Ijowẹrị 2:12 - IWE ỌNỊNỊ

¹² Ẹnẹyịmavara kà booro aanị, ẹ sị ayị ọnya ro ịnẹ hụụnị ebira odivi ẹnịnị, dị ẹ va ka ọnị vẹ. Ẹnịnị ẹ va ẹngụ hi, dị ẹẹ jị òrèrè, asị ẹẹ rị ịsa.

Ijowẹrị 2:12 ပူးပေါင်းရင်းမြစ်များ

2 Ịsamụwẹrị 24:10

A mẹ̀ vavọọ sị aza ẹnẹẹ za ịrịka kẹnẹ, dị ayị Idevidi mẹ kì nị. Dị Idevidi kà a yị Ẹnẹyịmavara dị ọ ka, “Ogwoo, Ma sị akụvị ọbanyị mẹ ịnị ịrẹyị ọnị mị mẹ aanị. Aarịhịnị Ẹnẹyịmavara navọ wa vagu mị ka ma sị ụra odivi mẹ ịnị ịrẹyị ọnị mị mẹ aanị.”

2 Ịtọpa 30:6

Iwe ọnị ohinọyị ọnịrị ọdọvịdị anị nịnị mẹ̀ ọda ka ọnụtụ nịnị ẹ ga ịnị avaba ẹtẹ Anisirẹrị ọnịrị Ijuda vị ana a chẹrẹ tụ́ kà a, “Ẹnịnị Anisirẹrị ana ha hụụnị ụvọ ẹvaya ohinọyị Anisiriya nịnị. Varẹma vẹ ịdị Ẹnẹyịmavara ana vị Ohomorihi Abụrahamị, Ayiziiki, ọnịrị Isirẹrị agụvị ọ varẹma ka awụ nịnị vẹ.

2 Ịtọpa 6:27

Ẹnẹyịmavara wụ́ aduwa ẹnịnị, dị ụ waa vagu ezi ahụ awụ Anisirẹrị nịnị, dị ụ wa zụ wa ka ẹẹ mẹ̀ ịsa ana vọrọ. Dị ụ wa varẹma zụ̀ orihi tụ́ ịnị ẹtẹ ọnọnị ọnị ụ sị yị aza awụ ka ọ vị ogu ẹnịnị pooro zịna-zịna.

Ẹsịta 4:16

ọ̀ kụ́ avaba Aniju ọnị òo re gụ ẹkụra Isusa. Dị à kà yị wa ka asị ẹ rị ịsa, dị asị e hú enyi pooro na ngụ ẹkụhị ẹẹta. Ọ kà avọọ gẹdẹ-gẹdẹ ọnịrị ezi ahụ anị mẹ̀ rẹ vaa mẹ nị. Ịrẹma ẹsẹnị ọnị ve nee tù ohinọyị. Ọ kà ọnị ọ daka yẹ ka ọda ọ yi vavọọ zẹẹ; ọnị ọ̀ọ daka hụvị avọọ su, ọnị ọọ dọ.

Ọyịkụra 33:5

Aa zị wa ẹngụ ka Ẹnẹyịmavara ộ kà a yị Imosiisi ka ọ̀ kà a yị Anisirẹrị ka anakamawụ ẹ vị nị. Ọ rẹ ka ọnị ọ̀ọ hyakụ saasa wa na mẹ ụmẹ chee, ọnị ọ nyayịnẹ wụ̀ wa va ha. Ẹnẹyịmavara rẹ ka Imosiisi ọ̀ kà a yị wa ka ẹ̀ kụ́ ẹnya ọvị ẹnịnị hi ẹtẹ, dị ọnị ò ve ro o ịsị ọnị vaa mẹ wa.

Ayịsaya 22:12

Ịhị ọnọọ Ẹnẹyịmavara Ananyị yị Ochẹtẹngụ Ộ hị́ wụ. Ọ kà wa jị òrèrè, dị wa kụ́ ịrẹsụ awụ, dị wa rẹ sị ịta arụwẹ kú ẹngụ.

Ayịsaya 58:4

Awẹ ọnị ẹ yaa za vị ana sị wa ngụrẹyị, dị ẹ yaa zyaazị, dị ẹ yaa ba egidi. Ẹngụ awẹ ọnọọ ọ zụ mẹ ka ọnị ọ wụ́ aduwa ẹnịnị.

Ijeremaya 3:22

Ẹnẹyịmavara kà, avaba ẹwụ nịnị ezi ana kama wụ ọ̀ và ka ọnị vẹ. Ọnị vaa sị ụ nịnị ẹngụ nịya, dị ọnị mẹ ka waa mẹ ịzẹyịza nịnị. Dị ẹnịnị tụ́ ohi, dị ẹ ka, ịzẹyịza ẹnị aa vàa vẹ, agụvị ka ẹwụ a vị Ẹnẹyịmavara, Ohomorihi ẹnịnị nị.

Ijeremaya 36:7

Ijeremaya ka, ẹyịyara, ẹnịnị vaa dá ịpẹẹ ị Ẹnẹyịmavara, dị ẹnịnị và hụụnị ẹhẹ odivi ẹnịnị. Ọ kà, Ẹnẹyịmavara ọ raa sị ọyịkụ-ọyịkụ ee wo oto hi aza ẹnẹnị.

Ijeremaya 4:1

Ẹnẹyịmavara kà, ẹwụ nịnị Anisirẹrị ọ và ka ọnị vẹ, ọ ka wàa mẹ ịzẹyịza hi ọnị nịnị, dị ụ va ori awụ nịnị ha nị, agụvị ka ọnị ọọ nyị ịhyẹrẹ ori.

Ijeremaya 4:2

Dị Ijeremaya ka wàa sị ịrẹha anị hị́ eku nịnị tụ ịrẹsụ ịzẹyịza ọnịrị ịsa ana vọrọ nịnị, ọ vaa mẹ ka ò zé yị ẹkụra awụ nịnị, dị avaba aza kụkụ aa sị ọ mẹ ụbanyị.

Ezikẹẹrị 33:11

Ọ kà, ọnị kà a yị wa ka, àa vị ọnị Ẹnẹyịmavara Ananyị yị ọ vị Ohomorihi ana yara nị, ayị anị é yi hine ka ọnị oo ré ka ọnịvị ee sú. Vị ọnị ee sì ka ẹnịnị ẹ̀ hụụnị ebira odivi ẹnịnị, dị ẹ̀ yàra nị. Ẹwụ nịnị Anisirẹrị, hụụnị ebira odivi ọ̀ yị mẹ nịnị. Sị ẹ vẹ dị wee sì ka we su nịnị?

Ịdanịyẹrị 9:3

Ọ kà ịjị ọnị maanị re e kẹnẹ, dị ọnị ệ ro ịrẹyị Ohomorihi Ananyị yị nị. Di oni nyima â mẹ̀ aduwa, dị ọnị â dá ịpẹẹ yọ nị. Ọ kà ọnị ệ yị rị ịsa, dị a hịka ịta kawụ-kawụ ọnya aanị kẹnẹ ọnị sị vụ, dị ọnị kụ atịtọ ku ịrẹsụ nị.

Ihoseya 12:6

Agụvị avọọ ẹwụ nịnị ezi Ijekọvụ sị ayị tụra Ohomorihi awụ nịnị, dị wa vaka a vẹ. Sì ịrẹyị anị, dị waa mẹ ịsẹ ẹ vọrọ, di wee zi Ohomorihi awụ nịnị pooro.

Ihoseya 12:7

Anisirẹrị nịnị sị mẹẹ anka osohu ẹnẹ ẹ yị nyị ịzẹyịza anaa mẹ ọza rị avọọ nị.

Ihoseya 14:1

Ihoseya kà Anisirẹrị nịnị ẹ ka Ẹnẹyịmavara Ohomorihi ẹnịnị na agụvị ka ịvị ẹnịnị ọ sị wa vanga nya ẹtẹ.

Ihoseya 6:1

Anisirẹrị nịnị ệ hị́ ẹngụ ka ẹnị aa varẹma ka Ẹnẹyịmavara na. Ệ kà ọnị ana gara ẹnị ha chẹkẹ-chẹkẹ ọ rẹ zụ mẹ̀ ẹnị ụkụ nị. Ọnị ana tọ̀ ẹnị ụnava, ọ rẹ zụ sị ịsa sụ yị ẹnị nị.

Ijowẹrị 1:13

Ẹwụ nịnị ohirẹsụ irehi Ohomorihi anaā mẹ̀ ịsọvọ ịrẹsụ ụta anị, kụ ẹnya arụwẹ, dị waa jị òrèrè nịnị! Sị avaba ịrahụ ọyịvụrụ zị ẹngụ ịnị irehi Ohomorihi agụvị ka ẹ yị nyị akụ ọnịrị eche ọyị mẹ̀ ịsọvọ ịnị irehi anị.

Ịzakaraya 7:3

Dị ẹ rẹ họ̀ ohirẹsụ irehi Ohomorihi ọnịrị ọnịsẹ nịnị use ka, “Áá vọrọ ka ẹnị ẹ́ẹ́ zị ẹngụ, dị asị ẹnị rị ịsa ịnị ụhwẹ ẹẹhị ịrayị anka a mẹẹ̄ vịdị mẹ̀ ẹ ịnị ịrayị ọrụrụ-ọrụrụ ana para hu?”

Ịzakaraya 7:5

Ọ kà Ịzakaraya ọ ka yị aza ana ra ịnị ẹtẹ ọnọọ ọnịrị ohirẹsụ irehi Ohomorihi nịnị ka ẹ yị vị agụvị anị ẹnịnị aa zị ẹngụ, dị ẹ yị rị ịsa ịnị ụhwẹ ẹẹhị ọnịrị ụhwẹ ịhịmba ịrayị hụrị ịrayị ẹtarẹwụ ana para hu.

Ịmarakayị 1:9

Ama Ẹnẹyịmavara Ochẹtẹẹngụ ka, ịrẹma ẹnị ẹnịnị ohirẹsụ irehi Ohomorihi maanị aa mẹ, dị ẹyaa yị da ịpẹ baaba ka ọnị ọ vayị ẹnịnị, éé ro ka ọnị ve tu wa ohi?

Odeyi 26:20

Mâ vịdị kà ịrẹyị Ohomorihi Ị́damasịkọsị ọnịrị Íjerusarẹmị beri avaba ẹtẹ Ijudiya ọnịrị yị Anigiriki. Dị mị ka ẹnịnị è ro ịnẹ varẹma hụụnị ịvị ẹnịnị, dị ẹ̀ va ká Ohomorihi vẹ nị. Dị ẹ̀ rẹ mẹ̀ ebira ana sị zụ̀ ka ẹ sị ịnẹ ro varẹma.

Ọdọvịdị 2:4

Ịjị ịrẹyị anị ta a ka, dị avaba Anisirẹrị nịnị va orere hi, di e yee nowu boro-boro nị.

Ọdọvịdị 20:26

Ịjọnọọ dị avaba Anisirẹrị ẹnịrị avaba ọkụrẹkụ ẹnịnị va hịrẹ nọ Ịbẹtẹrị nị. Ịjị e tu ịzọọ dị ẹ jị òrèrè ọvịdị Ẹnẹyịmavara nị. Ệ yaa tẹ ịzọọ ẹnịnị ẹyị sị ịsa kanyị irenu na ngụ oruva dị ẹnịnị mẹ̀ ịsọvọ ẹnẹ rịra saka-saka hi Ẹnẹyịmavara nị.

1 Ịsamụwẹrị 7:3

Di Ịsamụwẹrị va hị́ avaba Anisirẹrị dị ọ ka ẹ̀ẹ ka ẹnị aa vàa vẹ ịda Ẹnẹyịmavara ịzẹyịza-ịzẹyịza, â nyị ka ẹ̀ kụ́ ori anẹkụra ọsa ẹnẹ ẹ na dọ avọọ kwooze. Ọ kà ẹnịnị ẹ̀ kụ́ ori ana aā hị́ Asịtọrẹtị hụụ ịda ẹnịnị. Ọ kà ẹ̀ẹ vavọọ vàa kụ́ ori ẹnẹẹ kwooze, dị ẹ̀ va sị ẹngụ ẹnịnị va yị Ẹnẹyịmavara, dị ahịka ọnị ịnya kẹnẹ ẹ yaa hẹkẹ nị. Ịsamụwẹrị ka ẹ̀ẹ vavọọ mẹ, Ẹnẹyịmavara vaa dọ waa tụ́ hụụnị ụvọ Anihwirisiti nịnị.

1 Ịsamụwẹrị 7:6

Ịzẹyịza di Anisirẹrị wara gụ Imizipa nị. Dị ẹ dà enyi dị ẹ ká a hi ẹtẹ yị Ẹnẹyịmavara nị. Dị ẹ ba awẹ ịhị ọnọọ dị ẹ yaa dọ irenu ebira odivi ẹnẹ ẹ mẹ nị. Dị ẹ ka, “Ẹnẹyịmavara, ya raà mẹ akụvị ka wụ vẹ.” Imizipa ịzọọ Ịsamụwẹrị yà dị ahịka ọnị ọ vị ọdọvịdị Anisirẹrị nị.