Ijowẹrị 2:2 - IWE ỌNỊNỊ

² Ịhị ọnọọ vee hozi ruma-ruma, dị eguhi oji piri-piri chaka ku ẹtẹ. Dị ọkọnị akụvarịva gara hi ịrẹsụ avaba ataba mọọmọọmọ. Ọza ẹ yị vịdị re ịnahọ̀yị ọnọnị da, dị ọza ẹ yị mẹ vene re irima anị paa ịnị ẹhẹ nị.

Ijowẹrị 2:2 ပူးပေါင်းရင်းမြစ်များ

Ahẹ Ụgama 10:6

E yee ro o ịnị ayị ẹnịnị ka ẹ yị nyị ịsị ẹ vaa mẹ ẹnị Ẹ ka ẹ yị vaa nyị ịrẹyị pooro.

Ahẹ Ụgama 97:2

Eguhi dụmẹ-dụmẹ vị ana kara Ẹnẹyịmavara, ohinọyị anị vị ana aa sị ịzẹyịzaa mẹ, ọ mā mẹ apẹ.

Ọyịkụra 10:14

Dị ẹ ká hi avaba Ijipiti dị ẹ chaka kú avaba aha ịnị ẹtẹ ọnọọ kẹnẹ nị. Â yị vịdị vavọọ nyị otomiroku akụvarịva da. A ma rẹ vana vavọọ nyị.

Ọyịkụra 10:6

Dị ẹ rẹ ka ọ ka akụvarịva ẹnẹẹ vaa ká hi irehi anị ọnịrị irehi anụkọrọ anị ne beri irehi avaba Anijipiti. Dị ẹnịnị rẹ ka ọ ka ẹngụ ịrẹyị ọnọnị ada Anijipiti nịnị ne chire ohiku ẹnịnị ê yi re e da ẹ mẹ̀ hụrẹ ra ịnị ẹkụra ọnọnị pooro ve tù ajịnị. Di Imosiisi varẹma tụ́ hụụ ịda Ihwarawo nị.

Ọyịkụra 20:21

Dị aza ẹnẹẹ jị jẹẹ ẹ́nẹẹnẹ di Imosiisi ọnị tere pè ịzị Ohomorihi yà ene hozi jijiji nị.

Ayịsaya 5:30

Ịhị ẹkụhị ọnọọ òo si tù, avọọ e mè vee nowu ịnị avaba Isirẹrị anka òkū ana sụrẹyị avọọ nị. Ọza ọ̀ọ kana eyi ịnị ẹtẹ ọnọọ, ịsị o vee re kẹnẹ ọ vị etohozi ọnịrị ẹngụkata nị. Eguhi vị ana vaa mẹ ka avaba ẹtẹ ò hozi.

Ayịsaya 8:22

Ẹnịnị ẹ̀ẹ kana eyi, ẹngụkata ne beri ịrahụ ọnịrị angwahi kẹnẹ e vee re nị. Avọọ a mè vee ne wa ngụ ịnị ịrahụ ruma-ruma nị.

Ijeremaya 13:16

Waa sị ụbanyị yị Ẹnẹyịmavara, Ohomorihi awụ nịnị dị ọ̀ vaa mẹ ka ịrahụ ọ̀ za ụ nịnị, dị wa vaa vangga nịnị ịnị ataba. Sị ụbanyị yọ nịnị dị ọ̀ vaa vara ẹtohweyi ọnị wee zi eyi nịnị ịrahụ ruma-ruma.

Ijeremaya 13:6

Ộ da ku-da ku, dị Ẹnẹyịmavara kà a yị ọnị ka ọnị ọ̀ varẹma nọ ụtọ Iyuhwuretisi nị. Ọ kà ọnị ọ̀ na sị ụbaja ọnị ọnị vịdị kà a ka ọnị ọ̀ sị na tẹ̀ ịzọọ.

Arụwẹ 1:12

Ẹ yaa hị́ avaba aza anaa parahu ẹ maa jị òrèrè. Ẹ ka, “Ọzọza o re ịsị Ẹnẹyịmavara sị ẹnị mẹ̀. Ẹ yị nyị ọza ana maanị rị ẹngụ ụya ọnị ẹnị rị aanị da”. Ẹnẹyịmavara vị ana sị ọyịkụ-ọyịkụ sị sị ụya rị ẹnị.

Ezikẹẹrị 32:7

Ẹnẹyịmavara kà ịjị ọnị èee vu ọ ẹtẹ, ọnị vaa sị ịsaa kú ihinẹba, dị ọnị kụ́ ụzọmị nịnị kwooze. Ọnị vaa dà eguhi kú ọyị, dị ụhwẹ ẹ́ yị kụkụ zẹtẹ.

Ezikẹẹrị 34:12

Ọnị vaa tẹsị ẹnịnị anka oseratẹmẹ mẹẹ tẹsị atẹmẹ anị ana gara hi dị a varẹma kụ wa va gu avọọ. Ọ kà ọnị vaa kụ waa vaavẹ hụrị avaba aha ana á gara wa ne hi ịnị ụmẹ odivi ọnị ẹngụkata si tu wa.

Ezikẹẹrị 38:9

Ọnị rị isoja anị nịnị beri avaba anẹkụra ọsa ana va vaka wa vaa kụ́ ịrẹkụụ tu Isirẹrị anka opomi mẹẹ tụ́ avọọ, dị ẹ chaka ku ẹtẹ anka eguhi avọọ.

Ịdanịyẹrị 12:1

Ụmẹ aa vẹ anaa vaa nyị ẹngụkata ana ahịka ẹ yị vịdị vavọọ nyị da á mẹ hụrẹ nyị ẹkụra anaā hị́ Isirẹrị. Ụmẹ ọnọọ Ịmayịkẹẹrị ana vị anggẹẹrị ana sị eyi pe Anisirẹrị nịnị vaa kwẹẹtẹ. Ịjị ụmẹ ọnọọ òo tu, Ohomorihi vaa dọ avaba Anisirẹrị ọnị ịrẹha ẹnịnị hi ịnị iwe anịị ha.

Ịdanịyẹrị 9:12

Dị ọnị kà a yị Ohomorihi ẹnịnị ka, ịsị ộ ka ọnị vaa mẹ ẹnịrị ọdọvịdị ẹnịnị ộ sị ọ mẹ. Ẹ́ẹ yị nyị anẹkụra ọsa ịrẹsụ ẹtẹ ọnị ọ maanị sị ụya rị da anka ọ mẹ sị ụya rị Anijerusarẹmị aanị.

Ijowẹrị 1:6

Otomiroku akụvarịva e reè du ẹtẹ. Ẹnịnị ẹẹ rụrụ, dị ẹ nyị ụkata ẹnẹmẹhị nị. Anyị ẹnịnị ẹ nyị ụkata dị ẹ rẹ anka anyị idu avọọ nị.

Ijowẹrị 2:25

Ẹnẹyịmavara kà ọnị vaa va ịsa ana mẹ wa ihi ịnị ụmẹ ọnị akụvarịva sị rị ịsa ịnị aarẹ ẹnịnị ịrẹma yị wa.

Ijowẹrị 2:31

Dị ọyị vene hozi, dị ụhwẹ ee vi anka anya tụ́ ẹbẹẹba. Ịvọpa ẹnẹnị aa sị zụ̀ ka ẹkụhị ọbanyị ọnị Ẹnẹyịmavara vee si du ayị hi aza anị aa gụrị ẹtẹ

Ijowẹrị 2:5

Ẹ mẹ̀ẹ chaka kú ịrẹsụ ataba, dị ẹtẹ aa sụ́ ịrẹyị anka ịkẹẹkẹ umaata ịrẹkụ; dị ẹ yaa sụ́ wụrụgụdụ ọrịra àaa rị avọọ nị. Dị ẹ tara jẹẹ anka ọkụrẹkụ ene tenyi ẹngụ aa nọ ịrẹkụ avọọ nị.

Ijowẹrị 3:4

Dị Ẹnẹyịmavara họ̀ Anitaya ọnịrị Anisidoni ne beri Anihwirisiti ka sị ẹ vẹ dị ẹ vavọọ aa mẹ̀ ebira hi ọnị? Vị ẹnịnị wéé vi ene si ọnị atọ nị? Àa vị avọọ yị ọọ nị, ọnị vaa vee sị wa atọ obobooro ọnọọ.

Emọsị 4:13

Ọ kà ọnị ọ mẹ̀ ataba nịnị, dị ọnị tụ́ ahị ana tụ́ nị. Ọnị ọọ̄ sị ịrẹyị anị zụ ọza nị. Ọnị ọ vara etohozi tụ́ ịnị ẹnẹnẹ nị. Ọnị a zị ụsẹ ziizi ịrẹsụ avaba ataba ene hi ịrẹsụ ẹtẹ nị. Ịrẹha anị ọ rị Ẹnẹyịmavara Ohomorihi Ochẹtẹẹngụ nị.

Ịzẹhwanaya 1:7

Dị ọ ka, ẹnịnị ẹ mẹ hẹẹ ka ẹkụhị ọnị ọnị vaa sị mẹ̀ ọkarẹyị yị wa aa gụrị ẹtẹ. Ọ kà ọnị ô tenyi ẹngụ ka ọnị ọ̀ hụrẹ wa ụvọ, dị ọnịvị ẹnịnị ẹ va hụ wa hụụnị ẹtẹ ẹnịnị.

Ịzakaraya 14:6

Ẹkụhị ịhị ọnọọ ẹ yị vaa nyị ọyị, ahị ẹ yị vaa za, ẹ yị nyị etohozi.

Imatiwu 24:21

Agụvị ka ịhị ọnọọ ụya ene vee chí hi ẹtẹ, ẹ̀ yị vịdị vavọọ nyị ụya da, Óhomorihi mẹ̀ hụrẹ mẹ ẹhẹ pooro ve tù ọyaanị. A mā rẹ vana vavọọ nyị ị́rẹma anị.

Ịmaakị 13:19

agụvị ka ịhị ọnọọ, ụya ene vee chí hi ẹtẹ, ẹ̀ yị vịdị vavọọ nyị ụya da, Óhomorihi mẹ̀ hụrẹ mẹ ẹhẹ pooro ve tù ọyaanị; a mā rẹ vana vavọọ nyị ị́rẹma anị.

Iwe Ọhụhị Imosiisi ana aa hị́ Ọyịvatụrọda 32:7

Tamayị ịrẹma, ịsa ana mẹ ịnị ịyẹẹyẹ. Họ̀ aza ana ma wụ nịnị ọnịrị azọkụ use ịrẹyị. Ẹ vaa pa ịta ịsa ana mệ ịnị ịyẹẹyẹ yị wụ.

Anihiburu 12:18

Ẹ yị vị ataba (Ịsịnayị) ọnị ọza zụ sị ụvọ kanyị, ụ jẹẹ pe nịnị (anka Anisirẹrị nịnị ịyẹẹyẹ). Ịzọọ, ịra aa za giri-giri, ô hozi ruma-ruma, ẹ yị nyị ẹtohweyi vụrụ-vụrụ, dị ahị aa tụ́ kukuku nị.

Ijudi 1:13

Eē si ka ẹnị ẹ̀ sị ebira odivi ẹnịnị tụ́ ẹhẹ anka enyi ini òkū mẹ̀ẹ̄ da, dị ọ kụ́ ịdọtị tụ́ ẹhẹ avọọ. Vị́ ẹ rẹ sị mẹẹ anka ụzọmị anaa ngwọọ zịịzị nị. Ịnị ịrahụ ruma-ruma a sị eehi aza ẹnẹnị tụ́ nị. Ịzọọ a vaa kụ́ wa hi pooro zịna-zịna nị.

Ẹtore 9:2

Dị ọ na oze ọbọbọ ọnọọ, dị areyi dà va jịnẹ hụụnị anị anka areyi ọrịra ọbanyị avọọ nị. Dị areyi ana dà jịnẹ hụụnị ọbọbọ ọnọọ mine ọyị ọnịrị eguhi tịtẹ kẹnẹ nị.