Ijosuwa 4:6 - IWE ỌNỊNỊ

⁶ Ịrẹta ẹnẹẹ vị apọtẹrẹwa ọnị ẹnịnị vaa sị tamayị ịvọpa ana mẹ ịzọọ pooro-pooro-pooro. Dị ezi ịrẹma e re e dị ẹ họ̀ wa ịsị ẹ vị uruvo ana aa si kụ ịrẹta ẹnẹẹ gụ tụ́ ịzọọ.

Ijosuwa 4:6 ပူးပေါင်းရင်းမြစ်များ

Ahẹ Ụgama 44:1

Ohomorihi yâ sị ụtọ ayị wụ́ ọ ohiku ayị nịnị mẹ̀ẹ kà a yị avaba ịsa ọnị ụ mẹ ịnị ụmẹ ẹnịnị ịnị ịyẹẹyẹ.

Ahẹ Ụgama 71:18

Aarịhịnị mèe si bo di mi kụ́ ẹwa nyị nị, asị u hi ayị amị. Navọ wa jẹẹ mị ịrẹma pooro dị ma kà ịrẹyị ụkata awụ yị ezirẹma ana aa vẹ. Ohomorihi, ẹ yị nyị ọza ana zụ yẹ ta ụkọrọ ẹbanyị-ẹbanyị ọnị waa mẹ, nyị ọza ene e sii juwe awụ.

Ọyịkụra 12:14

Ẹkụhị ọnọọ vị ọnị ụ vaa tamayị anị nịnị pooro. Ezi ịrẹma-ịrẹma ana aa vẹ vị ana vaa tamayị ẹkụhị ọnọnị, dị ẹ yaa rị eche anị dị ẹ̀ sịị kụ́ ọnị Ẹnẹyịmavara avọ. Eche ọnọọ vị ẹnị ẹ vanaa rị pooro zịna.

Ọyịkụra 13:14

Ọ kà ịnị ụmẹ ana aa vẹ, ezi ẹnịnị ẹ̀ẹ họ̀ ka sẹ vị iruvo ịsị ẹ yaa mẹ aanị dị ẹ̀ kà a yị wa. Ọ kà ẹ̀ kà a ka ụkata-ụkata Ẹnẹyịmavara sị kụ́ wa jịnẹ hụrẹ Ijipiti, ka asị ẹ kụkụ vị ọrịhị tụ́ ịzọọ nị.

Ọyịkụra 13:9

Ọ kà Eche ọnọnị vị ana vaa sị mẹ anka apọtẹrẹwa ọnị ọza dà tụ́ ụvọ, à vị ịsị aā sụụ za ibe anaā tama ọza ayị ịrẹyị agụvị dị asị ịrẹyị Ohomorihi hụụnị irenu ẹnịnị. Dị ọ rẹ ka ẹ yẹ ka ọnị Ẹnẹyịmavara ọ sị ụkata-ụkata tụ̀ wa hụrẹ Ijipiti nị.

Ọyịkụra 31:13

“Re ka waa za ido ẹkụhị ọnị mị sị tụ́ ụhwọ. Ẹkụhị ọnọọ vị ọnị ụ vaa sị tamayị ịzẹzẹ ọnị ụ zẹẹ mị nịnị pooro ịrẹma ụhwọọ. Ọ vaa mẹ ka wa yẹ nịnị ka ẹma vị Ẹnẹyịmavara ana sị wụ nịnị mẹ aza amị nị.

Ayịsaya 38:19

Ọza ana yara ọ zụ ga wụ anka mm ma mẹ ajịnị aanị. Aza ana ma ezi ẹ̀ ka yị wa ẹwụ Ohomorihi mẹmẹ nyị ịzẹyịza nị.

Ayịsaya 55:13

Ọchị ịsayịpụrọọsị vee nyi hi ịzị avị ikeyi-ikeyi nyị hi booro aanị. Ọchị ana aā hị́ Imatiri vaa chịị tụ ịzị ikeyi nyị hi. Apọtẹrẹwa ọsọnị vaa vị̀ pooro zịna-zịna nị. A vaa sị tamayị ịsa ẹmị Ẹnẹyịmavara mẹ.”

Ezikẹẹrị 20:12

Ẹnẹyịmavara kà, ọnị ộ rẹ sị ẹkụhị ụhwọtụ anị yị wa ka ọ̀ vị apọtẹrẹwa yị ọnịrị wa; dị ẹnịnị ẹ̀ yẹ́ ka, ọnị ọ vị Ẹnẹyịmavara ana nyị wa tụ irenyi nị.

Ezikẹẹrị 20:20

Sị ẹkụhị ụhwọtụ anị tụ irenyi yị ọnị nịnị, agụvị ka apọtẹrẹwa ọ vị yị ọnịrị ẹwụ nịnị nị. Ọ vaa mẹ ka wa yẹ nịnị ka ọnị ọ vị Ẹnẹyịmavara Ohomorihi awụ nịnị nị.

Ịrịka 16:38

Aza ẹnịnị vị ene su agụvị ọnị ẹ mẹ. Ẹnya eturare ẹnịnị vị ọnịnị agụvị ka ẹ̀ kụ wa vẹ ọvịdị Ẹnẹyịmavara. Dị Ẹnẹyịmavara kà Eriyaza ọ kụ wa vabẹ dị a sị ihama tu ọ dị a sị mẹ oku ụta, dị ọ ka aza ana vọ ọnọ.

Odeyi 2:39

Oto oni Ohomorihi wo aanị, vị áawụ nịnị ọnịrị éezi ewu nịnị ọnịrị áaza ana ra hi aha onoze huuu, avaba aza oni Ohomorihi Ananyị yị va naa hị́ ọ vị nị.”

Iwe Ọhụhị Imosiisi ana aa hị́ Ọyịvatụrọda 11:19

Ẹẹ zụ ọ yị ezi ẹnịnị ụmẹ tụra ụmẹ, ẹ̀ẹ ya ini eehi, ẹ̀ẹ yaa zị ụsị oze, ẹ̀ẹ hụtẹtẹẹ aa tụ́ ụhwọ́, ọnịrị ẹ̀ẹ kwẹẹtẹ.

Ijosuwa 22:27

Ama yee si ka ọ̀ vị ivenu yị ẹyịrị ẹwụ nịnị, ọnịrị yị aza anaa vẹ ịrẹma ayị, ka ịị̄ hẹkẹ Ẹnẹyịmavara ọvịdị ajẹngụ anị. Ịị̄ mẹ̀ ịsọvọ ana aā rị ịra, ọnịrị ịsọvọ ana vọ beri ịsọvọ ana aā sịị mẹ̀ uzee agụvị asị ezi ewu nịnị na kà a yị ezi ka yẹ yị nyị ọyịmẹ̀ beri Ẹnẹyịmavara.”

Ijosuwa 4:21

Dị ọ kà yị Anisirẹrị ka ezi ịrẹma-ịrẹma ẹnịnị vaa họ̀ wa use ka ịsị ịrẹta ẹnẹẹ jị yị

Ijosuwa 4:5

dị ọ kà yị wa ka ẹ na ịnị akakana irehu ịzị aza ana za apoti oto Ẹnẹyịmavara Ohomorihi ẹnịnị jẹẹ. Dị ọza ikonyi ikonya ẹnịnị ọ sị ịrẹta ọnyọọnya tụra ịza hụrẹ ịzọọ na ngụ ịzị ku udi tụ. Ịrẹta ọzọza vaa jẹẹ yị udi ịrẹsụ anị.