Ijowẹrị 1:12 - IWE ỌNỊNỊ

¹² Ọchị ịvayịnị ọnịrị ọchị ihwigi ệ raà wụ̀. Avaba ọchị anaā tụ́ ẹtụtụ ẹ kụ̀ wụ̀: Ipomegiraneti, adevino ọnịrị apụrụ. Agụvị avọọ dị ayị aza kú du chuku-chuku nị.

Ijowẹrị 1:12 ပူးပေါင်းရင်းမြစ်များ

Ahẹ Ụgama 4:7

Wâ mẹ ka ịnẹ amị o hine huna aza ana nyị akụ ọnịrị ẹnị eche ozoza gwẹtẹ yị.

Ahẹ Ụgama 92:12

Aza ana aa mẹ̀ ebira ana vọrọ ịnị eyi Ohomorihi vị ẹnị ẹhẹ ẹnịnị vee zoza anka ọsọchị avọọ, dị ẹ yaa yara anka ọchị ọbanyị ene hi Ịrẹbanọnị.

Ahẹ Isoromọnị 2:3

Ọchị anaā tụ́ ẹtụtụ ana aā hị́ apụrụ mẹ vị irenyi tu ini iruku avọọ, avọọ ọnọrụ ọnị mị sì ịrẹyị anị hu kere-kere aanị mẹ vị irenyi tụ ịnị akakana anọrụ ana vọ nị. Miī sì ka ma yaatụ ịnị uhuhu anị nị. Ẹtụtụ anị vi eneē hine mi ẹtẹẹtẹrẹ.

Ahẹ Isoromọnị 4:13

Ọchị vị ana yara ịzọọ. Ẹnịnị ẹ hụ anka iruku ọchị ipomegiraneti, dị ẹyaa tụ́ ẹtụtụ ozoza-ozoza. Avị eturare ana aā hị́ ịhẹna ọnịrị Inadi vị ene hi ịzọọ.

Ayịsaya 16:10

Kụkụ nyị ọkụrịkụ ọnị ịnẹ anị ee hine dị ọ̀ọ jị ahẹ ịnị aarẹ. Kụkụ nyị ọza ana aa kwọrọ ẹtụtụ ịvayịnị ịnị ụkọ dị a va sị mẹ eche. Avaba ahẹ ẹnẹẹ ệ ta.

Ayịsaya 24:11

Aza ene hi ịnị ẹkụra ee nowu ka ẹ yị kụkụ nyị eche, kụkụ nyị ọza ana aa jẹ ịrajẹ ịnị ẹhẹ. Avaba aza vị ana kụkụ aa jị òrèrè.

Ayịsaya 24:7

Ẹtụtụ ọchị ịvayịnị ana a sịị̄ mẹ eche e kụ́ sụ và ha. Ọza o yi kuku re eche. Avaba aza ana vịdị aa mẹrị zị vi ene kuku ee sụ ùnè.

Ayịsaya 9:3

Wa raà mẹ ka aza ẹnẹẹ ẹ̀ rụrụ, avọọ ụ mẹ̀ rẹ mẹ ka inohine ẹnịnị ọ̀ rẹ dẹngụ nị. Ayị ẹnịnị ô hine é mè re ịsị ụ mẹ̀, ẹ yaa jẹ anka aza ana aa kụ ịsa ọyịna ịnị aarẹ gụ avọọ. Ịnẹ ẹnịnị ee hine anka aza ana nyị ẹbẹẹba ịrẹkụ dị ẹ yaa gà ogu ẹnị ẹ kụ́ ózee eyi ịrẹkụ avọọ.

Ijeremaya 48:3

Wụ́ anẹkụra Ihoronayimi mee nowu ka Ezigi ọọ vẹ! Vị ẹnị ee vú ẹtẹ anị nọ!

Ijeremaya 48:33

Ẹ́ yị kụkụ nyị ayohine vụrụ-vụrụ ẹtẹ Imowabi anaa maanị mẹ̀ ịsa ẹtẹẹtẹrẹ. Ẹnẹyịmavara kà ọnị ọ́ raa mẹ ka asị a kụkụ mẹ eche ịzị aā yaa kwọrọ ẹtụtụ ana a sị mẹ eche. Ẹ́ yị kụkụ nyị ọza ana vọrọ ka ọọ mẹ eche, dị ọ jị ahẹ ayị anị oo mee hine.

Ijowẹrị 1:10

Aarẹ vị osusu; dị ẹtẹ aa jị òrèrè agụvị ka e reè du akụ ẹnịnị ha, ọchị ịvayịnị ana aā sị mẹ̀ eche ẹ kụ̀ wụ̀, dị ọchị orivi ana aa sị mẹ̀ angwẹ sị wara nị.

Ijowẹrị 1:16

Áá vị eyi ayị ịsa ịnị aarẹ ayị vu hi ẹtẹ dị ẹ yị nyị ịrajẹ ọnịrị ayohine ịnị irehi Ẹnẹyịmavara?

Ijona 4:7

Ịnị ịrahụ eyinẹhẹ anị, dị Ohomorihi mẹ ka ukukurumi ọ rị avị ọnọọ, di o su nị.

Ịhagayị 2:19

Ẹnẹyịmavara ộ rẹ kà a ka, ẹnịnị ẹ yị daka nyị ihu ayị, dị ẹ yi nyị ẹtụtụ ịvayịnị ọnịrị, ihwigi beri orivi, ọnị vaa mẹ̀ ka o ze yị wa.

Ịmarakayị 3:11

Dị ọ ka ọnị ẹ yị vaa zẹ ka akụvarịva e du ịsa ịnị aarẹ ẹnịnị ha. Ọnị ẹ va zẹ ka ẹtụtụ ịvayịnị ẹnịnị ẹ wọrọ ẹbazị.

Ịrịka 13:23

Ịjị ẹ va ngụ inozi Esikori, dị ẹ da avọ́ Igirepi. Dị aza ẹnị ẹẹva sị ọchị za tụra ịza nị. Dị ẹ rẹ sị Ipomegiraneti ọnịrị uhwigi vaka a vẹ nị.