kẹnẹ nị. Ọ kà ọnị ee tụ́ wa á mèe tụ́ ayị ịnị ịda avọọ.

Ịzẹhwanaya 3:8

Dị Ẹnẹyịmavara kà ee nee zi ẹkụhị ọnị ọnị vaa kwẹẹtẹ tù wa. Ọ kà, ọnị vaa kú avaba ẹkụra ọnịrị ịjọva ẹkụra irenyi-irenyi gụ dị ọnị ọ kụ́ ayị hi wa. Dị avaba ẹtẹ rị ịra agụvị ka ayị anị aa dà ọva.

Ẹtore 11:18

Ayị anẹkụra nịnị aa dà ọva, ọyịkụ awụ ộ vẹ. O si tù ka à mẹ̀ ọkarẹyị yị oku nịnị, dị ụ wa sị ọgụ yị ezi ahụ awụ ọnịsẹ nịnị ọnịrị aza awụ beri aza ana nyị angwahi awụ, ẹ̀ẹ vị ozweyi, ẹ̀ẹ vị ọzọkụ. Ama aza ene vịdị ee du ẹhẹẹ ha, di u vu wa ẹtẹ.

Ẹtore 16:14

Ẹnị ẹ vị ụhwẹ echu ana aa mẹ̀ ụkọrọ ohyozirenu nị. Dị ụhwẹ echu ẹẹta ẹnẹẹ nọ ịda avaba ohinọyị anẹhẹ nịnị nị. Di eyee sì ka ẹnị ẹ̀ kụ́ wa gụ tịtẹ zí ịrẹkụ ana aa vẹ ịnị ẹkụhị ọbanyị Ohomorihi Ochẹtẹngụ nị.

Ẹtore 16:16

Dị ụhwẹ echu ẹnẹẹ kụ́ ohinọyị ẹnẹẹ gụ tụ́ aha ọnya aanị ana aā hị́ Amagẹdọnị ịnị ẹkụra Anihiburu nịnị nị.

Ẹtore 16:6

Ệ wụ̀ aza awụ beri ọnịsẹ awụ nịnị, dị e che anya ẹnịnị sẹ́ ẹtẹ nị. Ẹwa rẹ raà sị anya yị wa ka èe hụ́ ọọ. Ịsị ẹ vọrọ tụra wa gẹdẹ-gẹdẹ ọ vị ọnọọ nị.

Ẹtore 20:8

Dị ọ jịnẹ, di o nee vene anẹkụra ene hi avaba ẹhẹ, ọnọọ vị ka Ịgọọgị ọnịrị Ịmagọgị. Dị ọ kụ́ wa gụ ka ẹ̀ na kụ̀ ịrẹkụ, ẹnịnị ệ rụrụ anka aarẹ ene hi ụtọ oku avọọ.