Ijowẹrị 1:5 - IWE ỌNỊNỊ

⁵ Kwẹẹtẹ waa jị òrèrè booro-booro ẹwụ nịnị ohweche: Wee na owu ẹwụ nịnị ene hu eche agụvị ka akụvarịva ê reè du igirepi anaā sị mẹ̀ eche ha.

Ijowẹrị 1:5 ပူးပေါင်းရင်းမြစ်များ

Ijeremaya 4:8

Avọọ, va ẹngụ hi nịnị, waa jị òrèrè dị waa ka ẹgọ nịnị, agụvị ka Ẹnẹyịmavara maa kụ ayị hi Anijuda, ẹẹ yị vaa va o.

Ezikẹẹrị 30:2

Ozi-ọza, ọnị ọ̀ kà ịsẹ, dị ọnị ọ̀ kà a, ịsị ọnị Ẹnẹyịmavara Ochẹtẹẹngụ kà, ọ ka ọnị ò nowu boro-boro ka, Ẹkụhị ayịhụrịnẹ aa vẹ o.

Ijowẹrị 1:11

Va ẹngụ hi ẹwụ nịnị ọgẹrẹva; Waa jị òrèrè ẹwụ nịnị eneē tenyi ụbazị ịvayịnị, agụvị ka ịhwịtị ọnịrị ibaari ne beri avaba ịsa ọyịna ana sị wara.

Ijowẹrị 1:13

Ẹwụ nịnị ohirẹsụ irehi Ohomorihi anaā mẹ̀ ịsọvọ ịrẹsụ ụta anị, kụ ẹnya arụwẹ, dị waa jị òrèrè nịnị! Sị avaba ịrahụ ọyịvụrụ zị ẹngụ ịnị irehi Ohomorihi agụvị ka ẹ yị nyị akụ ọnịrị eche ọyị mẹ̀ ịsọvọ ịnị irehi anị.

Ijowẹrị 3:3

Dị ẹ sị ịsa sì ẹnịnị mẹmẹ vaa ga aza ẹnẹ za hị́ ẹngụ ụvọ nị. Dị ẹ ná ezi anọrụ ẹnịnị ọrịhị, dị ẹ sị ẹkẹhị anị ne si ụta ara yị ọsẹrẹka nị. Avọọ ẹ mẹ rẹ ná ezi anyẹnẹẹ ẹnịnị, dị ẹ sị ẹkẹhị anị hu eche nị.

Iruuku 16:19

“Â nyị ọnyẹkẹhị ọnya aanị anaā hara ịta ẹbanyị-ẹbanyịị hi ẹngụ, dị aa rị ẹhẹ ẹtẹẹtẹrẹ eyinị-eyinị.

Ijemiisi 5:1

Ẹwụ nịnị ọnyẹkẹhị, sị ụtọ pe ẹtẹ nịnị! Tụ́ ụvọ kú ịrẹsụ, dị ụ waa jị òrèrè nịnị agụvị ụya ana aa vẹ ịrẹsụ awụ nịnị.