Ijosuwa 7:1 - IWE ỌNỊNỊ

¹ Ẹnẹyịmavara ộ vịdị kà a ka avaba ogu Anijeriko vị ene ve du ha bemi-bemi. Â nyị ọnọrụ ọnya aanị, ọnị ịrẹha anị rị Ekaanị ana vị ozi Ikami. Aazị Izabidi ọ vị nị, dị ọ vị ẹmazị Ịzẹra hụụnị obooro Ijuda nị. Dị Ekaanị na sị hụụnị ịsa ana za ido anị yị wa nị. Agụvị avọọ dị Ẹnẹyịmavara du ayị ẹtẹẹtẹrẹ hị́ Anisirẹrị nịnị nị.

Ijosuwa 7:1 ပူးပေါင်းရင်းမြစ်များ

Oyinyima 34:27

Di ezi Ijekọvụ ana vọ nọ ịnị ẹkụra ịzị a wụ̀ aza hị́, dị ẹ kụ́ ogu ene hi ịnị ẹkụra ọnọọ nị agụvị ọyịnyara ẹnịnị ēni e du ha.

2 Ịsamụwẹrị 24:1

Ịnị ụmẹ ọnya Ẹnẹyịmavara raa kụ́ ayị tu Anisirẹrị. Dị ọ kụ́ ọ hi Idevidi ayị dị ọ ka ọ̀ kwẹẹtẹ dị ọ̀ na za Anisirẹrị ọnịrị Anijuda ịrịka nị.

2 Ohinọyị 5:24

Ịjị ọ va sị ngụ ini eehi, ộ dọ wa achuchu ẹnẹẹ, dị ọ kụ́ wa adịjọọ nị, dị ezida Ịnaamanị varẹma hụụ ịzọọ nị.

1 Ịtọpa 21:7

Ohomorihi ộ sị ụya rị Anisirẹrị nịnị agụvị ka ayị anị o yi hine tụ ịnị ịsa ẹnẹ ẹ́ mẹ aanị.

2 Ịtọpa 24:18

Dị aza ẹ yị kụkụ na hẹkẹ Ẹnẹyịmavara, Ohomorihi ohiku ẹnịnị ịnị irehi anị nị. Dị ẹ kụkụ aa hẹkẹ ori ọnyẹnẹẹ ana a hị́ Asẹra ọnịrị ori irenyi-irenyi nị. Ẹnẹyịmavara ô du ayị hi Anijuda ọnịrị Anijerusarẹmị agụvị ebira odivi ẹnịnị.

Ẹzịra 9:6

dị mị mẹ̀ aduwa, dị mị ka, Ẹwụ Ohomorihi amị ụhị aa nyị mị. Mẹ yị nyayịnẹ va eyi ka wụ o. Ebira odivi ayị ộ ta dẹngụ. Ọ va sị ngụ ẹbẹẹba bẹẹ.

Ijoovu 35:8

Aza anka ẹwụ, ịrẹyị ọhịmị awụ aa zama nị. Ọyịza ọnị ụ rẹ mẹ, ẹnị ẹ rị aha anị nị.

Ịrẹyị Ọzwọzịsa 9:18

Ọza ọ̀ọ nyị ịrẹyọyẹ, oo huna ẹnya ịrẹkụ, ama ọza odivi ọnyara ọ zụ du ịsa ọyịza ọrụrụ-ọrụrụ ha.

Ịdanịyẹrị 9:7

Dị ọnị rẹ kà a yị Ananyị yị ka ọnị ọọ̄ mẹ̀ ịsa ana vọrọ nị ẹnị vanaā mẹ̀ ụhị nyị ẹngụ nịnị pooro kẹnẹ. Avọọ ọ mẹ yà yị avaba ẹnịnị ene hi Ijudiya ọnịrị Ijerusarẹmị beri avaba ẹnị Anisirẹrị ana Ananyị yị dụ ne hi ẹkụra irenyi-irenyi agụvị ka ẹnịnị ệ yị mẹ ịzẹyịza hi ọ nị.

Ireevi 10:6

Dị Imosiisi kà a yị Eerọnị ọnịrị ezi anị ana aa hị́ Eriyaza ọnịrị Ịtama ka, asị ẹ hụ̀ agụvị ka ẹnị aa zị ẹngụ aza ene zụ, dị ẹ̀ navọ ẹyịrẹsụ ẹnịnị dị à si e che e o. À sị̀ hụ̀ agụvị avọọ na awuru hi ẹngụ ẹnịnị ẹngụ bẹẹ. Ọ kà ẹnịnị ẹ̀ẹ vavọọ mẹ, vị eyee su nị, dị Ẹnẹyịmavara kụ ayị hi avaba ẹnị ịragụ nị. Ama anda ẹnịnị Anisirẹrị ana vọ, ẹ́ nyẹngụ aa zị ẹngụ aza ọnị Ẹnẹyịmavara sị ịra wụ aanị.

Ijona 1:7

Dị anụkọrọ ẹpa ẹnẹẹ gẹ eyi ka eni è sì iruvo ọza ana kụ́ odivi ọnọọ tù ẹnị nị. Ẹ mẹ̀ zama ẹtẹ re, dị ọ za Ijona nị.

Ijosuwa 22:16

Avaba ịragụ aza Ẹnẹyịmavara họ̀ wa kà sị ẹ vẹ dị ẹ mẹ̀ ebira odivi ọnọnị hi Ohomorihi Anisirẹrị nịnị? Ụ mẹmẹ zụ va ịrẹma Ẹnẹyịmavara ne hi ụta yị ẹngụ awụ nịnị aanị ọyị sị kụ hịrẹ Ẹ?

Ijosuwa 22:18

Vị́ áá vọrọ ka wa rẹ kụkụ kà a ka wẹ yị kụkụ saasa a nịnị booro aanị nị? Wàa kụ hịrẹ ẹ nịnị ajịnị, vị avaba Anisirẹrị ee re ọyịkụ anị ụhwọọ nị.

Ijosuwa 22:20

Tamayị nịnị ka aanị Ekaanị ozi Ịzẹra mẹ̀ mẹ akamawụ ịnị ịsa oni Ohomorihi mẹ ọda ka è vu ẹtẹ nị. Avaba Anisirẹrị ẹ va rị ụya anị nị. Ẹ yị vị Ekaanị ọnịnya o sú agụvị ịvị anị.