Ijosuwa 5:10 - IWE ỌNỊNỊ

¹⁰ Dị Anisirẹrị kụ́ udi tu Igirigari ana vị inozi Ijeriko. Ịzọọ Anisirẹrị ya rị eche ọyịparahu oruva ẹkụhị ẹwụrẹna ịnị ụhwẹ ọnọọ nị.

Ijosuwa 5:10 ပူးပေါင်းရင်းမြစ်များ

2 Ịsamụwẹrị 15:28

Mi tangwa aa jẹẹ zị wụ ịnị ụnọmị pooro dị ma wụ́ ụtụ ọnị wàa tụ́ hi mị.”

Ọyịkụra 12:11

Dị aa ka yị wa ka aanị ẹ mẹmẹ vaa rị ọ nị. Ọ kà ẹ̀ sị obo sụ́ ịta ẹnịnị za ọtẹ, dị ẹ̀ kụ́ adava ẹnịnị hi ahụ, dị ẹ̀ rẹ sị okutẹ ẹnịnị rị ụvọ, Dị ẹ wụsẹ rị ọ eyiha-eyiha. Ọ kà ịsọvọ ọnị ọnị Ẹnẹyịmavara kà ẹ̀ mẹ dị ọnị ọ̀ para irehi ẹnịnị huu ọ vị ọnọọ nị.

Ọyịkụra 12:18

Ọ kà ịnị ụhwẹ ịpaapa, hụụnị oruva ẹkụhị ẹwụrẹna na ngụ oruva ẹkụhị oohu tụra ọnya, ịsọyịrị ẹnẹ ẹ̀ yị nyị owu ẹ vaa rị nị.

Ọyịkụra 12:6

Dị ọ rẹ ka ẹ̀ tangwa sị eyi pè e dị ọ̀ mẹ ẹkụhị ẹwụrẹna ịnị ịhị anị Anisirẹrị ọzọza vaa sị wụ aanị ịnị ụmẹ oruva.

Ijeremaya 39:5

Ama dị isoja Anibabironi dụ wa, dị ẹ za Ịzẹdẹkaya ịnị orere ẹtẹ Ijeriko nị. Ẹnịnị ệ sị ọ ne tu Inebukadineza ẹkụra ana aā hị́ Iribira ịnị ẹtẹ Ihamati. Dị Inebukadineza mẹ̀ ọkarẹyị yị Ịzẹdẹkaya ịzọọ nị.

Ezikẹẹrị 12:3

Ọ kà, ozi-ọza, booro aanị, ọnị ọ̀ sụ́ ẹnya anị anka ọza ana a dụ hụrị ẹkụra avọọ, dị ọnị ọọ na ọọdụ ọnị ọ̀ jẹẹ dị avaba aza ẹ̀ re ọnị mẹ kụ̀ra dị ọnị aa nọ aha ọsa. Ẹyịyara aza ẹnẹnị anaā kụ̀ụ hịrẹ ọza aanị vaa yẹ ịsị aa na.

Ireevi 23:5

Eche ọyị para hu vị ẹnẹ ẹ vaa rị ọyị sị ụbanyị yị Ẹnẹyịmavara ịnị oruva ẹkụhị ẹwụrẹna ịnị ụhwẹ ịpaapa ẹnịnị.

Imika 6:5

Aza amị, wẹ yị tamayị ịrẹyị Ịbarakị ohinọyị Imowabi ana sị vụrị ka e chi hi wu nịnị. Ama dị Ịbaraamị ozi Ịbẹyọ mẹ̀ aduwa ọyịza yị wụ nịnị. Tamayị ụ mẹmẹ zị ụsẹ hụrẹ Isitimi na ngụ Igirigari, Ọnị ẹmị Ẹnẹyịmavara mẹ̀ avaba ịsa ọnị mị zụ mẹ dị wa yẹ ụkọrọ ẹdọha ọbanyị-ọbanyị ana sị ịzẹyịza amị zụ.”

Ijosuwa 4:19

Ẹkụhị ọnị Ezi Anisirẹrị maanị sị jịnẹ irehu Ijodani vị ẹkụhị ẹẹwụ ịnị ụhwẹ ịpaapa ịrayị ẹnịnị. Ụhwẹ ọnọọ aa sị tamayị ụmẹ ọnị ẹ sị jịnẹ hụrẹ Ijipiti nị. Ẹ mẹ jịnẹ Ijodani, dị ẹ kụ́ udi tụ́ Igirigari, eyi ịzị ọyị zị vẹ Ijeriko.

Ijosuwa 5:11

Eyinẹhẹ anị ẹnịnị rị ịsa ịnị aarẹ ẹtẹ ọnọọ nị. Dị ẹ rị ịbụrẹẹdị ọnị ẹ yị nyị òwù ọnịrị akụra nị.

Ijosuwa 9:6

Dị ẹnịnị ne tu Ijosuwa ọnịrị anọrụ Anisirẹrị ịzị ẹ kụ udi Igirigari, dị ẹ ka aha onoze ẹnị hụrẹ vẹ nị. Ẹnịnị e si ka ẹnịrị wa ẹ hị́ eku yị ẹngụ.

1 Ịsamụwẹrị 7:16

Ọ̀ọ hụrẹ Ịbẹtẹrị, dị ọ vavọọ zị ọ pooro na ngụ Igirigari ọnịrị Imizipa dị ọ vavọọ aa mẹ̀ ọkarẹyị yị aza ẹnẹẹ. Avọọ ọ mẹ̀ẹ mẹ ịrayị-ịrayị nị.