Ijowẹrị 3:16 - IWE ỌNỊNỊ

¹⁶ Ẹnẹyịmavara vee nowu hụrẹ Ịzayọnị, dị ọ ka irutu hụrẹ Ijerusarẹmị, dị ẹbẹẹba ọnịrị ẹtẹ ee ziizi. Ama ọnị vaa dọ aza anị ha, dị ọnị vị ụkata ẹnịnị.

Ijowẹrị 3:16 ပူးပေါင်းရင်းမြစ်များ

Emọsị 1:2

Ọ kà: “Ẹnẹyịmavara ộ na owu hụrị ataba Ịzayọnị; ọngwẹ anị ọ katuru hụrẹ Ijerusarẹmị. Dị avị ọnị ịsụpaā rị wara za ẹtẹ, dị avị ene hi ịrẹsụ ataba Ịkamẹrị ee vi nị.”

Ịhagayị 2:6

Dị Ẹnẹyịmavara, Ochẹtẹẹngụ ka, e yi vee ku dị ọnị o ziizi ihinẹba ọnịrị ẹhẹ, oku ọnịrị ẹtẹ.

Ijeremaya 16:19

Ijeremaya kà, Ẹnẹyịmavara, ẹwụ ee sere mi dị waa sị ụkata yị mị nị ọ; ẹwaā gụ mị ụvọ ịnị ụmẹ ẹngụkata nị. Anẹkụra nịnị vaa hụrị ịzị ẹhẹ na ta ịrẹsụ tụ vee tù wụ dị ẹ ka: Ẹ́ yị nyị ịsị ohiku ayị nịnị nyị para ori ana ahịka ireche kẹnẹ e vị nị hu, ori ẹnẹẹ yị nyị ịsị ẹ́ wụra mẹ aanị kẹnẹ ẹ nyị nị ọ.

Ayịsaya 42:13

Ẹnẹyịmavara ộ jịnẹ tụ ẹhẹ na kụ̀ ịrẹkụ anka isoja avọọ; O tenyi ẹngụ tenyi, dị ee zí ịrẹkụ nị. Ô họ̀ ogeeke, dị ịrekụ sụ ịrẹyị wanyị nị. Ộ sị ụkata anị zụ̀ ọnịvị anị nịnị.

Ụhịrẹyị 18:10

Ịrẹha Ẹnẹyịmavara vị ana sị mẹẹ aha ọyị tẹ, ọnịzẹyịza òo zwe nị ịzọọ ọ sị ha.

Ezikẹẹrị 38:19

Ọnị maa kụ̀ ụhị, dị ayị anị aa dọva, ọnị ộ kà a ka ẹtẹ Isirẹrị vee henyi jigi-jigi ịhị ọnọọ.

Ayịsaya 51:16

Ọnị ộ gana ẹbẹẹba ku, dị ọnị sị eteesu hi ẹtẹ nị. A ka yị Ijerusarẹmị ka ọnị ọ nyị aza ene hi ịzọọ nị. Ọnị vee sere wa, dị ọnị sị wa tẹ ịnị ivoku anị.

Ahẹ Ụgama 61:3

Ohomorihi, ẹwụ ee sere mị ka asị a nyị ịsị ẹ mẹ̀ mị, nọ Wẹ yị zẹẹ vụrụ-vụrụ ka ọnịvị ò re oze kanyị mị.

Ẹtore 16:18

Dị ịsa aa sụ́ ịrẹyị, dị apaana ihinẹba aa há dị ịnyanya aa rị vee-vee nị. Dị ẹtẹ henyi jigi-jigi nị. Ẹtẹ ọọ̀ yị vavọọ henyi da, aza mẹ̀ hụrẹ vẹ ẹhẹ. Vị ẹtẹ ọnọọ nyayịnẹ henyi ẹtẹẹtẹrẹ nị.

Ahẹ Ụgama 18:2

Ẹnẹyịmavara ẹwụ ee sere mi nị Ịda awụ ọ vị aha ẹvagu ọkatẹngụ ọnị mị na tẹ̀ tụ́ nị. Ẹwụ aa dọ mịị tụ́ nị Ohomorihi amị vị aha ẹvagu nganganga ịda anị mi zwe na tẹ̀ nị Ẹwụ ee sere mi nị Ụkata anị aā sịị dọ mịị tụ́ nị Ịda anị ọ vị aha ẹvagu ọnị mịị̄ naa tẹ nị.

Ayịsaya 33:16

Ẹngụ aza ẹnẹnị ẹ va zụụ há nị. Vị ẹ vaa sị mẹ anka ọza ana na vaka tụ́ aha ịzị ẹ̀ yị nyị ịsị ẹ zụ kanyị ọ avọọ nị. E vee re ịsaa rị, e re vee re enyi hú.

Ahẹ Ụgama 29:11

Ẹnẹyịmavara aa sị ụkata yị aza anị Dị ọ rẹ sị ẹngwọọrọ mẹ wa ẹyịza nị.

1 Ịsamụwẹrị 15:29

Wâ yẹ ka Ohomorihi Anisirẹrị ana nyị ụbanyị o mē cheeche. Ịsị ọ̀ọ ka ọnị aa mẹ aā mẹ nị. Ọ mā mẹ̀ ebira anka ọzarẹyịrẹsụ ana aā vara ayị pooro.”

Ẹtore 11:19

 na irehi Ohomorihi ana yà ẹbẹẹba. Ini irehi ọnọọ, ê re apoti ana aā hị́ apoti oto. Dị ịnyanya aa rị vee-vee, dị ịsa aa sụ́ ịrẹyị, dị apaana ihinẹba aa sụ́ wara-wara nị. Ẹtẹ ee henyi jigi-jigi, dị ata ihinẹba aa sụ̀ nị.

Ẹtore 11:13

Ụmẹ ọnọọ gẹdẹ-gẹdẹ, dị ẹtẹ henyi jigi-jigi, dị agẹẹwụ ẹkụra ọnọọ gara va ha, dị aza ẹnị akahị-akahị oze ịhịmba (7,000) sú ịnị ẹtẹ ana vavọọ henyi avọọ nị. Angwa ô hí ẹnị ana vọ, dị ẹyaa sị ụbanyịị yị Ohomorihi ana yà ẹbẹẹba nị.

Anihiburu 12:26

Ịnị ụmẹ ọnọọ, ọngwẹ anị ô henyi ẹhẹ. Ama ọyaanị, ọ sị eku hị́ ka ẹ yị vị ẹhẹ kẹnẹ oni re venee henyi, ama oni re vee henyi ihinẹba bẹẹ.

Ịzakaraya 10:12

Ẹnẹyịmavara kà, ọnị vaa mẹ ka aza ẹ nyị ụkata, dị ẹẹ hẹkẹ ọnị, dị ẹẹ wụ́ chire ọnị.

Emọsị 3:8

Idu òo na owu, ene éé yi vee hí angwa? Ẹnẹyịmavara Ohomorihi ọ̀ọ kà ịrẹyị, ẹnẹ zụ za ka ọnị ẹ yị ka ụtụ ọnọọ?

Ihoseya 11:10

Ẹnẹyịmavara kà a aza anị vaa saasa ọnị ịjị ọnị òo na owu anka idu avọọ hi ọnịvị ẹnịnị. Eyiha-eyiha ẹnịnị vaa sị zwe hụrẹ eyi ịzị ọyịị̄ zịị na ngụ ẹtẹ.

Ịzakaraya 10:6

Ẹnẹyịmavara kà ọnị vaa sị ụkata yị Ijuda, ọnị aa dọ anineehi Ijosẹẹhụ ha. Ka ọnị ọ vayị ẹnịnị ọnị vaa va wa ịrẹma nọ udi ẹnịnị. Ẹnịnị vaa sị mẹ ka ọnị ẹ yị yi wa avọọ nị, ka ọnị Ẹnẹyịmavara ọ vị Ohomorihi ẹnịnị, ọnị vaa wụ́ aduwa ẹnịnị.

Ayịsaya 33:21

Ẹnẹyịmavara vaa mẹ ka à yẹ ụkata anị ịzọọ. Vị ọ vaa sị mẹẹ anka okuha ana gana avọọ nị. Ama ẹ yị nyị ẹpa ịrẹkụ ọnyọọnyị ana vaa zi oze avọọ.

Ijeremaya 17:17

Ọ kà Ẹnẹyịmavara, ọ̀ navọ asị o chire ọnị angwa; Ụmẹ ọnị ẹngụkata ọọ vẹ, ịdị anị ọnị vaa tẹ̀ ka asị a nyị ịsị ẹ mẹ̀ ọnị nị.

Ịnahụmị 1:7

Ẹnẹyịmavara vị anaā mẹ̀ ọyịza. Ọnị e sere aza ene zwe na rị ọ ịnị ụmẹ akanya nị. Ọ̀ tẹsị aza ene zwe na vaka a nị.

Ịhagayị 2:7

Ọ kà ọnị vee ziizi avaba ẹkụra, dị ọnị kụ́ ogu ẹnịnị ve hi ini irehi anị, di ịzọọ hí yị ogu ẹnẹẹ.

Ịzakaraya 9:12

Waa vaa vẹ aha ọyịtẹ̀ awụ nịnị, wa nyị eyọtụra. Ẹnẹyịmavara kà booro aanị, ọnị vaa sì wa atọ ịsa ana jị wa ha oze ẹẹva.