Ijosuwa 5:6 - IWE ỌNỊNỊ

⁶ Anisirẹrị nịnị vị ana ngụ ụnọmị zịịzị ịrayị ẹbẹẹva dị avaba anọrụ ana hụ̀ ọ tu ịrẹkụ ana hụrẹ Ijipiti su ha ịnị ụnọmị. Ẹnịnị ẹ yị rẹ va zụ ngụ ẹtẹ ọyịza ọyịza ọnị Ẹnẹyịmavara kà ọnị aa sị yị wa agụvị akamawụ ẹngụ ẹnịnị.

Ijosuwa 5:6 ပူးပေါင်းရင်းမြစ်များ

Ahẹ Ụgama 107:4

Aza ẹnyị awụ nịnị vị ana aa doodo zị ịnị ụnọmị odivi, e yi re ẹkụra ịzị a vọrọ ka ẹ̀ ra.

Ọyịkụra 3:17

Ọ kà ọnị ọ sị ọ kà ka ẹ yị nyị ịsị ẹẹ̄ mẹ ka, ka ọnị ọ yị kụ́ wa hụụnị ụya ana aa sịị rị wa ịnị ẹtẹ Ijipiti. Ọ kà ọnị aa kụ́ wa nọ ịnị ẹtẹ Ikanaani. Ịzọọ Anihiti ọnịrị Anamọrị ne beri Aniperizi ọnịrị Anihivi beri Anijebusi ra hi aanị nị. Ọ kà ẹtẹ ọnọọ ộ nyị avị ana vọrọ ka ịsụpa ọ̀ rị, avọọ ọ mẹ rẹ zụ mẹ̀ ịsa nị.

Ọyịkụra 3:8

Ọ kà ọnị o reè chi vẹ ka ọnị ọ vaa dọ waa ha hụụnị ụvọ Anijipiti nịnị. Ọ kà ọnị aa kụ́ waa hụụnị ẹtẹ ọnọọ dị ọnị ọ̀ kụ́ wa nọ ịnị ẹtẹ Ikanaani. Ẹtẹ Ikanaani ô zoza ẹtẹẹtẹrẹ. Ộ nyị avị ana vọrọ ka ịsụpa ẹ̀ rị, avọọ ọ mẹ̀ rẹ zụ mẹ̀ ịsa nị. Aza ana vịdị ra hi Ikanaani ẹ vị Anihiti, Anamọrị, Aniperizi ọnịrị Anihivi ne beri Anijebusi.

Ijeremaya 2:2

ọnị ọ̀ na kà a yị Anijerusarẹmị nịnị ka ọnị ộ tamayị ẹnịnị mẹmẹ kụ ẹngụ hi ịrẹyị anị ịyẹẹyẹ anka ọnẹẹ ana sẹsẹ va ọnọrụ avọọ, ọnị ộ tamayị, ẹnịnị mẹmẹ saasa ọnị ịnị ụnọmị ọnị ọza ẹ yị da aarẹ tụ da.

Ezikẹẹrị 20:15

Ama dị ọnị hị́ eku ka ọnị ẹ́ yị kụkụ vaa kụ wa naa ngụ ẹkụra ọnị vịdị sị yị wa nị ẹtẹ ọyịza-ọyịza ọnị ịsa gwẹtẹ hi ịnị anị. Ẹtẹ ọnọọ o zoza hu avaba ẹtẹ ana vọ nị.

Ezikẹẹrị 20:6

Ụmẹ ọnọọ ọnị sị kà a yị wa ka ọnị vaa kụ waa hụrị ẹtẹ Ijipiti, dị ọnị kụ wa ne hi ẹtẹ ọnya ọnị ọnị raa nyị tịtẹ yị wa ẹtẹ ọyịza-ọyịza ọnị ịsa gwẹtẹ ịnị anị. Ẹtẹ ọnọọ o zoza hu avaba ẹtẹ ana vọ nị.

Ijowẹrị 3:18

Ịnị ụmẹ ọnọọ ụbazị ịvayịnị ene hi ịrẹsụ ataba vaa mẹ̀ ẹtẹẹtẹrẹ, dị eche ịvayịnị gwẹẹtẹ hi ẹtẹ. Ịsụpa nịnị vee re avị rị ịrẹsụ ataba, dị ịrẹva ẹnịnị nyị enyi hyọkọ-hyọkọ. Avaba okuha ene hi Ijuda vaa ha irenu, di enyi ee sii hụụnị ịnị irehi Ohomorihi na ngụ inozi Ákesiya.

Ịrịka 14:23

Ẹnịnị ẹ yị vee re ẹtẹ ọnị ọnị hị́ eku anị yị ohiku ẹnịnị. Ẹ yị vaa nyị ọza ana sị eyi wụ ọnị ana vaa ngụ ịzọọ.

Ịrịka 26:63

Avọọ Imosiisi ọnịrị Eriyaza mẹ za Anisirẹrị ịrịka ịnị inozi Imowabi ana gụrị irehu Ijodani o va eyi ka Ijeriko nị.

Iwe Ọhụhị Imosiisi ana aa hị́ Ọyịvatụrọda 1:3

Ịnị ẹkụhị ịpaapa ịnị ụhwẹ ẹwụrọnya ịrayị ana tụ́ ọ ịrayị ẹbẹẹva ọnị ẹ sị kwẹẹtẹ hụrẹ Ijipiti, Imosiisi maanị ka avaba ịrẹyị ọnị Ẹnẹyịmavara mẹ̀ ọda yị ọ ka ọ̀ ka yị Anisirẹrị wa nị.

Iwe Ọhụhị Imosiisi ana aa hị́ Ọyịvatụrọda 2:14

Ịrayị ohurẹẹwụ tụra ịhịnta ẹ sị zị ụsẹ hụrẹ Ịkẹdẹsị Ibaneya na ngụ okuha Ịzẹrẹdị nị. Avaba anọrụ ana kụ́ ịrẹkụ vene su anka Ẹnẹyịmavara mẹ kà a yị wa.

Iwe Ọhụhị Imosiisi ana aa hị́ Ọyịvatụrọda 2:7

Dị Imosiisi ka, asị ayị hi wa ka Ẹnẹyịmavara vene sere wa ịrayị ẹbẹẹva ịhị ụnọmị paragada. Ộ mẹ̀ ẹhẹ rọ wa ẹngụ, ẹ yị nyị ịsị ẹ zwọ wa.

Iwe Ọhụhị Imosiisi ana aa hị́ Ọyịvatụrọda 8:4

Ịnị ịrayị ẹbẹẹva ọnọọ achị ẹnịnị yị re wu.

Anihiburu 3:11

Dị ayị kụ́ ọnị, dị ọnị hị́ eku ka ẹ yị vaa ngụ ịdị anịị tụ́ ụhwọ́ paa nị.

Ijosuwa 1:6

Ẹnẹyịmavara kà Ijosuwa ọ̀ nyị ọtụtụrụma, dị ọ sị ayị vị ọnya, ka ọnị ọ vaa kụ́ aza ẹnẹẹ dị ẹ̀ na dọ ẹtẹ ọnọọ nị. Ọ kà ọnị ọ́ọ vịdị raà hị́ eku yi ohiku ẹnịnị ka ọnị aa sịị yị wa.

Ijosuwa 24:7

Ịzọọ Anisirẹrị ya dị ẹ na owu na za Ẹnẹyịmavara, dị ọ sị etohozi jị ẹnịrị Anijipiti ịnẹ nị. Dị ọ ka enyi jẹẹ yị Anisirẹrị dị ẹ jịnẹ ịnị ẹtẹ ọyịwụ ama dị ẹnyị ọnọọ varẹma mụnẹ wa dị e su ẹyị awụ nịnị nị. Anisirẹrị nịnị ẹ̀ẹ ya ịnị ụnọmị ku pooro nị.

Ijosuwa 5:5

Nyị ọza ịnị ẹnị ana a ma ịnị ụnọmị ana a vịdị jị ụvẹvẹnẹ ịrẹma aza ẹnẹẹ ene sụ ịnị ụnọmị.

Ijosuwa 5:7

Anọrụ ẹnị Ijosuwa jị ụvẹvẹnẹ aanị ẹ vị aza ẹnị ẹ yị jị ụvẹvẹnẹ ana kụkụ vị ọdọmịrẹsụ ada ẹnịnị nị.