Ijosuwa 7:7 - IWE ỌNỊNỊ

⁷ Dị Ijosuwa họ̀ Ananyị yị Ẹnẹyịmavara kà sị ẹ vẹ dị ọ kụ ẹnị hụrẹ akẹnẹ irehu Ijodani va ngụ ịzọọ? Sị ẹ vẹ dị ọ navọ ka Anamọrị nịnị ẹẹ wụ ẹnị va ha? Ọ yaanị zoza ka ẹnị e hi akẹnẹ irehu ịzị ẹnẹ vịdị ya.

Ijosuwa 7:7 ပူးပေါင်းရင်းမြစ်များ

2 Ohinọyị 3:10

Ohinọyị Ijorami ô nowu zẹtẹ ka; ẹnị ẹ sị da. Vị́ Ẹnẹyịmavara kụ ẹnị ẹyịta hi ẹhẹ ka ụvọ ohinọyị Animowabi ò ve kú ẹnị aanị nọ.

Ahẹ Ụgama 116:11

nyị ọza ọnị mị kụkụ zụ sị ayị tụra, dị mị kụkụ ka avaba aza vi onireche nị.

Ọyịkụra 16:3

Di Anisirẹrị kà a yị wa dị ẹka: “Àa yẹ Ẹnẹyịmavara ọ̀ vana wụ yi hi Ijipiti. I mè hi ịzọọ yàa rị uye ọnịrị ịsọyịrị ana vọ o mè zee yi eyi. Ama wa raà kụ́ avaba ayị ẹnẹnị vẹ ịnị ụnọmị ịzẹnị ka wa sị ụngwẹ wụ̀ yị va ha nịnị.”

Ọyịkụra 17:3

Enyi aa kụ̀ aza ẹnẹẹ ịzọọ ẹtẹẹtẹrẹ, dị ẹ yaa rị ihuhuu hi Imosiisi nị. Dị ẹ ka, “Sị ẹ vẹ dị ụ kụ́ yị hụrẹ Ijipiti vẹ ịzẹnị ka asị i re enyi hú dị ẹyịrị ezi eyi ne beri ịsụpa ayị è sú?”

Ịrịka 14:16

Dị ẹ ka, Ẹnẹyịmavara ẹ yị rẹ va zụ kụ ẹnị na ngụ ịnị ẹtẹ ọnị ọ hị́ eku ka ọnị aa sị yị ẹnị, avọọ ọ wụ ẹnị hi ịnị ụnọmị nị.

Ịrịka 14:3

Sị ẹ ve dị Ẹnẹyịmavara kụ ẹnị vẹ ịzẹnị ka enee ve su eyi ịrẹkụ? Dị ẹnị e wu su, dị ọnịvị ẹnịnị ẹ kụ ese ọnịrị ezi ẹnịnị vị ọrịhị ẹnịnị. Ọ vị ana mẹ ka ẹnị ẹ va na Ijipiti.

Imatiwu 17:17

Dị Ijeesu tụ́ ohi, dị ọ ka, “Sị ẹ vẹ dị ẹwụ nịnị anụmẹ ọnọnị ẹ̀ yị dọ wụ́, dị ụ maanị nyeeyi nịnị aanị? Ịzị mị vaa yàa pe wu nịnị nee tù? Ịzị mị vaa sị ẹngụụ dọ ịrẹyị awụ nịnị nee tù? Sị ọọ ve tù mi ịzẹnị!”

Imatiwu 17:20

Dị Ijeesu kà a yị wa ka, “Agụvị ka wẹ yị dọ wụ́ nịnịị yọ nị. Ịzẹyịza, m maa kà a wụ nịnị nị, ẹdọwụ awụ nịnị ọ̀ọ banyị anka ihu ikonya ene weyi hu keekere, wa zụ kà a yị ataba ọnọnị ka ò hu iruvo hụụ ịzẹnị na tụ́ ịzọsọọ, vi ee hu iruvo nị, ẹ yị nyị ịsị ụ wẹ̀ yị va zụụ mẹ nịnị. [

Anihiburu 12:5

Ọtụtụrụma oni Ohomorihi aa tụ́ wụ nịnị anka ozi anị, vị ayị wéé hí wu nịnị nị? Ọ kà, “Ozi emi, Ohomorihi ọ̀ọọ tụ wụ ohuvọ, asị ụ sị eyi wụ̀ ịrẹyị anị. Àaa sị́ ụyaa rị wụ, asị ụ zẹẹ ka ò du wu eyi.

Ijosuwa 7:6

Ịjị Ijosuwa wu enube ọnọọ, dị ọ ha awuru anị hi ẹngụ, dị ọ ne ẹngụ anị nya ẹtẹ ọvịdị apoti oto pooro na ngụ oruva anị nị. Dị ọdọvịdị Anisirẹrị ẹnịnị ẹnị ra zị ẹngụ beri ọ, dị ẹ kụ́ edudu ku ịrẹsụ ẹnịnị nị.

Ijosuwa 7:8

Dị ọ ka ịsị ọnị zụ ka ịrẹma ọnị ọnịvị ẹnịnị sị ẹnị huna, dị ẹ yaa dụ ẹnị echi.

Ọdọvịdị 20:23

Ịjọnọọ dị Anisirẹrị nịnị nọ ịnị irehi Ẹnẹyịmavara dị ẹ jị òrèrè na ngụ oruva ọvịdị Ẹnẹyịmavara nị, dị ẹnịnị họ̀ ọ use ka ẹnị ọ vọrọ ka ẹ kụkụ varẹma ne pe anda ẹnịnị Anịbẹnjamịnị kụ ịrẹkụ? Dị Ẹnẹyịmavara kà ẹ varẹma na nị.

1 Ịsamụwẹrị 4:3

Ịjị isoja Anisirẹrị ana vọ varẹma nọ udi ẹnịnị dị ọdọvịdị Anisirẹrị ka, te! Sị ẹ vẹ dị Ẹnẹyịmavara maanị zẹẹ ka Anihwirisiti ẹ̀ maanị huna ẹnị ajịnị. Dị ẹ ka à tụ́ na sị apoti oto Ohomorihi ana yà Isiro, dị à sị ọ vẹ. Ẹ ka ọ̀ọ vẹ dị Ẹnẹyịmavara saasa ẹnị nọ ịrẹkụ nị, ịsavọọ ọ̀ dọ ẹnị tụ́ hụụnị ụvọ ọnịvị ẹnịnị.