Ijosuwa 8:8 - IWE ỌNỊNỊ

⁸ Dị Ijosuwa mẹ ọda yị ẹnịnị ka ẹ sị ịra rị ẹkụra ọnọọ saka-saka ịjị ẹ sị ọ dọ ọ. Ẹnịnị saasa ịsa ọnị Ẹnẹyịmavara kà yị ẹnị.

Ijosuwa 8:8 ပူးပေါင်းရင်းမြစ်များ

2 Ịsamụwẹrị 13:28

Abịsarọmị ọ sị ọ kà yị aza anị ka è batọ. Ọ kà èe re ka Amịnọnị ọ sị eche hú dị ịnẹ anị ee hine nị, ọnị vaa kà a yị wa ka ẹ̀ và ịsa hị́ ọ ẹngụ, dị ẹ̀ wụ ọ. Ọ kà asị e hí angwa ka ọnị ọnọnị ọ kà a ka ẹ̀ vavọọ mẹ nị. Ọ kà ẹ̀ nyị ọtụtụrụma, asị angwa hi wa.

Iwe Ọhụhị Imosiisi ana aa hị́ Ọyịvatụrọda 20:16

Àa nyị ẹkụra ọnị ẹnịnị dọ ịnị ẹtẹ ọnị Ẹnẹyịmavara aa sị yị wa, ẹ wụ̀ avaba aza ene hi ịzọọ.

Ijosuwa 1:16

Dị aza ẹnẹẹ tụ́ Ijosuwa ohi dị ẹ ka avaba ịsị Ijosuwa ọ̀ọ kị kà yị ẹnị kẹnẹ, ẹnị vaa mẹ̀ ẹ, aha tụra aha ọnị ọ̀ọ tụ̀ ẹnị nọ, ẹnị aa na.

Ijosuwa 1:9

Dị Ẹnẹyịmavara rẹ ka ọnị ọ kà a yọ nọ! ọnị ka ọ̀ nyị ọtụtụrụma dị ọ sị ayị vị ọnya. Ọ kà asị o hí angwa, asị ayị hụrẹ ẹ ịnẹ ka ọnị Ẹnẹyịmavara ana vi Ohomorihi anị vaa yàa pè e oze tụra oze ọnị ọ̀ọ vaa zị.

Ijosuwa 6:24

Anisirẹrị nịnị vị ana rị Ijeriko ọnịrị avaba ịsa ene hị́ ịnị anị ịra. Ịsa anị a sị isiriva ọnịrị igooru beri enyusẹ ozoza-ozoza ana vọ mẹ kẹnẹ ẹ kụ ne hị́ ịzị a kụ ịsa hi yị Ẹnẹyịmavara nị.

Ijosuwa 8:13

Dị isoja ọzọza tenyi ẹngụ ẹ zị ịzị ọzọza ya nị. Dị Ijosuwa na ịnị na ya nị,

Ijosuwa 8:2

Dị Ẹnẹyịmavara kà ẹ̀ wụ̀ avaba aza ene hi Eyayị ọnịrị ohinọyị ẹnịnị anka ẹ mẹ vịdị mẹ̀ Ijeriko avọọ. Ama ẹ̀ kụ́ ogu ọnịrị ịsụpa ẹnịnị mẹ̀ ẹ́ẹnịnị. Dị ọ kà isoja Anisirẹrị ẹ̀ na tẹ̀ zi wa ịrẹma ẹkụra nị.

Ijosuwa 8:22

Ụmẹ ọnọọ dị Anisirẹrị ana ngụ ẹkụra ọnọọ jịnẹ tu ẹhẹ, dị e zi oze akaha ọnịvị ẹnịnị aa wụ̀ wa ha nị. Dị ẹ va wa tụ́ ịnị akakana, dị e wụ́ avaba ẹnịnị ha saka-saka nị.

Ijosuwa 8:28

Avọọ Ijosuwa mẹ rị Eyayị ịra, dị ẹkụra ọnọọ jị eburu, dị ọ tụ́ osusu pooro ve tu ajịnị nị.

Ijosuwa 8:7

Ẹnịnị vaa kụ́ hụrẹ ịzị ẹẹ tẹ̀ tụ́, dị ẹ dọ ẹkụra ọnọọ agụvị ka Ẹnẹyịmavara vaa sị yị wa.

Ijosuwa 8:9

Ịzẹyịza dị ẹ na tẹ̀ zi wa ịrahụ ọnọọ nị. Dị ẹ ya ịnị akakana Ịbẹtẹrị ọnịrị akaha Eyayị eyi ịzị ọyị zị na ngụ ẹtẹ nị. Ama dị Ijosuwa ya beri isoja ana vọ ịzị e hi nị.

Ọdọvịdị 4:6

Ẹkụhị ọnya, dị ọ tụ́ hị́ Ịbarakị ozi Abinowami hụrị Ịkẹdẹsị ịnị ẹtẹ Inahwitari, Idebora ka Ẹnẹyịmavara, Ohomorihi Anisirẹrị ô mẹ ọda ka Ịbarakị ọ̀ kụ aza akawụ-akawụ oze ẹẹhị hụrị ịrẹsụ Inahwitari ọnịrị Izeburuni nọ ịrẹsụ ataba Ịtabọ.