Ijosuwa 7:9 - IWE ỌNỊNỊ

⁹ Ịjị Anikenaani nịnị ọnịrị anẹkụra ana vọ ẹẹ wụ́ ịsị e tu ẹnị, dị ẹ vẹ ẹnị ịrẹkụ dị ẹ wụ́ ẹnị va ha. Ẹnẹyịmavara mẹẹ vaa mẹ̀ ụhị ọnọọ?

Ijosuwa 7:9 ပူးပေါင်းရင်းမြစ်များ

Ahẹ Ụgama 115:1

Ẹnẹyịmavara, ẹwụ ịnyara kẹnẹ a vọrọ ka àa sị ụbanyịị yị nị. A yị nyị aayị ịnị anị vụrụ-vụrụ, agụvị ka uū sì ịrẹyị ọza, dị ahịka ịzẹyịza ụ rẹẹ mẹ nị.

Ahẹ Ụgama 48:10

Ohomorihi, anka ịrẹha awụ mẹ̀ ngụ ịrẹyị na ngụ avaba ẹhẹ avọọ aza mẹ̀ raa sị ụbanyịị wụ nị Ịzẹyịza ụ waa sịị mẹ ohinọyịị tụra aza nị.

Ahẹ Ụgama 79:9

Ohomorihi, ẹwaā dị yịị ha nọ, navọ wa hụ agụvị ụbanyị ẹngụ awụ wa gụ yị ụvọ. Hụ agụvị ụbanyị ẹngụ awụ wa vagu yị, dị wa dọ yị tụ́.

Ahẹ Ụgama 83:4

Ẹ ka à vẹ dị ẹnị ẹ̀ wụ̀ wa va ha, di asị a kụkụ tamayị ka Anisirẹrị ẹnị rẹ yà ịnị anẹkụra ene hi ẹhẹ.

Ahẹ Ụgama 83:5

Ẹnịnị ẹ sị vabẹ, ẹ yaa gẹ eyi awụ.

Ọyịkụra 32:12

Wàa vavọọ mẹ, wáā yẹ ka vị Anijipiti vaa kà a ka ịsa odivi u ro tụ́ ịnị ayị dị ụ kụ́ wa jịnẹ vẹ ka wa va wụ̀ wa hi ịnị ataba ịzẹnị nị. Dị ẹ ka ụ sì ka we vu wa ẹtẹ hụụnị ẹhẹ nị. Aarịhịnị navọ wa nyị isuuru, di u we ro o, dị asị ụ zẹẹ ka ịsa odivi ò tù aza awụ ẹnẹnị.

Ezikẹẹrị 20:9

Ama ọnị ẹ yị rẹ va vavọọ mẹ, ọnị yaanị raa sị ẹngụ anị sìsi ẹtẹ ọnị ọọ vavọọ mẹ, agụvị ka eyi avaba aza ẹnẹ ẹnịrị Anisirẹrị nịnị rá vabẹ ọnị kà a yị wa ka ọnị vaa kụ waa hụrị ẹtẹ Ijipiti nị.

Ijowẹrị 2:17

Ohirẹsụ irehi Ohomorihi nịnị ana vi ezi ahụ anị, ẹ jẹẹ ịnị akakana ụta ịsọvọ ọnịrị oze irehi Ohomorihi, dị ẹẹ jị òrèrè, dị ẹẹ mẹ̀ aduwa: Dị ẹ da ịpẹ ka Ẹnẹyịmavara ọ vayị aza anị. Asị ọ zẹ ka anẹkụra ọsa nịnị ẹ sị eyi wụ̀ wa, dị ẹẹ nyi wa unyi, di e yee họ̀ use ka ịzị Ohomorihi ẹnịnị ya.

Imika 7:10

Ọnịvị ayị ò re e dị ahịka ụhị ọ kụkụ nyị wa nị. Aza ọnyị vị ene ee họ̀ use ka ịzị ayị ka Ohomorihi ayị ộ yà Ị ka eyee họ̀ use ka ịzị Ẹnẹyịmavara vị ana yà kẹ? Eyi ayị ẹ vaa hyẹdụ dị aa kụ́ ahụụ hi wa zẹtẹ nị Ị ka ẹnịnị vaa hyẹdụ dị ahịka vị ẹ vara eteesu nị.

Ịrịka 14:13

Ama dị Imosiisi da ịpẹ yị Ẹnẹyịmavara nị. Dị ộ kà Ẹnẹyịmavara o re ịsị Anijipiti nịnị vee ro ẹnịnị ẹ̀ẹ wụ ịsị e tu ẹnị. Ẹnịnị ẹ̀ yẹ ụkata ọnị ụ sị dọ aza awụ ha hụrị Ijipiti.

Ịjọọnụ 12:28

Ọga, sị igirima yị ẹngụ awụ!” Dị ọngwẹ ọnya kà ịrẹyị hụrẹ ẹbẹẹba vẹ nị, dị ọ ka, “Ma raà sị igirima yị ẹngụ amị da, mị rẹ vaa sị igirimaa yị ẹngụ amị.”

Iwe Ọhụhị Imosiisi ana aa hị́ Ọyịvatụrọda 9:28

Ẹ yị vị avọọ, Anijipiti nịnị vaa kà a ka Ẹnẹyịmavara ộ yị zụ kụ aza anị nọ ịnị ẹtẹ ọnị ọ raà wo oto anị yị wa. Dị ẹ ka ọ kụ wa nọ ịnị ụnọmị na wụ̀ wa va ha agụvị ka ộ nyị ịhyẹrẹ ẹnịnị nị.

Ijosuwa 7:10

Dị Ẹnẹyịmavara họ̀ Ijosuwa ka o me re dị ọ̀ maanị ne ẹngụ nya ẹtẹ, Dị ọ ka ọ kwẹẹtẹ nị.

Ijosuwa 7:8

Dị ọ ka ịsị ọnị zụ ka ịrẹma ọnị ọnịvị ẹnịnị sị ẹnị huna, dị ẹ yaa dụ ẹnị echi.

1 Ịsamụwẹrị 12:22

Ẹnẹyịmavara ọ raà wo oto ka ọnị e yi vee yi wu nịnị tịtẹ agụvị dị ọnị ọ̀ sị wụ nịnị mẹ aza anị.