Ijosuwa 5:1 - IWE ỌNỊNỊ

¹ Ịjị avaba ohinọyị Anamọrị nịnị ana ya eyi ịzị ọyị zị na ngụ ẹtẹ ọnịrị ohinọyị Anikenaani nịnị ana ra utenyi Imeditareniya wụ́ ịvọpa ana mẹ dị ivovo za wa nị. Dị ayị ẹnịnị ẹ yị vị gẹ Anisirẹrị nịnị ịrẹkụ nị.

Ijosuwa 5:1 ပူးပေါင်းရင်းမြစ်များ

Oyinyima 12:6

di Abụramị che ẹtẹ ọnọọ na para hu na ngụ ịzị aā hị́ Ịsẹkẹmị, dị ọ na ngụ iruvo ọchị Imore nị. Ịnị ụmẹ ọnọọ Anikenaani nịnị ẹ vị anịzọọ nị.

Oyinyima 48:22

Ọ kà ọnị ộ da tụ́ ịnị ẹtẹ anị huna ọnị ọnị sị yị ẹnẹbẹnị anị nịnị. Ẹtẹ ọnọọ ọ vị ẹtẹ ịnị ataba ọnị ọnị dọ hụụnị ụvọ Anamọrị nịnị ịnị ịrẹkụ nị.”

2 Ịsamụwẹrị 21:2

Anigibiyọnị ẹnị ẹ yị vị Anisirẹrị. Anamọrị ẹ vị nị, dị ahịka vị ẹ yà chee aanị nị. Anisirẹrị ệ vịdị raà hị́ eku yị wa ka ẹnị vee sere wa. Ama agụvị ka Ịsọọrụ o reè sì ịrẹyị Anisirẹrị ọnịrị Anijuda baaba, ee sì ka ọnị ọ wụ Anigibiyọnị.

1 Ohinọyị 10:5

O re re aza ana aā rị ịsa aha ịsọyịrị Isoromọnị ọnịrị ezi ahụ anị ene hi ẹtẹ kara a ọnịrị ana jẹẹ pè e ana aa zị ụtụụ yọ. Dị ọ re re awuru ẹnịnị, ne beri a mẹ̀ mẹẹ sị eche yi Isoromọnị nị. O re re ịsọvọ ana aā rị ịra ọnị ọọ̄ mẹ ini irehi Ẹnẹyịmavara. Ịjị ọ maanị nee re avaba ẹsẹnịị ta, atẹ ọ sị wụ́ hị́ ọ irenu.

Ẹzịra 9:1

Ẹmị Ẹzịra ka ịjị ẹ raà mẹ avaba ịsa ọnị mị kà, dị ọdọvịdị Aniju nịnị va sị ịrẹyị ọnya tụ́ mị ịrẹka nị. Ẹ ka Anisirẹrị ọrụrụ-ọrụrụ, nechire ohirẹsụ irehi Ohomorihi ẹnịrị Anireevi nịnị vị ana aa mẹ̀ ebira anka anẹkụra ana ra kara wa avọọ. Ẹ yaa hama wa mẹ̀ ebira odivi-odivi ọnị ẹ yaa mẹ̀. Anẹkụra ẹnẹẹ ẹ vị Anikenaani nịnị, Anihiti nịnị, Aniperizi nịnị, Anijebusi nịnị, Anamọnị nịnị ọnịrị Animowabi nịnị ọnịrị Anijipiti nịnị neberi Anamọnị nịnị.

Ahẹ Ụgama 135:11

Ẹnyị ini ohinọyị ẹnẹẹ ẹ vị Isihoni ohinọyị Anamọrị ọnịrị Oogi ohinọyị Anịbasanị ne beri avaba ohinọyị Anikenaani.

Ọyịkụra 23:28

Mị vaa tụ́ ampoo dọ ọvịdị awụ nịnị, dị ọ na dụ Anihivi ọnịrị Anikenaani ne beri Anihiti hụrẹ oze yị wụ nịnị.

Ayịsaya 41:5

Ẹkụra ọnị enyi kara nịnị me reè re ịsa ọnị ọnị Ẹnẹyịmavara mẹ̀, dị ívoovo za wa, dị ẹ yaa banyị papapa angwa mee hi wa nị. Agụvị avọọ, dị ẹ kụ ẹngụ gụ dị ẹ vẹ nị.

Ezikẹẹrị 16:3

Ada awụ nịnị vị anẹkụra anaā hị́ Anamọrị, dị ọnyị awụ nịnị vị Anihiti nị. Ama ẹtẹ Ikanaani ẹ́ yà ma awụ nị.

Ezikẹẹrị 21:7

Ẹnẹyịmavara Ananyị yị ụkata hu ka, ẹ̀ẹ họ̀ ọnị ka sị ẹ vẹ, dị ọnị ee rimanya? Ọnị ọ̀ kà a ka agụvị enube ịrẹyị anaa vẹ yọ nị. Ịjị ọọ vẹ, angwa vee hí wa ẹtẹẹtẹrẹ; ụvọ ẹnịnị vee súu za wa ẹngụ; ayị vaa hụrẹ wa ịnẹ, dị ẹngụ ẹnịnị sụ̀ ẹgahị, dị idunku ẹnịnị aa bànyị pápàpà. Ụmẹ ọnọọ o si tu, ọnị yị.

Ịdanịyẹrị 5:6

Ịjị ohinọyị vavọọ re e dị ẹngụ anị sị và hí nị. Dị ayị aa hụrẹ ẹ ịnẹ, dị ahụ anị aa dọ ẹgahị pàpàpà nị.

Emọsị 2:9

Ẹnẹyịmavara kà eyi Anisirẹrị nịnị ọnị wụ̀ Anamọnị ha nị. Aza ẹnẹẹ vị ana hụ anka ụchẹba, dị ẹ nyị ụkata anka ọbanjere. Ẹ yị nyị ọza ana vọ ẹtẹ ịnị ẹnịnị vụrụ-vụrụ.

Ịrịka 13:29

Anamarẹkị nịnị vị ana ra Ịnẹgẹvị, dị Anihiti nịnị ọnịrị Anijebusi nịnị ne beri Anamọrị nịnị vị ana ra ịrẹsụ ataba. Anikenaani vị ana ra utenyi Òkū Imeditareniya ọnịrị ụtụtọ irehi Ijodani.

Ijosuwa 17:12

Ama Anịmanasẹ nịnị ẹ yị va nyẹngụ dụ aza ana ra hi ẹkụra ẹnẹẹ. Anikenaani nịnị ẹ vana yị ra hi ịzọọ nị.

Ijosuwa 17:18

Ẹwụ nịnị ọ rẹ́ vaa nyị ịrẹsụ ataba anị, ọ̀ọ daka vị ka iruku ọ vị nị. U ve nee du ọ nịnị, dị ụ wa sị ọ nịnị hụrẹ eyi ọnya na ngụ ịzị ọ zẹtẹ tụ nịnị. Anikenaani nịnị ẹ̀ẹ da ka nyị ụkẹkẹ ịrẹkụ enyusẹ-enyusẹ, dị ẹ nyị ụkata pooro nị ẹwụ nịnị ọ vaa dụ wa nị.

Ijosuwa 24:15

Ama ẹnịnị e yi si ka ẹnị ẹ hẹkẹ Ẹnẹyịmavara, Ẹ nyị ịhị ọnọọ ịsa ọnị ẹnịnị e vaa kụ́ yị. Avị ori ohiku ẹnịnị, avị ori Anamọrị ịzị ẹ yaa aanị. Dị Ijosuwa ka ọnịrị ovwoovu anị vị ana vaa hẹkẹ Ẹnẹyịmavara.

Ijosuwa 3:16

Ẹ mẹ jị ahụ ngụ ọ kẹnẹ enyi ana kụ́ ọhara chi vẹ jẹẹ saka-saka nị. Dị enyi ka jẹẹ anka ugene hụrẹ ẹkụra ana a hị́ Adamị ọ gụrị Izaretani. Dị Anisirẹrị zị ụsẹ ịrẹsụ ẹtẹ ọyịwụ jịnẹ ịrẹhụ ọ gụrị Ijeriko nị.

Ijosuwa 3:17

Dị aza ana za apoti oto Ẹnẹyịmavara jẹẹ ịnị akana irehu Ijodani pooro dị avaba Anisirẹrị jịnẹ ẹ ta nị.

Ẹtore 18:10

Ẹnịnị vaa jẹẹ ẹnẹẹnẹ, agụvị ka angwa ụya ana aa rị ọ ee hi wa. Dị ẹ ka: Kwaa-kwaa! Ho! Ịbabịrọnị ẹkụra ọbanyị ana maanị nyị ụkataa? Ịnị ụmẹ chee kẹnẹ ọ́karẹyị awụ tù aanị nịị?

Ọdọvịdị 1:1

 nyị ụmẹ ọnya aanị, ịnị ụmẹ ọnọọ Ijosuwa ô wusu, dị Anisirẹrị nịnị họ̀ Ẹnẹyịmavara use ka, yere ịrẹsụ ọnị ọ vọrọ tụra ka ẹ vịdị nọ ịrẹkụ Anikenaani nịnị?

Ọdọvịdị 11:23

Ijẹhụta ọ rẹ kà a ka, Ẹnẹyịmavara ana vị Ohomorihi anị Anisirẹrị nịnị aa hẹkẹ ọ nyị ẹbẹẹba Anamọrị yị aza anị Anaamori yị aza anị Anisirẹrị nịnị nị. Dị Ịjẹhwịta ọ họ̀ Isihoni ka vị o ro ka ọnị ọ nyẹngụ va nyị ẹbẹẹba ẹnịnị booro anị nị?

Ọdọvịdị 3:3

Anẹkụra ọnị Ẹnẹyịmavara navọ ẹ vị: Anihwirisiti ana nyị ohinọyị ẹẹhị, avaba Anikenaani, Anịsayịdọnị, Ihivitiana ra ịrẹsụ ataba Ịrẹbanọnị hụrẹ ataba Ịbaarị Ihamọnị huu na ngụ oze Irebo-Ihamati.

Ọdọvịdị 4:2

Agụvị avọọ dị Ẹnẹyịmavara navọ Ijabini ohinọyị Ihazori ọ dọ Isirẹrị, Ọga isoja Ijabini vị ana ra Iharọsẹtị-Ịhagọyimi.

1 Ịsamụwẹrị 25:37

Ẹnẹnẹ éyi Ịnabarị mè si hweyi, di ose anị va kà avaba ịrẹyị ẹnẹẹ yọ nị. Ịnabarị ọ yị kụkụ zụ tụ́ ụhwẹ, dị ọ kụkụ tịtẹ anka ịrẹta avọọ nị.