Ijosuwa 8:1 - IWE ỌNỊNỊ

¹ Ẹnẹyịmavara ộ hị́ Ijosuwa, dị ọ̀ ka asị o hí angwa ọ kụ́ avaba isoja Anisirẹrị nọ ịrẹkụ Eyayị, ộ kà ọnị vaa za ohinọyị Eyayị ọnịrị aza anị chire wa ụvọ. Avọọ ọnị mẹ rẹ vaa dọ ẹtẹ ẹnịnị yị wa nị.

Ijosuwa 8:1 ပူးပေါင်းရင်းမြစ်များ

Ahẹ Ụgama 27:1

Ẹnẹyịmavara aa sị ẹtohweyi zụ̀ mị nị. Ọnị aa dọ mịị ha nị agụvị avọọ ẹ yị nyị ọza ọnyọọnyị oni mee hí angwa anị. Ọnị ọ rẹ ẹ̀ yị zẹẹ ka à nyị ịsị ẹ mẹ̀ mị nị agụvị avọọ m mè yị hí angwa ọza ọnyọọnyị nị.

Ahẹ Ụgama 44:3

Vị agụvị ka ohiku ayị ệ dà yara kụ́ ịrẹkụ ọ mẹ ka ẹ̀ dọ ẹtẹ ọnị ụ sị yị wa vị ụkata ẹnịnị ẹ sị nyị ehuna; ụkata awụ ọ mẹ ka ẹ̀ nyị ehuna nị agụvị ka wê sì ịrẹyị ẹnịnị dị ụ vavọọ nyị wa iyi nị.

Ahẹ Ụgama 46:11

Ẹnẹyịmavara ana nyị ụkata vị ana sị ọtụ kà yị ịrẹma. Ohomorihi Ijekọvụ ee sere yi ka asị a nyị ịsị ẹ mẹ̀ yị nị.

Ayịsaya 12:2

Ịzẹyịza Ohomorihi ọ vị ẹnẹdọha amị nị. Ẹwụ m maa sị ayịị tụra nị, me yi vee hí angwa. Ẹnẹyịmavara ọ sị ụkata yị mị nị. Ẹwa m maa sịị jị ahẹ nị. Ọnị ọ vị ẹnẹdọha amị nị.

Ayịsaya 43:2

Wàa ngụ enyi ana nyị ịnẹ, mị vaa yàa pe wu; Akanya awụ ẹ yị vee huna awụ. Wàa ngụ ịraa parahu, ọ yị vaa rị wụ;

Ijeremaya 46:27

Ẹnẹyịmavara kà, ẹwụ nịnị aza anị, Anisirẹrị, asị ụ hí angwa nịnị. Asị ayị hụrẹ wụ nịnị ịnẹ. Ọnị vaa dọ wụ nịnị ha hụrị aha ẹnẹẹnẹ, ịzị a za wụ nịnị ọrịhị ne hi avọọ. Ụ vanaa và a vẹ eehi awụ nịnị, dị waa mẹ ẹhẹ awụ nịnị ẹngwọọrọ-ẹngwọọrọ. Ọ kà, ọnị vee sere wu nịnị, dị ọza é yi me vene chire wu nịnị angwa.

Ijeremaya 49:3

Ẹwụ nịnị Anihesiboni, wa jị òrèrè boro-boro nịnị! Asị ẹkụra ana aā hị́ Ayị vú ẹtẹ o! Ẹwụ nịnị ana ra hi Ịraba, waa jị òrèrè boro-boro nịnị. Waa zị ẹngụ nịnị di wa kụ́ ịta suku-suku hi ẹngụ nịnị. We zwèe zịịzị nịnị agụvị ka wẹ yị yẹ ịsị aa mẹ nịnị. A vaa sị ori awụ nịnị Imorẹkị beri ohirẹsụ irehi anị, ori ẹnị ọdọvịdị anị naa tụ ẹkụra ọsa.

Ịdanịyẹrị 2:21

Ọnị ọọ̄ jị ụmẹ ọnị avaba ịsa sịị mẹ ịnị ẹhẹ nị. Ọnị ọọ̄ sị ohinọyị nịnị rị nị. Ọnị o reē chi waa hụrị udi ẹnịnị nị. Ọnị ọọ̄ sị ịrẹyọyẹ yị aza ana yẹ ịrẹyị nị. Ọnị ọọ̄ mẹ̀ ka aza ana yẹ ịsa ẹ̀ yẹ ẹ nị.

Ịdanịyẹrị 4:25

Ọ kà, a vaa dụ ohinọyị hụụnị ẹkụra dị ọnịrị uye ịnị avị nịnị kụkụ na rá. Ọ́ vaa rị avị anka ụnọ avọ, dị aa sụ̀ ịnị avị ịzị eguhi vee chiree ku ọ pooro dị ọ mẹ ịrayị ịhịmba. Ọ kà ịjị ọnọọ, ọ vaa dọ ka Ohomorihi ọ nyị ọda avaba anẹhẹ nị, ọnịrị ka ọza ene ze e eyi ọ nyẹngụ sị rị ohinọyị nị.

Ịdanịyẹrị 4:35

Inebukadineza ka, ẹ yị nyị ịsị avaba anẹhẹ vị̀ eyi Ohomorihi. Anggẹẹrị ene hi ẹbẹẹba ọnịrị avaba anẹhẹ vị ene hi ịnị ụvọ anị. Ọnị ọ vị ọmẹrẹyị ọnị ọza ẹ yị ma họ̀ ka sị ẹ vẹ nị. Ẹ̀nẹẹ nọ ọ ịrẹvụ?

Imatiwu 8:26

Dị ọ kà a yị wa, dị ọ ka, “Sị ẹ vẹ du wee hí angwa nịnị? Ẹdọwụ awụ nịnị ô weyi, oo!” Dị ọ kwẹẹtẹ, dị ọ tụ́ ahị ọnịrị irehu ohuvọ nị, dị ẹtẹ tịtẹ sii nị.

Iwe Ọhụhị Imosiisi ana aa hị́ Ọyịvatụrọda 1:21

Dị Imosiisi ka yị wa, Ẹnẹyịmavara Ohomorihi ẹnịnị ọ raa sị ẹtẹ ọnọọ yị wa. Ẹnịnị ẹ na na dọ ẹtẹ asị e hí angwa.

Iwe Ọhụhị Imosiisi ana aa hị́ Ọyịvatụrọda 31:8

Asị e hí angwa ọnịvị ẹnịnị agụvị ka Ẹnẹyịmavara vaa dọ ọvịdị ẹnịnị na ngụ ịzọọ. Ọ vaa ya pe wa, ọ̀ yị vaa hụrẹ wa ụvọ.

Iwe Ọhụhị Imosiisi ana aa hị́ Ọyịvatụrọda 7:18

À sị u hí angwa ẹnịnị; tamayị ịsị Ẹnẹyịmavara Ohomorihi awụ nịnị mẹ ohinọyị Ijipiti ọnịrị aza anị.

Iwe Ọhụhị Imosiisi ana aa hị́ Ọyịvatụrọda 7:21

Agụvị avọọ asị ụ hí angwa aza ẹnẹnị agụvị ka Ẹnẹyịmavara Ohomorihi awụ nịnị ya pe wụ nịnị. Ọnị ọ banyị ana vọrọ ka eē hí angwa anị nị.

Ijosuwa 1:9

Dị Ẹnẹyịmavara rẹ ka ọnị ọ kà a yọ nọ! ọnị ka ọ̀ nyị ọtụtụrụma dị ọ sị ayị vị ọnya. Ọ kà asị o hí angwa, asị ayị hụrẹ ẹ ịnẹ ka ọnị Ẹnẹyịmavara ana vi Ohomorihi anị vaa yàa pè e oze tụra oze ọnị ọ̀ọ vaa zị.

Ijosuwa 10:7

Ịzẹyịza, dị Ijosuwa vavọọ kụ avaba isoja anị kụ ịrẹma na gụ Anigibiyọnị ụvọ nị.

Ijosuwa 10:8

Dị Ẹnẹyịmavara kà asị Ijosuwa hí angwa ẹnịnị agụvị ka ọnị vaa sị wa nyị ẹbẹẹba ẹnịnị nị; vaa nyị ọza ikonya ana vaa nyẹngụ jẹẹ zị wa.

Ijosuwa 2:24

Dị Ijosuwa ka ịzẹyịza, Ẹnẹyịmavara ọ raa sị ẹtẹ ọnọọ yị ẹnị nị. Agụvị avọọ angwa ẹnịnị e hi aza ẹnẹ ya ịzọọ nị.

Ijosuwa 6:2

Ama Ẹnẹyịmavara ọ kà a yị Ijosuwa ka, ọnị ọ ra sị Ijeriko ọnịrị ohinọyị anị ne beri ọkụrẹkụ ọkarị-ọkarị ẹnịnị chire wa ụvọ.

Ijosuwa 7:9

Ịjị Anikenaani nịnị ọnịrị anẹkụra ana vọ ẹẹ wụ́ ịsị e tu ẹnị, dị ẹ vẹ ẹnị ịrẹkụ dị ẹ wụ́ ẹnị va ha. Ẹnẹyịmavara mẹẹ vaa mẹ̀ ụhị ọnọọ?