Ijowẹrị 2:3 - IWE ỌNỊNỊ

³ Dị akụvarịva ẹnẹẹ rị avaba avị anka ịra mẹẹ̄ rị avị avọọ nị. Ọvịdị ẹnịnị e zoza anka ụbazị Edẹnị ama dị ịrẹma ẹnịnị tịtẹ huye-huye ẹ̀ mẹẹ wara avị rị za eteesu. Ẹ yị nyị ịsa ana vọ ẹtẹ tịtẹ ọnị ẹnịnị ẹ yi rị.

Ijowẹrị 2:3 ပူးပေါင်းရင်းမြစ်များ

Oyinyima 13:10

Di Ịrọọtị kana eyi ré ẹtẹ ọnọọ, huu na ngụ Izowa nị di o re ka ô hunẹnẹ nị. Ẹtẹ anị ô zoza ẹtẹẹtẹrẹ vị ọ sị mẹẹ anka ụbazị Ẹnẹyịmavara, anka ẹtẹ Ijipiti. Avọọ ẹtẹ ọnọọ mẹ̀ yà di Ẹnẹyịmavara va kụ́ anẹkụra Isodọmị ọnịrị Igomora kwooze nị.

Oyinyima 2:8

Di Ẹnẹyịmavara Ohomorihi va dà ụbazị ọnya aanị tụ́ ịzị aā hị́ Edẹnị ózee ọnị ọyịị̄ zịị vẹ, dị ọ sị ọza ọnị ọ mẹ dị ọ sị tụ́ ịzọọ nị.

Ahẹ Ụgama 50:3

Ohomorihi ayị aa vẹ, o yi kuku kú irenu re ẹtẹ kẹnẹ Ịra vị ana aa za ọvịdị anị, dị ẹtẹ ee henyi jigi-jigii karaa.

Ahẹ Ụgama 97:3

Ịra vị ana maanị yà ọvịdị anị, dị aa rị avaba ọnịvị anị ana kara a.

Ọyịkụra 10:15

Di e kú eteesu pipipi, dị ẹtẹ kuku ee mine kẹnẹ nị. Dị ẹ za avaba ịsa ana ata orihi navọ tịtẹ, dị ẹ rị wa nị. Avaba ịsị ẹ chị hi ịnị aarẹ ọnịrị ẹtụtụ ene hi ịnị ọchị vị ẹnẹ rị za ẹtẹ, kụkụ nyị ịsị aa hị́ avị ohwoohu ikonya ịnị avaba ẹtẹ Ijipiti.

Ọyịkụra 10:5

Dị ẹ ka ọ ka akụvarịva ẹnẹẹ vee kú avaba aha, dị ọza o yi kuku re ẹtẹ ka ịsa chee ana vọ ana ata orihi ò yi rè vee du ha, akụvarịva ẹnẹẹ ẹ kụkụ aa rị wa nị. Ẹ rẹ ka ọ ka avaba ịsị ẹ chị hi ịnị aarẹ vị ẹnẹ ẹ yaa rị.

Ayịsaya 14:17

ọza ana maanị wụ̀ aza ha, dị ọ tụ́ ẹhẹ osusu. Ẹkụra ọnị ọ̀ọ gara dị kụ́ aza anị nị, ọ mā zẹẹ ka aza ẹnẹẹ ẹ̀ kụkụ varẹma nọ eehi ẹnịnị.

Ayịsaya 15:6

Enyi ini okuha Inimirimi ọ sị wụ. Avaba avị ẹ kụ́ wụ, ọza o yi kuku re avị ohwoohu ikonya.

Ayịsaya 33:4

Ẹwụ nịnị anẹkụra aza vị ana vaa sùu kú ogu awụ nịnị dị ẹ kụ́ ọ anka akụvarịva mèe sùu kú avị avọọ.

Ayịsaya 51:3

Ẹnẹyịmavara vaa sị ayị Anisirẹrị nẹtẹ. Ộ vaa mẹ ka ẹtẹ ẹnịnị ana vị ọpapara ò zoza anka ụbazị Edẹnị avọọ. Ayị ẹnịnị vene vee hine, dị ẹ yaa jị ahẹ ọyịza ga Ẹnẹyịmavara.

Ayịsaya 9:18

Ebira edivi aza ẹnẹẹ vị ana aa za anka ọrịra mẹ̀ẹ rị avaba avị ịra avọọ. Areyi vị ana maanị aa dà dụụmẹ aanị.

Ayịsaya 9:19

Ẹnẹyịmavara Ochẹtẹẹngụ vị ana nyayịnẹ aa kụ́ ayịị hi aza ẹnẹẹ. Ọyịkụ vaa ngụraa za aza ẹnẹẹ, dị ẹ yaa rị ịra anka ọkụ avọọ, ọzọza ọnịrị ọhụva anị vị ana vaa và eyii kà ẹngụ.

Ijeremaya 5:17

Ịsa ọnị ụ mẹ tụ ịnị aarẹ ọnịrị ịsọyịrị awụ nịnị vị ọnị ẹnịnị vee duu ha. Ezi ọnọrụ awụ nịnị ọnịrị ezi anẹẹ awụ nịnị vị ẹnẹ vaa wụ̀ vàa ha. Ịsụpa awụ nịnị vị ọnị e vee vú ẹtẹ beri ọchị ịvayịnị ọnịrị ọchị ihwigi awụ nịnị. Ẹkụra awụ nịnị ana jị ọvọ kara ọnị ụ vavọọ aa tụra eyi nịnị avọọ vị ọnị isoja ẹnịnị vee vú ẹtẹ.

Ezikẹẹrị 36:35

Dị avaba aza aa kà a ka ẹtẹ ọnọnị ana vị ụnọmị tịtẹ ịhị ọnọọ, ọ kụkụ ya anka ụbazị Edẹnị aanị nị. Dị ẹ rẹ ka, wéé re ẹkụra ana a gara và ha, dị á kụ wa ẹnya, dị a jị wa eburu và hi ẹtẹ ịhị ọnọọ, ọnị a maanị va ra hi ịnị anị, dị a jị ọvọ kara a aanị nị?

Emọsị 7:4

Ẹnẹyịmavara Ochẹtẹẹngụ ọ rẹ sị etore ọsa zụ Emọsị. O ka ọnị aa sị ịra ọbanyị sị ụya rị aza anị. Ịra ọnọọ vaa wara oku, dị ọ rị avaba ẹtẹ ọnọọ ịra hụyẹ-hụyẹ

Ihabaku 1:6

Ẹnẹyịmavara kà ọnị vaa kụ́ Anibabironi nịnị kwẹẹtẹ ka ẹ dọ̀ avaba ẹkụra ene hi ẹtẹ ọnọọ, dị ẹẹ mẹ ịjọva tụra wa ịrẹsụ. Anibabironi ẹnẹẹ ẹ divi. Ẹ yị nyị aza ene hi wa ụhwẹ.

Ịzakaraya 7:14

Ọnị vaa sị opomi gara wa hi avaba ẹhẹ, dị ẹtẹ ẹnịnị dụ osusu, dị ọza ẹ yị zụ ngụ ọ, ẹ yị zụ jịnẹ. Aanị ẹkụra ọyịza ọnọọ mẹ vaa dụ osusu nị.