Ijowẹrị 1:4 - IWE ỌNỊNỊ

⁴ Ọkọnị akụvarịva tụra ẹngụ tụra ẹngụ vaa chaka hi wa aarẹ; Avị ọnị ọba ẹnyị rị vọ, dị ọba ọsa va rị avaba ana vọ za ẹtẹ.

Ijowẹrị 1:4 ပူးပေါင်းရင်းမြစ်များ

1 Ohinọyị 8:37

“Ụngwẹ ọ zụ vẹ ịnị ẹtẹ ọnọnị, a rẹ zụ nyị ụkụ ana aā mẹ ka asị ọza re ẹtẹ ẹtẹẹrẹ, ịsa ịnị aarẹ ẹ zụ wụ̄, dị akụvarịva irenyi-irenyi vẹ. Ọnịvị ẹ rẹ zụ kụ́ ịrẹkụ ve tù aza awụ ịnị ẹkụra ẹnịnị. Ụkụ tụra ụkụ ọnịrị ịrẹyị tụra ịrẹyị ẹ zụ vẹ.

2 Ịtọpa 6:28

Àa nyị ụngwẹ ịnị ẹtẹ, a vị ụkụ, a vị ka ịsa ịnị aarẹ o du ha agụvị ka ahị ịrịịra ộ wara a ha, a vị ka okoni akụvarịva ệ rị ọ.

2 Ịtọpa 7:13

Ụmẹ ọnị ọnị ọ̀ọ za orihi jẹẹ ka asị ọ zụ̀, dị ọnị mẹ ọda ka akụvarịva ọ rị ịsa ịnị aarẹ, a vị dị ọnị sị ụkụ za aza anị nị.

Ahẹ Ụgama 105:34

Di Ohomorihi rẹ kà ịrẹyị, dị akụvarịva ọnịrị ịchacha chaka hi ịnị ẹtẹ ọnọọ nị.

Ahẹ Ụgama 78:46

Ọ rẹ mẹ ka akụvarịva ẹ̀ nọ ịnị aarẹ ẹnịnị, di e du wa ịsọyịrị ha nị.

Ọyịkụra 10:4

Ẹ ka ọ ka òo yi dị ọ̀ yị zẹẹ ka ẹ̀ na nị, ọ̀ yẹ ka ọnị vaa kụ́ akụvarịvaa vẹ ịnị ẹtẹ anị ụhwọọ.

Ọyịkụra 10:5

Dị ẹ ka ọ ka akụvarịva ẹnẹẹ vee kú avaba aha, dị ọza o yi kuku re ẹtẹ ka ịsa chee ana vọ ana ata orihi ò yi rè vee du ha, akụvarịva ẹnẹẹ ẹ kụkụ aa rị wa nị. Ẹ rẹ ka ọ ka avaba ịsị ẹ chị hi ịnị aarẹ vị ẹnẹ ẹ yaa rị.

Ayịsaya 33:4

Ẹwụ nịnị anẹkụra aza vị ana vaa sùu kú ogu awụ nịnị dị ẹ kụ́ ọ anka akụvarịva mèe sùu kú avị avọọ.

Ijeremaya 51:14

Ẹnẹyịmavara Ochẹtẹẹngụ, ọ raa sị ẹngụ anị hị́ eku ka, ọnị vaa mẹ aza ẹ̀ kọmị, anka ọkọnị akụvarịva avọọ, dị ẹ̀ kụ́ ịrẹkụ ve tu Ịbabịrọnị. Ẹnịnị vaa nyị ẹbẹẹba anị, dị eyee nowu.

Ijeremaya 51:27

Mẹ ịsị a vaa sịị yẹ ịrẹkụ o si tu. Hú ọpanyị ịrẹkụ dị ẹkụra-ẹkụra ẹ̀ wụ ọ. Kà a ka ẹkụra-ẹkụra o tenyi ẹngụ ịrẹkụ tu Ịbabịrọnị. Hị́ ohinọyị ẹtẹ Ararati, Imini ọnịrị Asikenazi nịnị ka, ẹnịnị ẹ̀ kwẹẹtẹ tụ ọ. Nyị ọdọvịdị ana vaa kụ wa nọ ịrẹkụ ọnọọ. Ẹnẹyịmavara kà, à kụ vaa kụ wa nọ ịrẹkụ ọnọọ. Ẹnẹyịmavara kà, à kụ umaata gigirigi anka ọkọnị akụvarịvaa avọọ.

Ijowẹrị 2:25

Ẹnẹyịmavara kà ọnị vaa va ịsa ana mẹ wa ihi ịnị ụmẹ ọnị akụvarịva sị rị ịsa ịnị aarẹ ẹnịnị ịrẹma yị wa.

Emọsị 4:9

Ẹnẹyịmavara kà, ọnị tụ́ ahị ịrịra ka ọ wụ ịsa ịnị aarẹ ẹnịnị. Dị akụvarịva rị avaba ịsa ene hi ịnị ụbazị ịvayịnị ọnịrị orivi ne beri ihwigi ẹnịnị. Avaba ẹnẹnị ọ yị hụ ọ tura wa ka pe Ẹnẹyịmavara.

Emọsị 7:1

Ẹnẹyịmavara Ohomorihi ọ sị zụ Emọsị ka ọnị aa tụ́ akụvarịva ka e du ịsa nịnị aarẹ aza anị ha. Akụvarịva ẹnẹẹ vi ana vaa vẹ ịnị ụmẹ ịsa ọyịna ụpọhụva ịrẹma ịsa ọyịna ịpaapa anaa kụ́ na yị ohinọyị

Ịmarakayị 3:11

Dị ọ ka ọnị ẹ yị vaa zẹ ka akụvarịva e du ịsa ịnị aarẹ ẹnịnị ha. Ọnị ẹ va zẹ ka ẹtụtụ ịvayịnị ẹnịnị ẹ wọrọ ẹbazị.

Iwe Ọhụhị Imosiisi ana aa hị́ Ọyịvatụrọda 28:38

U vee chire ịsa tatarata tụ ịnị aarẹ ama dị a hịka ịsa kiiki aanị u re hụụnị anị nị; agụvị ka akụvarịva vị ene vee du waa ha.

Iwe Ọhụhị Imosiisi ana aa hị́ Ọyịvatụrọda 28:42

Akụvarịva nịnị vị ana vaa rị avaba ọchị awụ nịnị ọnịrị ịsa ọnị ụ mẹ tụ ịnị aarẹ nịnị.