Ijosuwa 8:6 - IWE ỌNỊNỊ

⁶ Ẹnịnị heyika ẹnị mẹ vịdị mẹ̀ ẹnị ịhị ọnọọ yọ nị. Ẹnịnị ẹ raà dụ ẹnị hụrẹ ẹngụ ẹkụra, dị aza tẹ tụ̀ hi ẹhẹ na rị ẹkụra ọnọọ ịrẹma ẹnịnị. Ẹnẹyịmavara Ohomorihi Anisirẹrị vaa sị ẹkụra ọnọọ chire ẹnịnị ụvọ.

Ijosuwa 8:6 ပူးပေါင်းရင်းမြစ်များ

Ọyịkụra 14:3

Ihwarawo vee ro ka we si nyeeyi dụ kụkụ aa ngụ ịnị ụnọmịị zị nị. Dị ọ ka òkū ọ sị wụ nịnị gu hi tụ́ ịnị ụnọmị.

Ọyịkụra 15:9

Ọnịvị ô wo oto ka ọnị aa dụ yị, dị ọnị ọ̀ dà jị yị. Ọ kà ọnị aa kụ́ ogu ayị òo mè zee ọnị eyi. Ọ kà ọnị aa tụ́ ụhwọ anị dị ọnị ọ̀ sị wụ yị.

Ịrẹyị Ọzwọzịsa 8:11

Dị ọnị ka agụvị ka aza anaa mẹ̀ ịsa odivi ẹ ma hụra rị ụya anị ọ mẹ ka aza ẹẹ mẹ̀ ẹ hu avọ nị.

Ịrẹyị Ọzwọzịsa 9:12

Ẹ yị nyị ọza ana ka ọnị ọọ yẹ ụmẹ aanị. Ẹ yị nyị ọza ana zụ yẹ ụmẹ ọnị ẹngụkata vaa sị vẹ. Anka ivovo ọnị ọha za, à vị inomi ọnị ịrẹpa za avọọ, avọọ ịrẹyị odivi mẹẹ hụraa sụ̀ aza avaavo dị ọ za wa anka ịrẹpa avọọ nị.

Ijosuwa 8:5

Dị Ijosuwa ka ọnịrị aza ana vọ vaa ngụ tu wa. Ịjị Anayi ẹ jịnẹ tụ́ ẹhẹ tu ẹnị anka ẹ mẹ vịdị mẹ̀, dị ẹnị zwe varẹma.

Ijosuwa 8:7

Ẹnịnị vaa kụ́ hụrẹ ịzị ẹẹ tẹ̀ tụ́, dị ẹ dọ ẹkụra ọnọọ agụvị ka Ẹnẹyịmavara vaa sị yị wa.

Ọdọvịdị 20:32

Ịjọnọọ dị Anịbẹnjamịnị ka ẹnị e si nyima re huna wa anka ẹnị mẹ rẹ mẹ wa ịhị ọnọọ. Ama dị Anisirẹrị ẹnị ka à vẹ ẹnị è zwe va nọ ịrẹma agụvị ẹnị ẹ zụ tura wa hụụnị ẹkụra ẹnịnị na ngụ oze ọbanyị.